1 Piita 3:16 - UWONBƆR A GBƆNPƆŊ LIKƆƆNL

¹⁶ ki che ni potiɛl li ŋan na, wee ban pag bii ni nin kininaŋ ni binbenŋam Masiya ni-n nji ifa bi tingbiig nmɔn bu.

Uwumbɔr aagbaŋ

¹⁶ Ni li ŋani ni ŋan na n‑yoonn mɔmɔk, le naah dii Kristo mbamɔm ki kpa mbimbin mu ŋan na na, nima le ga cha inimɔɔn chuu binib bi sii nimi ki len nimi tibɔbir na.

1 Piita 3:16 ပူးပေါင်းရင်းမြစ်များ

Matiu 5:11

“Tikaar be nim ban wee bininfob sugir, ki mugir, ki por tibɔkar tan bir biɛn ki tenn ni-n bu.

Lituln 24:16

Mambu, n pɔɔn n baa le iyoo biɛn ke n tun nan kpaan, wee n sufu li be nbamɔm nin Uwonbɔr nin uninfosaal ban.

Lituln 28:22

Amaa ti ban ti biɛ a potiɛl le, ti pii nyi ke nwonjiɛn san man wee a nɔɔ nan, bininfob takpem li pag ki bii mi iyag biɛn.”

Rom Yaab 9:1

N pag ibamɔn le Masiya bu, maa por tibɔkari, le n potiɛl jin siɛra Kasi a naaŋin,

2 Korenti 1:12

Daandaan nan taah jɔɔ ligbingbanfaal lan sɔ: Ti potiɛl jin ti siɛra ti binbem dulinya nan a ninfobin, nin ni baantɔɔl a sisiigin, ti kasi a binbem nin ibamɔn nin nya Uwonbɔr ban le. Naa ye dulinya nan a lam le che ti tun man ni, amaa ni ye Uwonbɔr a nyunyunbasanl bu le.

2 Korenti 4:2

Amaa ti yii tibɔwoonkaar nin ifa a tooi le, taa lar uba, bee ki bii Uwonbɔr a bɔri. Amaa ibamɔn a wɔɔm a poolin le ti ta tiba ki wɔɔn uninfo biɛn a potiɛl kaah wɔɔn u ke un nɔɔ man wee nin gbee Uwonbɔr a num.

1 Timoti 1:19

Li ŋmag a yada nin a potiɛŋamin na. Biba nan yii mi le ki che bi yada bii.

1 Timoti 1:5

Nwɔɔnim nan a num kaah paa nan bu ye njiɛm le, man nyan kasi a sufu-n nin ipotiɛ ŋan nin ibamɔn a yada-n.

2 Timoti 1:3

N poor Uwonbɔr wan wee n jiɛn u nan, ke n yaajam kaah nan ŋaan man nin, nin lipotiɛŋanl, n wonmiɛlin n tiɛr nibu n sufu ni, nween nin kunyiɛg.

Taitus 2:8

Ki li pag ibamɔn yan wee uba kaa li fir pag bii ti, wee ban kaa chee a wɔɔm nmɔn n ji ifa, nan bu-n baa jɔɔ niba a bɔbir ki li fir pag sei ti.

Hiibru Yaab 13:18

Ni li miɛ Uwonbɔr ki tenn ta. Ti nyi ke ti jɔɔ potiɛri yan ween le ti ban ti li be jilima a binbemin niwann biɛn nin.

Hiibru Yaab 9:14

Mambu ke, Masiya ma a chamin tun nan jon man na, uma wan kaa jɔɔ igalin wee kinaaŋ kan be u ni kaa jɔɔ diɛmin nan che u ta uba ki mann kumanug ki sei Uwonbɔr, ki ŋunn ti potiɛri a toon yan yin liin ti kɔɔn nkumin nin, wee nin che ti fir jiɛn Uwonbɔr wan foo-n!

1 Piita 2:12

Ni li be nbinben ŋan nmɔn a bosuu ban kaa ye biwonjiɛmin a sisiigin na, hali baah le galin ni ke ni tun tibirin na, ni biɛn yɔli ni li che bin kan ni toon ŋan ki sei Uwonbɔr kupag lidaal lan wee U nan yin gɔnn ti.

1 Piita 2:15

Nan bu-n ni ye Uwonbɔr a wiib le ke ni tun itoon ŋan nan li loon tijɔri tan kaa nyi niba-n a mɔleen.

1 Piita 2:19

Nan bu-n, ni ye usaal kan nan kpaan a nan wi wee ki sin jɔɔ limɔril waah tiɛr Uwonbɔr bu-n ke, u li kan npagim Uwonbɔr ban.

1 Piita 3:21

le nnyum nan, nin si Uwonbɔr a nyunfulin lan fee ni mu gabin a taai yin, kaa ye tigbanann a jaginn a funya, amaa tipoor tan wee ti poo ke ti li jɔɔ nbinben ŋan ki jiin Uwonbɔr paamin bu, li fee ni ki gab Yisa Masiya a kum a fiim bu.

1 Piita 4:4

Bi tiɛr ni ye tichann le naah kaa ji kɔɔn nin titoonbir a toon takpemin ni, mambu le bi lagin tisugir ki tunn ni.