1 Piita 1:8 - UWONBƆR A GBƆNPƆŊ LIKƆƆNL

⁸ Hali naah kaa le kan u nni, amaa ni jiɛ u; nin hali naah kaa le la kan u daandaan nan gbaa, ni ŋaa u yadau, mambu le ni gbee nin nmɔn man kaa jɔɔ magimi,

Uwumbɔr aagbaŋ

⁸ Naa kee kan u, le ni gee u. Ninimbil aa waa u dandana wee, le ni gaa u ki kii. Nima le ni kpa mpopiin sakpen, ki pak Uwumbɔr, kaa ŋmaa len naah kpa mpopiin ki ti saa pu na.

1 Piita 1:8 ပူးပေါင်းရင်းမြစ်များ

Matiu 10:37

“Wan ban u baa bee u na ki jon min ke, waa kpaan nin un ŋa n bɔɔnɔɔru wi, wan mu ji ban u bija bee u bisa ki jon min ke, waa kpaan nin un ŋa n bɔɔnɔɔru wi;

Jɔnn 14:15

Ni ye ni jiɛm ke, ni li chee maah bei ni man.

Jɔnn 14:21

Wan biɛn chee ki ŋmag n siimin kaah ban man ke, u ma ye wan jiɛm. Wan jiɛm ke u li kan njiɛm n Baa ban, le n mu li jiɛ u ki ta nba ki wɔɔn u.”

Jɔnn 14:24

Wan kaa jiɛm kaa li ŋa maah wɔɔn man nin ni. Imɔbon yan ni gbir nan kaa ye n yaa mɔboi yi; i ye Baa wan nan tumin a mɔboi le.

Jɔnn 16:22

Man le ni ye ki sei ni: Daandaan nan le ye ni sufu biil a yonni, amaa n ji li kan ni le ni jɔɔ nmɔn, le uba kaa li fir ta ni mɔm nmɔn ki sin jiɛn ni.

Jɔnn 20:29

Le Yisa bei u ke, “Nan bu-n ŋaah kamin bu, le a ŋa yada; tikaar be ban kaa kan wee ki sin ŋa yada-n bu.”

Jɔnn 8:42

Le Yisa bei bi ke, “Ni ye Uwonbɔr le ye ni Baa ke, ni bi li jiɛm, nan bu-n n nyann Uwonbɔr ban le ki be do daandaan nan. Maa dan n baantɔɔl a pɔɔmin ni; amaa u ma nan tum.

Lituln 16:34

Le u nan ta Pɔɔl nin Silasi ki kɔɔ u niin le ki sei bi tijiir; ni nan mɔŋ u le, nan bu-n u ma nin u niin yaab biɛn kaah nan ŋa Uwonbɔr yada nbu.

Rom Yaab 14:17

Nan bu-n Uwonbɔr a naamin kaa ye tijikaar nin tiwann nyuwann a bɔri, amaa mi ye nbuchin binben le, nin nposɔɔn, nin nmɔn Kasi a Naaŋin yaan,

Rom Yaab 15:13

Che tama a Wonbɔru win gbeen ni nmɔn biɛn nin nposɔɔn naah ga U jin nin bu, wee ni li jɔɔ tama kan yab ki tan lagir, Kasi a Naaŋin a pɔɔm bu.

1 Korenti 16:22

Wan kaa ban ti Yudaau ke, limɔpool be u bu. Dan ti Yudaau.

2 Korenti 1:22

ki daag ti waah ye ti a daagim, ki ta u naaŋin ŋa ti sufu ni, le ni wɔɔn ke u li sei ti nan biɛn wee U siin limɔsiinlin.

2 Korenti 12:4

le u don paab, nin yaan nmɔn le u nan gbir imɔbon yan wee uninfosaal kaa jɔɔ npɔɔn nin un pagi.

2 Korenti 4:18

Naa ye ti num paa nan be npaan ni nin bu le, amaa ti num paa nan woo-n bu le. Nan be npaan ni nin kaa yin yuuri, amaa nan woo-n le yin yuur.

2 Korenti 5:7

Yada bu le ti be, taa be ti num kaah ga nan nin bu.

2 Korenti 9:15

Ni che ti sei Uwonbɔr kunɔɔpoog, nin waah sei ti ipiin yan kaa jɔɔ nmagimi.

Galantiya 5:22

Amaa kinaaŋin a looi le ye njiɛm, nmɔn, nposɔɔn, limɔril, tiŋann, nbinben ŋan, si nba bu,

Galantiya 5:6

Ni ma bu Masiya ban, taah jii ti pun bee taah kaa jii kaa kpaa talari. Nan kpaa talar le ye yada kan be npaanin nin njiɛm.

Efesusi 3:19

ki biɛ Masiya a jiɛm kaah jon nnyinyin biɛn man, wee nin gbeen nin Uwonbɔr a magim nin U binbenŋam ke naah gbeen Uwonbɔr ban man nin.

Efesusi 6:24

Uwonbɔr a nyunyunbasanl li be ban biɛn jiɛ ti Yudaau Yisa Masiya nin njiɛm man kaa jɔɔ diɛmin.

Filipi 1:25

Ni niɛ bu ni che n biɛ ke n la li be, ki li gbaa be nin ni wee ni jo nintogil nin nmɔn nin yada,

Filipi 3:3

Tim le ye ban gaa ibamɔn a pun jiil nmɔn, tim ban jiɛn Uwonbɔr kinaaŋin nin, le ki jɔɔ jilima taah be nin Masiya n bu, tim kaa jɔɔ tidindann tigbanann bu,

Filipi 4:4

Ni che ni li mɔ ni naah be Uyudaan nin iyoo biɛn na. N ji yin mann bei ni le ke: Ni che ni li mɔ na!

Hiibru Yaab 11:1

Yada a ŋaam ye taah kaa jɔɔ nbiɛnim nin nan wee ti jɔɔ tama ni bu-n, wee ti num kaa ga nin.

Hiibru Yaab 11:27

Yada bu Moziz nan nyan Ijibir, kaa san bijawaam ubɔr a ŋuul bu; u nan jɔɔ limɔril le, nan bu-n u nan kan Uwonbɔr wan wee baa ga-n le.

1 Piita 1:6

Ni niɛ nan bu ni mɔ ni le takpem, hali naah le jin fala kan daandaan nan wee kaa li yuurin a booli biɛn nin yɔli.

1 Piita 2:7

Ki ta jiin nim ban ŋa yada-n paam, litangbagil nmɔn jɔɔ linungbeel. Amaa ban kaa ŋa yada ma ban, “Litangbagil lan bitanmaab yii lin nan labir litangbagil lan ŋmag nmaan nni le,”

1 Piita 5:4

Wee upeekpaabɔr nan degirin ke, a kan kupag a yuchigirig kan kaa wiirin.