1 Piita 2:5 - UWONBƆR A GBƆNPƆŊ LIKƆƆNL

⁵ ni mu tɔɔl be le ke itangbag yan fo-n, le U ta ni ki ma iniin wee ni li ye kasi a minmanib, wee ni li mann kinaaŋ a manug kan wee Uwonbɔr a num gbee Yisa Masiya bu-n.

Uwumbɔr aagbaŋ

⁵ Ni mu bi ke ŋitakpal ŋi kpa limɔfal na. Uwumbɔr di nimi maa lidichal ke Waafuur Nyaan li bi li ni. U ban ke ni li ye uma ubaa aatotoorb, ki li tun waatuln, Waafuur Nyaan aapɔɔn pu. Yesu Kristo pu, le u ga gaa nimi aatuln ngbaan.

1 Piita 2:5 ပူးပေါင်းရင်းမြစ်များ

Rom Yaab 12:1

Mambu, n balin ni le n nabum, Uwonbɔr a nyunyunbasanl bu, ni ta ni gbanann ki ŋa liwanfol a manug, kan be kasi ki gbee Uwonbɔr a num, ni ma ye liwonjiɛnl a toonl kinaaŋin.

Rom Yaab 15:16

ke n ŋa Masiya a toontunnu ki sei ban kaa ye Juu yaabin ki ta Uwonbɔr a bɔŋann nin tun itoon ke uminmanirin, wee Uwonbɔr n gaa ban kaa ye Juu yaabin ke kumanug kan wee Kasi a Naaŋ ŋa ki kasi-n.

1 Korenti 3:16

Naa nyi ke nim le ye Uwonbɔr a wonjiɛndiig nnaa, le Uwonbɔr a Naaŋ be ni nii?

1 Korenti 3:9

Tim le ye Uwonbɔr a toon tun tab; nim le ye Uwonbɔr a kpaab ki ji ye Uwonbɔr a diig.

1 Korenti 6:19

Naa nyi ke ni gbanann ye Kasi a Naaŋ a diig lee? Naa ye u ma le Uwonbɔr ta u ki sei ni nnaa? Naa ye niba

2 Korenti 6:16

Kuwonjiɛndiig nin kutingbandiig jɔɔ baa a mɔcheel nin tab baa? Tim le ye Uwonbɔr wan fo-n a diig. A li ke Uwonbɔr kaah len ke, “N li be nin bi, ki li choon nin bi, Ki li ye bi Wonbɔru, wee bi mu ye n ninfob.”

Galantiya 6:10

Mambu, taah kan nsan nin ti li tun itoon ŋan, ni che ti li tun itoon ŋan ki tenn bininfob biɛn na, naah dii tɔɔ ban bu le ye ban ye biwonjiɛm a niin yaab.

Filipi 1:11

ki gbee nin nbuchin binben man nyan Yisa Masiya ni, ki li ye kupag ki tenn Uwonbɔr.

Filipi 2:17

Hali ni ye bi kpaarim le wur ke libawol a daam le bi ta mann kumanug ki jiin ni yada kan wee ni jɔɔ nin Uwonbɔr n bu ke, n pool peen le ni mɔm ni biɛn nan bu.

Filipi 4:18

N gaa tiyɔr takpem ke ti yab tan lagira; n nin jɔɔ nan biɛn wee n ban, maah gaa ipiin yan biɛn wee ni nan ta sein Ipaforɔditusi n ni. Ki ye kumanug kan jɔɔ nbaam mɔɔm wee Uwonbɔr a num gbee le.

Kolosiya 3:17

Mambu ni ŋaan nan biɛn ke, naah ye ni mɔleen bee ni toon ke, ni ŋa ni biɛn Uyudaan Yisa a yinl bu, ki li tenn Uwonbɔr wan ye Baa-n kunɔɔpoog u bu.

1 Timoti 3:15

ni ye maa dan weem ke, kugbɔŋ nmɔn li che a biɛ bininfob a binbem kaah ye man Uwonbɔr a niin, ban ye Uwonbɔr wan fo a wonjiɛmin, ki ye kijaantelig nin ibamɔn a fiɛl.

Hiibru Yaab 3:6

Amaa Masiya ma si nba bu le Uwonbɔr a ninfob biɛn bu ki ye U bija, tim le ye Uwonbɔr a niin yaab, ni ye ti li jɔɔ lipoobil le nin tama kan wee ti far ligbingbanl ki bu-n.

1 Piita 2:9

Amaa nim ye bininfob gannkaab le, ki ye bininfob ban ye ibɔrniin a minmanib, ki ye kasi a bol, ki ye Uwonbɔr yaab, ke ni pag Uma wan yin ni ki nyan ni libunbɔnlin ki ta ni ŋa ligaril a wonweem n-yaan nin.

1 Piita 4:11

Ni ye uba pag ke, u li pag tibɔr tan ye Uwonbɔr a mɔleen ya. Ni ye wan yin tun ke, u li tun nin npɔɔn man wee Uwonbɔr ta sei win na, wee niwann biɛn ni Uwonbɔr a yinl n kan kupag Yisa Masiya bu. Kupag nin npɔɔn ye u yaan le hali nin iyoo yan kaa jɔɔ diɛmi. Ibamɔn.

1 Piita 4:17

Ni ma bu isaŋ foou nin Uwonbɔr npiin ki ji U niin yaab tibɔra; ke ni ye ni yin piin nin tim ke, ke ban kaa chee Uwonbɔr a bɔŋann nin yaal na li be nii?

Tibɔkpiirkaan 1:6

le ki che ti ŋa u naam a ninfob nin biminmanib ke ti li jiɛn Uwonbɔr wan ye u Baa-n, u binba le kpaan nin kupag nin npɔɔn iyoo nin iyoo! Ibamɔn.

Tibɔkpiirkaan 20:6

Tikaar nin kasi be ban kpiɛ wee Uwonbɔr chinn fiin bi nkumin nin bu. Nkum man yin kpiɛ milee-n kaa jɔɔ bi pɔɔmi, amaa bi na yin ye Uwonbɔr nin Yisa a minmanib le, bi ma nin Yisa na li lagin ki ŋmag nnaam ki tan kpaa ibin turil.

Tibɔkpiirkaan 3:12

Wan nyaŋ ke, n li ŋa udaan Uwonbɔr a diig a jaantelig. Le waa ji li nya niin ni. N li sɔb n Wonbɔru a yinl nin n Wonbɔru a tiŋ kan ye Jerusalam pɔŋin ki paan u bu, kan yin nyan paab n Wonbɔru ban wee ki jiirin nin; le ki ji sɔb n mu a yin pɔnl ki paan u bu.

Tibɔkpiirkaan 5:10

Le a jin bi nnaam, ki ta bi ŋa biminmanib ke bi li jiɛn ti Wonbɔru, le bi na li kal kunaangbɔŋin bu.”