1 Piita 4:10 - UWONBƆR A GBƆNPƆŊ LIKƆƆNL

¹⁰ Uninfo biɛn n taam ipiin yan wee Uwonbɔr sei win, ki ter u kpiɛtiib nbamɔm nin nŋmagŋam Uwonbɔr a nyunyunbasanl kaah ye man balbal.

Uwumbɔr aagbaŋ

¹⁰ Uwumbɔr tii ni mɔmɔk Waafuur Nyaan aapiin la. Waah tii nimi ipiin aabɔŋ aabɔŋ na, ni di ipiin ngbaan ter biken.

1 Piita 4:10 ပူးပေါင်းရင်းမြစ်များ

Matiu 20:28

Ke Uninfosaal a Big kaah be man nan, waa dan ke bininfob ntun sei wi, amaa u dan ke u nan tun sei bininfob le, ki jin ta u miɛl ki daa bininfob takpem.”

Matiu 24:14

Le bi na li mɔɔn paab a naam nan a bɔŋann ilog biɛn nin ki ŋa siɛra ki sei ibol biɛn wee dulinya a diɛmin nin foon.

Matiu 24:21

Nan bu-n n-yonn nmɔn bininfob na li kan limugil takpem, Uwonbɔr kaah naan dulinya nan ki nan kpaa dinan, baa laa kan limugil nmɔn a boli, limugil nmɔn a bosu mu kaa ji li nyi dan ni bɔɔn bu.

Matiu 24:45

“Utoontunn u la ba ye yada daan bee ulandaan wan wee u ninkpelu ta u ki ŋa utoontunn ninkpel ke u li lig u toontunn tab, ki li tenn bi tijiir nin naah kpaan bin ji iyoo yan ni naa?

Matiu 25:17

Man mu le wan nan gaa ilee-n mu ta ŋa kpoŋkpoŋ ki kan salima a bɔɔlim milee tinyɔɔr ki kpiɛ i bu.

Matiu 25:44

“Iyaayoo nmɔn le bi mu na li jiin ki baan u ke, ‘Uyudaan, ibayoo wee ti nan kaŋ ki miin nkom jɔɔŋ bee nnyunyum jɔɔŋ bee a ye uchaan, bee a choon gaan, bee a bu, bee a be kuloondiigin wee taa teriŋ ŋaa?’

Tibɔnyaan ti Mak ŋmee ti na 10:45

Uninfosaal a Big kaa dan ke bininfob n tun ki sei u le, amaa u dan ke u nan tun ki sei bininfob le, le ki ji ta u miɛl ki da bininfob takpem.”

Tibɔnyaan ti Luk ŋmee ti na 12:42

Le Uyudaan jiin ke, “Utoontunn u la baa jɔɔ nlam ki tun ke u baa kaah ke u tum man naa? U ma ye wan wee u baa yin che u ŋa bitoontum nmɔn a ninkpelu, wee ki li lig u toontum ban biɛn be u niin nmɔn, ki li tenn bi tijiir n-yonn man kpaan nin bin ji.

Tibɔnyaan ti Luk ŋmee ti na 19:13

Le u yin u toontum piig ki sei bi salima kon piig. Le ki bei bi ke, ‘Ni ta ilig nan ki kpeŋa, hali nin maah na li jirin.’

Tibɔnyaan ti Luk ŋmee ti na 8:3

le biba mu ye Kuza a poo Joana nin Suzaana nin bipiib takpem. Kuza nan ye ubɔr Herɔd a niin a toontunn ninkpelu le, Le bi biɛn nan jɔɔ bi tɔɔl tɔɔl a wan yɔɔr ki tenn Yisa, ki ter u ma nin u bɔɔnɔɔbin biɛn.

Rom Yaab 15:25

Daandaan nan ma, n be nsan bu le ki chaa Jerusalam n tan tun ter biwonjiɛm ban be niin nin.

