1 Piita 2:16 - UWONBƆR A GBƆNPƆŊ LIKƆƆNL

¹⁶ Ni li be ke ban ye bi ba-n, amaa ni laa jɔɔ ye nba a binbem nmɔn ki tun tibiri; ki li be ke Uwonbɔr a toontum kaah be man nin.

Uwumbɔr aagbaŋ

¹⁶ Ni bi nibaa pu la. Nima le aa tii nimi nsan ke ni li chuun ŋani bakaa. Ni li bi ke Uwumbɔr aatutum aah ba ga li bi pu na.

1 Piita 2:16 ပူးပေါင်းရင်းမြစ်များ

Matiu 23:13

“Woo nim ban wɔɔnn nsiimin nin Farasii yaab, bilinlarib nan! Ni loon paab a naam a timansanmɔnn ke bininfobin laa kɔɔ. Ni baantɔɔl kaa kɔɔ, kaa ji che ban ban bin kɔɔ-n kɔɔ.

Jɔnn 15:22

Maa nan bi dan ki nan pag sei bi ke, baa bi li jɔɔ tibir a galin yi, amaa, daandaan nan, baa ji li fir ke baa nyi bi bir bu.

Rom Yaab 6:18

Ni ŋmar ki nyan tibirin na le ki nin ŋa nbuchin binben a yomi.

Rom Yaab 6:22

Amaa daandaan nan wee Uwonbɔr fee ni jaa ni tibirin wee ni nin ye Uwonbɔr a yomi nan, tinyɔɔr tan wee ni kan ye kasi a binbem le, le ni joorim ye limiɛfol lan kaa jɔɔ ndiɛm.

1 Korenti 7:22

Wan nan ye uyom wee Uyudaan yin u ke, waa ji ye uyom Uyudaan ban ni, man mu le wan mu nan ye uba wee Uyudaan yin u ke, u nin ye Masiya a yomu le.

Galantiya 5:1

Ye n ba bu le Masiya nan nyan ti tiyomirin. Mambu mann sir nbamɔma, ki laa ji ta tiyomir a naajadaag paan a baa bu.

Galantiya 5:13

N nabum, Uwonbɔr le nan yin ni le ni kpann ban ye biba. Amaa ni li nyi ni nɔɔ ye nba nmɔn bu ki tun tigbanann a kɔlisa a toon; amaa ni li tun tenn tab nin njiɛma.

Efesusi 6:6

Ni laa jɔɔ limɔcheel ki tenn bi ke bi num ngbee ni n-yonn man wee bi be ni ban ni, amaa ni li jɔɔ limɔcheel nan li gbee Uwonbɔr a num nin ni sufu biɛn naah ye Masiya a yomin bu.

Kolosiya 3:24

naah nyi ke ni na li gaa lifaal Uyudaan ban nin wee ni ye tiyɔrin. Ni ma bu Uyudaan Masiya le ni tun ki tenn.

1 Tesalonika 2:5

Ni nyi ke taa la nyi ki dan nan pag ni nmɔmɔmi, bee tibɔr tan degin kujaŋuuŋ a bɔri, Uwonbɔr le ye ti siɛra daau.

Jemisi 1:25

Amaa uninfo lig Uwonbɔr a siim man be kasi wee ki tenn wiibin, wee ki le gbaa ŋaan man kaa tamir nan wee u gbirin, amaa wee ki ŋaan imɔleen nin kaah len man nin ke, tikaar li be ubu waah yin tun nan biɛn nin.

Jemisi 2:12

Ni li paga, wee ki sin li tun ke bininfob ban wee bi na li ji bi tibɔr nsiim man tenn feeja-n,

2 Piita 2:19

Bi bei bininfob le ke bi na li kan yemba amaa le bi baantɔɔl ye tibir a yomi, nan bu-n nan nyaŋir uninfo ŋaan u tiyomir le.

Juud 1:4

Ni ma bu bininfob bibam woon ki kɔɔ ni sisiigin na, ban wee bi nan sɔb bi bɔr ke bi li bii bin. Bi ye ban kaa jiɛn Nween le, bi ye ban labir ti Wonbɔru a nyunyunbasanl a bɔrin le, ki nɔɔ iwanchɔgin toon, ki yii Yisa Masiya wan ye ti bɔru nin ti yudaau win.