1 Piita 2:24 - UWONBƆR A GBƆNPƆŊ LIKƆƆNL

²⁴ Uma tɔɔl le nan tu ti yaa bir u gbanann nin lidapunpunl bu, wee nin che ti kpo tibir bu ki kan limiɛfol nbuchin binben nin ban; u daŋin bu le ni kan kutebug.

Uwumbɔr aagbaŋ

²⁴ U nan kpo ndɔpuinkoo pu timi aatunwanbir pu, ki sil timi aasisiiyaan ki gaa timi aatafadaan. Nima pu na, ni di titunwanbir mɔmɔk lii, ki li dii mbimbin mu ŋan na. Waah gaa tigbar ti na pu, le Uwumbɔr tii nimi laafee.

1 Piita 2:24 ပူးပေါင်းရင်းမြစ်များ

Matiu 27:26

Le Palati nyan Barabasi ki jaa. Amaa le ki sin che bi boo Yisa inaalab, ki jaa bi ke bin tan kpaamu lidapunpunl buu.

Matiu 5:20

N bei ni le ke, naa che ni buchim yab jon Farasii nin ban wɔɔnn nsiimin a buchinn ke, naa sin li fir kɔɔ paab a naamin ni.

Matiu 8:17

Waah nan tun man ni, nan gbeen ulinlenn Azaya kaah nan pag man n le ke, “U ma baantɔɔl le gaa ti gbanantoŋ nin ti wiɛn biɛn ki tu.”

Tibɔnyaan ti Mak ŋmee ti na 15:15

Le Palati ban un penn kuninfogbaluŋin a sufu, mambu le u nyan Barabasi ki sei bi, le ki che bi boo Yisa, le ki ta u sei bi ke bin tan kpaa u lidapunpunl bu.

Tibɔnyaan ti Luk ŋmee ti na 4:18

“Uyudaan a Naaŋ be nim, nan bu-n U ma kpaar nkpam jaa n bu, ke n mɔɔn u bɔr ŋan nmɔn ki sei bilanjiim. U tunim ke n pag feeja a bɔr ki sei biloondiikɔɔb, wee ki ligir bijɔɔm a num, ki nyan limugildam bi mugilin,

Jɔnn 1:29

Ni nan wonn le Jɔnn nan kan Yisa kaah chaan u ban le ki ke, “Lig, Uwonbɔr a Peebig, wan nyann dulinya nan a birin!

Jɔnn 19:1

Le Palati nan ta Yisa sei ki che bi fiɛb u.

Lituln 10:35

Amaa U gaan ibol biɛn ban san u, ki tun nan ŋan nin le.

Lituln 10:39

“Tim le ye u siɛra dam nin waah tun nan biɛn Juu yaab a tingbɔŋin nin Jerusalam. Le bi nan kpa u lidapunpunl bu le u kpo,

Lituln 13:29

Baah nan ŋa Yisa man ki diɛ ke Uwonbɔr a gbɔŋ kaah wɔɔn man nin, le bi tabir u lidapunpunl bu, ki ta u pii kukaagin.

Lituln 5:30

Yisa wan wee ni pii nan kpa u lidapunpunl bu wee u kpe-n, Uwonbɔr wan ye ti Wonbɔru nan fiin u nkumin na.

Rom Yaab 6:11

Man nmɔn jigin, ni kan ni ba ki kpiɛ ban kpo ki sei tibirin na, amaa Masiya ni, ni jɔɔ limiɛfol ki sei Uwonbɔr.

Rom Yaab 6:13

Laa ta a gbanann a bɔgi ki sei tibir ke npooton a toontunn tiɛri, amaa ta a baa ki sei Uwonbɔr, ki li be ke bininfob ban nyan nkumin ki be limiɛfolin nin; wee ki nin ta a gbanann a bɔgi ki sei Uwonbɔr ke tibuchinn a toontunn tiɛrin.

Rom Yaab 6:16

Naa nyi ke a ta a baa ki sei uninfo uba ki ye u yomu ki cheel u mɔb ke, a sin ye uyom le ki sei wan a mɔb wee a cheel nmɔn, ni ye a chee sei titoonbir le ke a ye titoonbir a yomu le, le ni joorim nan ye nkum le, bee a mu ji jɔɔ limɔcheel ke, ni ma yin che a ŋa uninfo buchin naa?.

Rom Yaab 6:2

Naa li fir ye man ni! Tibir bu ke, ti kpou; ke ni yin ŋa nii wee ti gbaa be tibir nmɔn yaan naa?

Rom Yaab 6:22

Amaa daandaan nan wee Uwonbɔr fee ni jaa ni tibirin wee ni nin ye Uwonbɔr a yomi nan, tinyɔɔr tan wee ni kan ye kasi a binbem le, le ni joorim ye limiɛfol lan kaa jɔɔ ndiɛm.