Rom Yaab 15:27

Ni nan mɔ bi le ke bin tun man, le ibamɔn ni sin kpaan nin bin chaar man ki sei bi. Ni ma bu ni ye ban kaa ye Juu yaabin lagin por nin Juu yaabin Kinaaŋ a kaarin ke, ni kpaan nin bin ji lagin por nin Juu yaab bi wann yɔɔr a kaar.

1 Korenti 15:10

Amaa Uwonbɔr a nyunyunbasanl bu le n ye maah ye wan nan, le u nyunyunbasanl lan be n ni nmɔn kaa ye yɔli. Nan bu-n n tun ki jon itoon nin biɛn na, amaa naa ye min le tun ni Uwonbɔr nyunyunbasanl lan nan be n ban ni-n le tun.

1 Korenti 3:10

Uwonbɔr kaah sam kunyunyunbaag nbu, n bil lifiɛl le ke litanma kpegilin, le uba maa tɔɔg li bu, amaa uninfo biɛn li nyi waah maa ki tɔɔg li bu man.

1 Korenti 4:7

Ŋma che a jɔɔ nbɔgirim a tab ban naa? Ba wee a jɔɔ wee naa ye bi seiŋ lee? Ke ni ye bi seiŋ le ke, ba ŋa wee ni far igbingban ke baa pu ni lee?

2 Korenti 6:1

Tim ban ye Uwonbɔr a toontunn tab, ti balin ni le, ni laa che u nyunyunbasanlin n gab yɔli.

2 Korenti 9:1

Naa kpaa talar nin n sɔb kugbɔŋ ki bei ni naah li tun ki tenn biwonjiɛm man ni.

Efesusi 3:8

Min le joor kaa yabi Uwonbɔr a ninfob nmɔn biɛn a sisiigin, amaa ni biɛn yɔli, Uwonbɔr a nyunyunbasanl bu le U gannim ki seim nsan ke: N mɔɔn ki wɔɔn ban kaa ye Juu yaabin Masiya a jɔɔm man kaa li fir ban kan ni,

Efesusi 4:11

Uma nan ta ipiin ki sei bininfosaalib, u gann biba le ki ŋa bi u tooi, le biba mu ye bilinlem, le biba mu ye bimɔleenmɔɔnib, le biba mu ye ban ŋmag biwonjiɛm a laguŋ nin ban wɔɔnn,

2 Timoti 1:18

Ti yudaau n san u kunyunyunbaag u jirin daal! A baantɔɔl nyi waah nan terim Efesusi a tiŋin man.

Taitus 1:7

Nibu, uwonjiɛn sanliir kaah ŋmag Uwonbɔr a toon yin ni, naa ŋan nin u li jɔɔ igalin bee ki mugir u tabi, ki laa ye wan a ŋuul fii yɔli yɔli, ki laa ye udanyugbeeri, ki laa ye ukɔnban bee ki laa ban tinyɔɔr tan kaa jɔɔ jilima.

Hiibru Yaab 6:10

Uwonbɔr ye wan ŋan le, Waa li tam ni toon nin naah jiɛ U man ki ter U ninfob ki la biɛ nin ter bin bu.

1 Piita 5:10

Le Uwonbɔr wan ye linyunyunbasanl biɛn daan ni, wan yin ni ke ni kan u pag kan kaa jɔɔ diɛm Masiya nin, naah jin fala wama a bɔɔn nin, Uma tɔɔl le ji li jiin ni siin ni yada-n ki che ni pɔɔg, le ni sir kenken.

1 Piita 5:12

Silasi wan wee n nyi ke u ye uwonjiɛn ibamɔn nin, li terim le n sɔb kugbɔŋ nan wama, ke n pɔɔg ni gbanann wee nin jin siɛra ke nan be nan ye Uwonbɔr a nyunyunbasanl le ibamɔn. Mambu ni li ŋmag ni nin nbamɔma.