1 Piita 2:12 - UWONBƆR A GBƆNPƆŊ LIKƆƆNL

¹² Ni li be nbinben ŋan nmɔn a bosuu ban kaa ye biwonjiɛmin a sisiigin na, hali baah le galin ni ke ni tun tibirin na, ni biɛn yɔli ni li che bin kan ni toon ŋan ki sei Uwonbɔr kupag lidaal lan wee U nan yin gɔnn ti.

Uwumbɔr aagbaŋ

¹² Ni bi binib bi kaa dii Uwumbɔr aasan na aakaasisik ni la. Ni li tun lituln li ŋan na bi chee. Le bi yaa bii nimi ke ni ye bakadam kan, nimi aatunyaan chee bi ga kan ke ni ŋan. Nima le ga cha bi nyuŋ Uwumbɔr bundaln u ga ji binib tibɔr na.

1 Piita 2:12 ပူးပေါင်းရင်းမြစ်များ

Matiu 10:25

Ni ŋan nin wan tinn a binbem li be ke wan wɔɔnn u a binbemin, le uyom mu li be ke u yudaau kaah be man ni. Ni ye bi nan yin uniindaan Beelizebul ke (nnaanbiim a bɔru) bi nin yin yin u niin yaab ke baa?

Matiu 5:11

“Tikaar be nim ban wee bininfob sugir, ki mugir, ki por tibɔkar tan bir biɛn ki tenn ni-n bu.

Matiu 5:16

Ni mu li ŋaan man na, ni che ni wonweem li ween bininfob ban na, wee bi li ga ni ŋaar kaah ŋan wee ki don ni Baa wan be paab nan a yinl.

Matiu 9:8

Kuninfogbaluŋin kaah kan man ni, le bijawaam choo bi, le bi pag Uwonbɔr nin waah sei uninfosaal tininkper a pɔɔm nan a booli.

Tibɔnyaan ti Luk ŋmee ti na 1:68

“Ndom ye Uyudaan wan ye Iziral yaab a Wonbɔr u nan yaan le. Nan bu-n U dan ki nan sei u ninfob nkpenim a manuga,

Tibɔnyaan ti Luk ŋmee ti na 19:44

Bi na li tir nim nin ni buwaab ban be ni niin ki jaa tum. Hali litangbagil liba gbaa kaa na li guri ki paa li tɔ bu. Nan bu-n naa biɛ Uwonbɔr a damin a yonn ni.”

Tibɔnyaan ti Luk ŋmee ti na 6:22

Tikaar be ni bu, n-yonn man wee bininfob nan ni, n-yonn man wee bininfob wiɛr ni, ki sugir ni, kaa ban ni yin tibir bu-n, Uninfosaal a Bigin bu.

Jɔnn 13:31

Waah nan jon nin, le Yisa ke, “Daandaan nan le Usaal a Bija-n yin kan kupag le Uwonbɔr yin kan kupag u ni.

Lituln 15:14

Simɔnn bei ti Uwonbɔr a baga kaah be ban kaa ye Juu yaabin bu man na, nin waah nyan bi ni bibam wee bi ye u tɔɔl yaab man na.

Lituln 24:13

Le bi mu kaa ji li fir pag wɔɔniŋ n galin kaah ye nan ni.

Lituln 25:7

Pɔɔl kaah foon n-yonn man nin, le Juu yaab ban nan nyan Jerusalam nan fii sir ki gɔɔn u, ki pag galin Pɔɔl tibɔr tan wee baa li fir ji ti siɛra.

Lituln 28:22

Amaa ti ban ti biɛ a potiɛl le, ti pii nyi ke nwonjiɛn san man wee a nɔɔ nan, bininfob takpem li pag ki bii mi iyag biɛn.”

Rom Yaab 12:17

Ni laa ta uba a bir ki yɔ wi. Maan ni ba ki tun nan ŋan uninfo biɛn a numin.

Rom Yaab 13:13

Ni che ti binbem li ween na, a li ke ti be nweehn le-n, ki laa ye ban nyu ndaam a booli biɛn bee bidanyugbeebi, ki laa tun iwanchɔgin toon ti piibanlin bee ti jabanlin nin iwanjaab toon a boolin yi, ki laa jɔɔ imɔkpel nin lipiiponli.

Rom Yaab 14:18

nan bu-n uninfo wan ye Masiya a toontunn u wee ki tun man ke ni gbeeg Uwonbɔr a num le, le bininfob chee sei ke ni ŋan.

Rom Yaab 15:9

wee ban kaa ye Juu yaabin pag Uwonbɔr U nyunyunbasanl bu, ke naah sɔb Uwonbɔr a gbɔŋin ke: “Mambu n li pag fin Uwonbɔr a yinl ban kaa ye Juu yaabin a sisiigin; n li gaah liwonpagil a lai ki don a yinl.”

1 Korenti 14:25

Iyaayoo le u sufu ni a bɔwoonkaar biɛn li nyan npaan ni, le un gbaan tum ki jiɛn Uwonbɔr ki len ke, “Uwonbɔr sin be nin ni.”

