1 Piita 2:9 - UWONBƆR A GBƆNPƆŊ LIKƆƆNL

⁹ Amaa nim ye bininfob gannkaab le, ki ye bininfob ban ye ibɔrniin a minmanib, ki ye kasi a bol, ki ye Uwonbɔr yaab, ke ni pag Uma wan yin ni ki nyan ni libunbɔnlin ki ta ni ŋa ligaril a wonweem n-yaan nin.

Uwumbɔr aagbaŋ

⁹ Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.

1 Piita 2:9 ပူးပေါင်းရင်းမြစ်များ

Matiu 4:16

bininfob ban be libunbɔnlin nan ni kan nwonween takpen na; le ban ka nkum a jinjiimin a tingbɔŋin ni kan nween nin kaah won ki pii ba.”

Matiu 5:16

Ni mu li ŋaan man na, ni che ni wonweem li ween bininfob ban na, wee bi li ga ni ŋaar kaah ŋan wee ki don ni Baa wan be paab nan a yinl.

Tibɔnyaan ti Luk ŋmee ti na 1:79

Ni na li wonn bininfob ban be libunbɔnlin ki san nkum a jawaam nan bu, Ni ma wɔɔn ti nsan man li sei tim nposɔɔn nan.”

Jɔnn 17:19

Bi ma bu le n ŋa nba kasi, ke ni che bi mu n ŋa kasi ibamɔn.

Lituln 20:28

Ni li ŋmag niba nbamɔm nin ipee yan biɛn wee Kasi a Naaŋ ta ŋubin ni nɔɔn ke ni li guu-n. Ni li guu Uwonbɔr a ninfobin na, ban wee U ta U cham ki daa-n.

Lituln 26:18

a tan ligir bi num ki nyan bi libunbɔnlin ki kpenn bi ŋa nwonween ni na, ki nyan bi Sintani a pɔɔmin ki sei bi Uwonbɔr a pɔɔm, wee bin kan tibir a jiɛn per, nin npaan n ban wee Uwonbɔr n ta bi ŋa U yaab ban be kasi-n a sisiigin baah ŋaam yada n bu.’

Lituln 26:28

Le Ubɔr Agiripa jiin Pɔɔl ke, “A tiɛr ke a li fir che n ŋa uwonjiɛn n-yonn wama nan yaan naa?”

Rom Yaab 9:24

hali tim, ban wee U yin nin mu, naa ye ban nyan Juu yaab a bolin nin a binba, amaa ban nyan ban kaa ye Juu yaab a bolin nin mu?

1 Korenti 3:17

Ni ye, wan bii Uwonbɔr a wonjiɛndiig n ke, Uwonbɔr mu li bii u yaadaan; Uwonbɔr a wonjiɛndiigin ye kasi a diig le, le ni mu le ye kudiig nmɔn.

Efesusi 1:14

Kasi a naaŋ nmɔn li ye lifaal nmɔn a siɛra hali nin n-yonn man wee ti na li kan nkpenim a manug tim ban ye U ninfobin, tim li pagir U ki tenn U kupag.

Efesusi 1:6

che ti pag Uwonbɔr U jilima nin U nyunyunbasanl lan wee U sei ti yɔli U bijiɛkaagin ni.

Efesusi 3:21

U ma Uwonbɔr ye kupag biwonjiɛm a laguŋ nin Masiya ni ki tan kpaa n-yonn man nan jon nin a ninfob biɛn, nin n-yonn man kaa jɔɔ diɛm nan! Ibamɔn.

Filipi 3:14

n jɔɔ inunman le ki gu chaa n num kaah paa nan bu-n ban ke n tan pii tiyɔr tan bu wee Uwonbɔr yim papaab Masiya bu-n.

Kolosiya 1:13

Nan bu-n U fee ti libunbɔnl a pɔɔmin na, le ki ta ti ki kɔɔn u bijiɛkaag a naam a yerin nin,

2 Timoti 1:9

Uma nan fee ti gab ki yin ti ke ti li be kasi a miɛfolin na, naa ye taah tun nan bu, amaa ni ye u baantɔɔl kaah lol man le nin u nyunyunbasanlin bu. U nan san ti kunyunyunbaag Masiya bu hali n-yonn man nan jon nin,

Taitus 2:14

wan ta uba ki ŋa nkpenim a manug ki sei ti, ki nyan ti titoonbir biɛn a yomirin, le ki ŋa ti u baantɔɔl a ninfob ban be kasi ki jɔɔ linunmanl nin itoon ŋan a tum.

1 Piita 1:2

ban wee bi nan gann, wee ti Baa Uwonbɔr pii nan nyi ke bi li gann bin, ŋa bi kasi, Kasi a Naaŋ a toon bu-n, ki che bi chee Yisa a mɔb le u cham n ŋunn bi: Linyunyunbasanl nin nposɔɔn li be ni bu takpem.

1 Piita 2:5

ni mu tɔɔl be le ke itangbag yan fo-n, le U ta ni ki ma iniin wee ni li ye kasi a minmanib, wee ni li mann kinaaŋ a manug kan wee Uwonbɔr a num gbee Yisa Masiya bu-n.

1 Piita 4:11

Ni ye uba pag ke, u li pag tibɔr tan ye Uwonbɔr a mɔleen ya. Ni ye wan yin tun ke, u li tun nin npɔɔn man wee Uwonbɔr ta sei win na, wee niwann biɛn ni Uwonbɔr a yinl n kan kupag Yisa Masiya bu. Kupag nin npɔɔn ye u yaan le hali nin iyoo yan kaa jɔɔ diɛmi. Ibamɔn.

Tibɔkpiirkaan 1:6

le ki che ti ŋa u naam a ninfob nin biminmanib ke ti li jiɛn Uwonbɔr wan ye u Baa-n, u binba le kpaan nin kupag nin npɔɔn iyoo nin iyoo! Ibamɔn.

Tibɔkpiirkaan 20:6

Tikaar nin kasi be ban kpiɛ wee Uwonbɔr chinn fiin bi nkumin nin bu. Nkum man yin kpiɛ milee-n kaa jɔɔ bi pɔɔmi, amaa bi na yin ye Uwonbɔr nin Yisa a minmanib le, bi ma nin Yisa na li lagin ki ŋmag nnaam ki tan kpaa ibin turil.

Tibɔkpiirkaan 5:10

Le a jin bi nnaam, ki ta bi ŋa biminmanib ke bi li jiɛn ti Wonbɔru, le bi na li kal kunaangbɔŋin bu.”