1 Piita 3:21 - UWONBƆR A GBƆNPƆŊ LIKƆƆNL

²¹ le nnyum nan, nin si Uwonbɔr a nyunfulin lan fee ni mu gabin a taai yin, kaa ye tigbanann a jaginn a funya, amaa tipoor tan wee ti poo ke ti li jɔɔ nbinben ŋan ki jiin Uwonbɔr paamin bu, li fee ni ki gab Yisa Masiya a kum a fiim bu.

Uwumbɔr aagbaŋ

²¹ Nnyun ngbaan le ye baah muini binib nnyun ni na aamɔkl. Dandana wee, bi yaa muin nimi nnyun ni kan, ni ŋmar a; ba pu? Yesu Kristo nan fikr nkun ni. Nima le cha ni ŋmar. Bi yaa muin nimi nnyun ni kan, naa ye ke bi fu nimi aawon nnyun tiwon aajɔŋ pu la. Ni ye ke ni di titunwanbir di lii, ki puu tipuur ke ni ga dii Uwumbɔr.

1 Piita 3:21 ပူးပေါင်းရင်းမြစ်များ

Matiu 28:19

Ni bu, ni li chaa kutingbɔŋ nan yaan, binib a booli biɛn ban ki ŋa bi n-yaa bɔɔnɔɔb, ki fu bi Uwonbɔr a nyunful, Baa nin Bija nin Kasi a Naaŋ a yinl bu,

Tibɔnyaan ti Mak ŋmee ti na 16:16

Wan biɛn ŋa yada wee bi fun u Uwonbɔr a nyunfulin ke u li kan nŋmarim; amaa wan kaa ŋa yada ke Uwonbɔr na li bii u.

Jɔnn 13:9

Le Simɔnn Piita jiin ke, “Tɔ man ke, laa ŋunn n taafar a binba, amaa ŋunn n nɔɔi nin n yul ki kpiɛu!”

Lituln 16:33

Lidaal a nyiɛg, le uloondiiguurin nan ŋunn bi biɛi; le u ma nin u niin yaab biɛn nan gaa Uwonbɔr a nyunful.

Lituln 2:38

Le Piita bei bi ke, “Ni jiɛn ni toonbir a tuma, wee ti fu ni biɛn nan Uwonbɔr a nyunful, Yisa Masiya a yinl bu, wee Uwonbɔr njiɛn ni bir ki per ni, ki sei ni ipiin yan ye Kasi a Naaŋin.

Lituln 22:16

A ji ka ki guu baa? Fiim, wee n fuŋ Uwonbɔr a nyunful, wee a yin Yisa a yinl wee un ŋunn a bir.’

Lituln 8:36

Baah nan nɔɔ nsan nmɔn ki chaa n-yonn man nin, le bi tan kan nnyum nba kaah dɔ, le lijafaal n bei Filib ke, “Lig nnyum sɔ. Ba yin ŋa wee ŋaa li fum Uwonbɔr a nyunfulaa?”

Lituln 8:37

Le Filib bei u ke, “Ni ye a ŋa Yisa yada nin a sufu biɛn ke n li fuŋ.” Le u jiin ke, “N ŋa yada ke Yisa Masiya ye Uwonbɔr a Bija le.”

Rom Yaab 5:14

Amaa nin ni ma biɛn ni, nkum li le ŋmag na nyan Adam a yonn ki nan kpaa Moziz a yonn, hali ki nyaŋ ban kaa tun tibir ke Adam kaah nan tun tibir ki nan bii Uwonbɔr a siimin, Adam nan jɔɔ wan yin ŋɔɔrin nin a nunaŋ le.

1 Korenti 12:13

Ti biɛn nan fun Kasi a Naaŋ nmɔn le nin kinaaŋ kiba nin gbanann tiba, ŋaah ye Juu a ninfou bee Girig a ninfou wi, ŋaah ye uyom bee ŋaah ye a ba, Kinaaŋ kiba nmɔn le bi nan ta sei ti nyun.

1 Korenti 4:6

Daandaan nan, n nabum, nim a nyɔɔr bu le n bigin ni niɛ ki sei min nin Apolosi, ke ni tinn ti ban n wɔɔm man ke, “Ni la tun ki lagir nan sɔb Uwonbɔr a gbɔŋin nin bu” wee nin che ni laa jɔɔ kalanbaani uba bu ki jon u kpiɛgi.