Rom Yaab 6:7

Nan bu-n, wan biɛn kpo ke, u nyan tibir a yomirin na.

Rom Yaab 7:6

Amaa daandaan nan, taah nan kpo ki sei niwann nan nan ŋmag ti, ti nyan nsiimin yaan na, ti ni yin tun ki sei Kinaaŋ a binben pɔŋin le, naa ji ye nsiim kpegim man nan sɔb dɔ-n ni.

1 Korenti 15:3

Nan wee n gaa-n ni ma le n mu ta sei ni le ni ye nan kpaa talar chinchinn: Ke Masiya kpo ti yaa bir bu le ke naah sɔb Uwonbɔr a gbɔŋ man ni,

2 Korenti 6:17

“Man bu ni nya bi ban na, ki li jɔɔ nbɔgirim, Uyudaan le len man. Ni laa maa niwann nan ye tijaginn ni, wee N gaa ni.”

Galantiya 3:13

Masiya nan ta u ba le ki mann nkpenim a manug ki fee ti nyan nsiim a mɔpool lan nan nɔɔ ti-n ki jaa, waah nan gaa ti a sisibol ki sir ki che limɔpool nmɔn jin u nbu, nan bu-n ni sɔb Uwonbɔr a gbɔŋin ke: “Limɔpool be wan biɛn bi jɔn u busub bu.”

Efesusi 5:9

(nan bu-n nwonween a loonl ŋan ki jɔɔ nbuchin binben nin ibamɔn)

Filipi 1:11

ki gbee nin nbuchin binben man nyan Yisa Masiya ni, ki li ye kupag ki tenn Uwonbɔr.

Kolosiya 2:14

Uwonbɔr nan pir nsiim nin mi sɔbim man kaa nan chee sei ti-n, wee ki kɔn nin ti nle ki choo mi nyan le ki kpaa mi lidapunpunl bu.

Kolosiya 2:20

Ni nan lagin ki kpo nin Yisa ki sei kutingbɔŋ a maabiyiɛrugaa, ba ŋaa wee ni la be ke ni ye kutingbɔŋ nan a ninfob lee, ni chee sei kutingbɔŋ nmɔn a siim man ke:

Kolosiya 3:3

Nan bu-n ni kpou, le ni miɛfol woo Masiya ni le ki be Uwonbɔr ban.

Hiibru Yaab 10:10

Uwonbɔr a bam nmɔn bu le U ŋa ti kasidam Yisa Masiya kaah nan ta u gbanann ki mann kumanug nba bu ki sei ti-n bu.

Hiibru Yaab 10:5

Mambu Masiya kaah dan dulinya nan yaan nin, u nan bei Uwonbɔr ke: “Ŋaa ban kumanug nin ipiin nin, amaa tigbanann le a ŋa ti sili ki seim;

Hiibru Yaab 12:13

“Ni mann nsan man tel ki sei ni taai,” wee ni laa nyaŋ kuwɔbigi, amaa wee un kan kutebug.

Hiibru Yaab 7:26

Biminmanib a yudaau nmɔn le tenn ti taah ban nan, ki ye wan be kasi, kaa jɔɔ igalin ni, kaa jɔɔ tijaginn ni, le Uwonbɔr che u be u binba kaa ŋmar nin tibirdamin ni, ki don u yinl ki jon ban biɛn be paab a naamin yaan.

Hiibru Yaab 9:28

man mu le Masiya a manugin nan mann nba bu ki nyan bininfob takpem a bir; le u ji li jirin, kaa ye u nan ji tibir a fala, amaa u li ŋmag feegab ki nan sei ban guu win.

Jemisi 5:16

Mambu, ni kpiir ni bir ki wɔɔn taba, ki li miɛ Uwonbɔr ki tenn taba wee ni kan kutebug. Ubuchinn a wonmiɛl jɔɔ npɔɔn le mitoon yin.

1 Jɔnn 2:29

Ni nyi ke u ye ubuchin ke, ni ŋan nin ni li nyi ke wan biɛn tun nan ŋan ke, Yisa le ma udaan.

1 Jɔnn 3:7

N bibankaam, ni laa che uba nlar ni ki kɔɔn kulɔŋi. Wan tun nan ŋan nin uma ye ubuchin, a li ke Yisa kaah ye ubuchin man nin.

Tibɔkpiirkaan 22:2

ki jiir kitiŋin a sanjal a sisiigin. Le limiɛfol a siigi nan si ikpengon ilee nmɔn biɛn bu, le isiig nmɔn lon iloon itaa piig nin ilee, uŋmal biɛn ke i lo le. Le isiig nmɔn a far ye kutebug ki sei ibol biɛn.