2 Korenti 1:12

Daandaan nan taah jɔɔ ligbingbanfaal lan sɔ: Ti potiɛl jin ti siɛra ti binbem dulinya nan a ninfobin, nin ni baantɔɔl a sisiigin, ti kasi a binbem nin ibamɔn nin nya Uwonbɔr ban le. Naa ye dulinya nan a lam le che ti tun man ni, amaa ni ye Uwonbɔr a nyunyunbasanl bu le.

2 Korenti 13:7

Daandaan nan ti miɛ Uwonbɔr ki tenn ni ke ni laa tun niba a biri. Naa ye ke bininfob n kan taah nyaŋ limagilin man ni, amaa ti ban ni tun nan ŋan, hali gbaa ni yin nann ke ti walin gur le-n.

2 Korenti 8:21

Ti boni kaa ye ti tun nan ŋan Uwonbɔr a numbimin a binba le, amaa ti ban ti tun nan ŋan le bininfobin tɔɔl a numin.

Efesusi 2:3

Ti biɛn nan be nsiim a biim nin tibirin nmɔn yaan le, ki tun ti tɔɔl a gbanann a kɔlisa a toon, ki tun nan mɔ ki sei ti gbanann a bam nin ti sufu. A li ke bi ma-n, ti nan ye ban li ji Uwonbɔr a ŋuufiiŋin a fala le.

Efesusi 4:22

Bi nan wɔɔn ni, ki jiin ni binben kpegimin paam ke, ni nya ni binben kpegimin yaan na, mi ye kɔlisa birug kan lar ni le;

Filipi 1:27

Nan biɛn ŋa ke, ni che ni binbem li be ke Masiya a bɔŋann nin kaah wɔɔn ni man ni. Wee ni ye n dan ni ban ki nan gɔnn ni bee maa dan ni wee ki sin gbir ni bu ke, n li nyi ke ni si nbamɔm nin kinaaŋ kiba, ki lagin jɔɔ lipotiɛl liba ki kɔn ni yada wan wee ni jɔɔ tibɔŋann nin bu,

Filipi 4:8

Ni joorimin, n nabum, nan ye ibamɔn, nin nan ye jilima, nin nan ŋan, nin nan be kasi, nin nan ye njiɛm, nin linungbeel, ni ye niwann ŋan ki tan lagir bee ki be kasi ke, ni li tiɛr tiwann nmɔn buu.

1 Tesalonika 4:12

naah li ŋa man wee ni binbem li ye jilima ki sei ban kaa ye biwonjiɛmin, wee ni laa be uba bu.

1 Timoti 2:2

ki li miɛ ki tenn bibɔrtiib nin biyudam biɛn wee ti fir be soon nin nposɔɔn ki li jɔɔ nwonjiɛn binben ki li be kasi.

1 Timoti 4:12

Laa che bin lig ki ziɛŋ ŋaah ye kibipɔliŋ nbu, amaa ŋa limagil ki wɔɔn yadadam a pipagirin, a miɛfolin, a bamin, a yada-n nin a kasi a toon yin.

1 Timoti 5:10

wee bininfob nyi u nbamɔm u toon ŋan bu, ki ta jiin waah wubiri u buwaab man, nin waah tun jiininba a toon ki tenn biwonjiɛm man, nin waah gaan bicham u niin man, nin waah li tenn ban be limugilin literil lan, nin waah ta u ba ki sei itoon ŋan nin biɛn man.

Hiibru Yaab 13:18

Ni li miɛ Uwonbɔr ki tenn ta. Ti nyi ke ti jɔɔ potiɛri yan ween le ti ban ti li be jilima a binbemin niwann biɛn nin.

Hiibru Yaab 13:5

Ni choo niba nin ilig a jiɛma, wee ki che ni num ngbee nan wee ni jɔɔ-n, nan bu-n Uwonbɔr len ke, “Maa li nyi ki jiɛn ni; maa li nyi ki yii ni.”

Jemisi 3:13

Ŋma ye ulandaan nin ubiɛndaan ni sisiigin naa? Ni che un wɔɔn ni u binben ŋam a lam a toon yan ye jiininba a toon nmɔn.

1 Piita 2:15

Nan bu-n ni ye Uwonbɔr a wiib le ke ni tun itoon ŋan nan li loon tijɔri tan kaa nyi niba-n a mɔleen.

1 Piita 3:16

ki che ni potiɛl li ŋan na, wee ban pag bii ni nin kininaŋ ni binbenŋam Masiya ni-n nji ifa bi tingbiig nmɔn bu.

1 Piita 4:11

Ni ye uba pag ke, u li pag tibɔr tan ye Uwonbɔr a mɔleen ya. Ni ye wan yin tun ke, u li tun nin npɔɔn man wee Uwonbɔr ta sei win na, wee niwann biɛn ni Uwonbɔr a yinl n kan kupag Yisa Masiya bu. Kupag nin npɔɔn ye u yaan le hali nin iyoo yan kaa jɔɔ diɛmi. Ibamɔn.

2 Piita 3:11

Tɔ, ni niɛ biɛn kaah na li gab yɔli nan, ni kpaan ni li ye ŋmam maa? Ni kpaan ni li be nbinben man ye kasi le nin nwonjiɛn binben,