2 Korenti 1:12

Daandaan nan taah jɔɔ ligbingbanfaal lan sɔ: Ti potiɛl jin ti siɛra ti binbem dulinya nan a ninfobin, nin ni baantɔɔl a sisiigin, ti kasi a binbem nin ibamɔn nin nya Uwonbɔr ban le. Naa ye dulinya nan a lam le che ti tun man ni, amaa ni ye Uwonbɔr a nyunyunbasanl bu le.

2 Korenti 7:1

A li ke taah jɔɔ limɔsiinl man ni, n jɔtiib, ni che ti ŋa tiba kasi ki nya nan ye tijaginn ni ki sei tigbanann nin kinaaŋ nna, wee ki li be nbamɔm ki li jɔɔ kasi a binbem nin jilima ki tenn Uwonbɔr.

Galantiya 3:27

Nim ban wee bi fun ni Uwonbɔr a nyunful Masiya a yinlin nin, nim le ta Masiya ki yee ke kuwan yeewaŋin.

Efesusi 5:26

ki nan ban bi li be kasi, ki nan ta Uwonbɔr a mɔleen ki ŋunn bi nnyumin,

Kolosiya 2:12

n-yonn man wee bi nan lagin pii ni nin Masiya Uwonbɔr a nyunfulin ni, wee ni ji fii nkumin nin Masiya ni yada-n Uwonbɔr a pɔɔm man nan fii-n u nkumin ni.

1 Timoti 1:5

Nwɔɔnim nan a num kaah paa nan bu ye njiɛm le, man nyan kasi a sufu-n nin ipotiɛ ŋan nin ibamɔn a yada-n.

1 Timoti 6:12

Kɔm likɔnŋanl nin yada. Li ŋmag limiɛfol lan kaa jɔɔ diɛmin, lan bu wee Uwonbɔr nan yiŋin, wee a ŋa siɛra ŋaŋ ki kpiir ki wɔɔn siɛradam takpemin.

Hiibru Yaab 10:22

ni che ti fɔɔr mal Uwonbɔr nin sufu ŋaŋ nin yada kan gbee nin ibamɔn na, waah jɔgin ki ŋunn ti sufu nyan kasi, wee ti nyan igalin ti potiɛlin ni, wee ki fun tigbanann mu nnyum ŋami.

Hiibru Yaab 11:19

Abiraham nan tiɛr ke Uwonbɔr li fir fiin utakpiir nkumin, pag wonn a poolin, u sin nan gaa Azig ki nyan nkumin.

Hiibru Yaab 13:18

Ni li miɛ Uwonbɔr ki tenn ta. Ti nyi ke ti jɔɔ potiɛri yan ween le ti ban ti li be jilima a binbemin niwann biɛn nin.

Hiibru Yaab 9:14

Mambu ke, Masiya ma a chamin tun nan jon man na, uma wan kaa jɔɔ igalin wee kinaaŋ kan be u ni kaa jɔɔ diɛmin nan che u ta uba ki mann kumanug ki sei Uwonbɔr, ki ŋunn ti potiɛri a toon yan yin liin ti kɔɔn nkumin nin, wee nin che ti fir jiɛn Uwonbɔr wan foo-n!

Hiibru Yaab 9:24

Nan bu-n Masiya kaa nan kɔɔ bininfob kaah maa wonjiɛn bol lan nan nann wonjiɛn bol bamɔnlin yaan ni; paab baantɔɔl le u nan don, le ki si ti taalin Uwonbɔr a nintogil.

1 Piita 1:3

Ipoor ye Uwonbɔr wan ye ti Yudaau Yisa Masiya a Baa-n yaal le! U nyunyunbasanl takpenlin bu ti kan nmaal pɔɔn man be tama kan fo-n, waah nan fiin Yisa Masiya nkumin,

1 Piita 3:16

ki che ni potiɛl li ŋan na, wee ban pag bii ni nin kininaŋ ni binbenŋam Masiya ni-n nji ifa bi tingbiig nmɔn bu.