1 Piita 1:6 - UWONBƆR A GBƆNPƆŊ LIKƆƆNL

⁶ Ni niɛ nan bu ni mɔ ni le takpem, hali naah le jin fala kan daandaan nan wee kaa li yuurin a booli biɛn nin yɔli.

Uwumbɔr aagbaŋ

⁶ Nima le ni kpa mpopiin. Ni yaa po kpa mpombiin ni yunn siib dandana wee, falaa aabɔŋ ponn ni kan, ni li kpa mpopiin;

1 Piita 1:6 ပူးပေါင်းရင်းမြစ်များ

Matiu 11:28

“Ni dan n ban ni, nim ban biɛn tu itug yan kpiɛg ki bag nan, wee n sei ni lifooril.

Matiu 26:37

Le u nan ta Piita nin Zebedi a naachim bilee ki kpiɛ uba bu, le bi jon. U sufu nan piin le ki bii, le ni mugir u.

Matiu 5:12

Che ni pool li sɔɔ ke ni mɔ na, ke ni nyɔɔr na li yab paab, nan bu-n man le bi pii nan mugir bilinlem baah kaa la nan ma ni-n.

Tibɔnyaan ti Luk ŋmee ti na 1:47

Le ni mɔ n naaŋ, Uwonbɔr wan ye n feeru win ban.

Tibɔnyaan ti Luk ŋmee ti na 10:20

Amaa ni laa che ni mɔ ni nnaanbiim kaah chee ni mɔbin a binba bu, ni che ni li mɔ na ni yin kaah sɔb dɔ Uwonbɔr a niin nin bu.”

Tibɔnyaan ti Luk ŋmee ti na 2:10

Le malaka nmɔn bei bi ke, “Ni laa san bijawaami. N dan n nan bei ni tibɔr ŋan le, tan li sei bininfob biɛn nmɔn.

Jɔnn 16:22

Man le ni ye ki sei ni: Daandaan nan le ye ni sufu biil a yonni, amaa n ji li kan ni le ni jɔɔ nmɔn, le uba kaa li fir ta ni mɔm nmɔn ki sin jiɛn ni.

Jɔnn 16:33

“N bei ni ni niɛ nan, naah li ŋa man wee ni li jɔɔ nposɔɔn nni. Dulinya nan yaan ni li kan tibɔmugkaar. Amaa ni che ni sufu li pɔɔu! N nyaŋ dulinyau.”

Lituln 14:22

ki pɔɔgir bi bɔɔnɔɔbin a gbanann nin bi sufu ke bi mann sir bi yada bu nin ibamɔn na. “Ni kpaa le nin ti kɔɔ tibɔmug kaarin takpem wee ki nin nan kɔɔ Uwonbɔr a naamin.”

Rom Yaab 12:12

Ni che ni li mɔ na ni tama ni, ki li jɔɔ limɔril ni bɔr mugkaarin, ki li jɔɔ yada ni wonmiɛlin.

Rom Yaab 5:11

Naa ye ni yaa binba, amaa ni ye nmɔn le ki sei ti Uwonbɔr ban nin ti Yudaau Yisa Masiya wan che tim nin Uwonbɔr jir ki mɔŋin bu.

Rom Yaab 5:2

wan a yada bu wee ti kan Uwonbɔr a nyunyunbasanl lan yaan wee ti nin be nan. Le ni mɔ ti nin tama kan wee ti jɔɔ-n ke ti na li por Uwonbɔr a pag.

Rom Yaab 9:2

n jɔɔ npoobiin le nin nan wu kan kaa jɔɔ diɛm n sufu ni.

2 Korenti 4:17

Nan bu-n fala kan kaa kpiɛg wee ti jin ki wama nan, ni ma yin che ti kan kupag kan yab ki jon ni biɛn nan.

2 Korenti 6:10

ti jɔɔ npoobiin, amaa le iyoo biɛn ke ni mɔ ti, ti ye faladam le, amaa le ti che bininfob takpem kpann bijɔɔndam; taa jɔɔ niba, amaa le ki sin jɔɔ niwann biɛn.

Galantiya 5:22

Amaa kinaaŋin a looi le ye njiɛm, nmɔn, nposɔɔn, limɔril, tiŋann, nbinben ŋan, si nba bu,

Filipi 2:26

U bi ban un kan ni biɛn nan, u sufu kaa dɔ naah nan gbir ke u bu-n bu.

Filipi 3:3

Tim le ye ban gaa ibamɔn a pun jiil nmɔn, tim ban jiɛn Uwonbɔr kinaaŋin nin, le ki jɔɔ jilima taah be nin Masiya n bu, tim kaa jɔɔ tidindann tigbanann bu,

Filipi 4:4

Ni che ni li mɔ ni naah be Uyudaan nin iyoo biɛn na. N ji yin mann bei ni le ke: Ni che ni li mɔ na!

1 Tesalonika 1:6

Ni nan toog tim nin ti Yudaau a binbem le; nin naah nan ji fala kan nin biɛn yɔli, ni nan gaa tibɔŋann nmɔn le nin npopeen man wee Kasi a Naaŋ ta sei ni-n.

Jemisi 1:2

N nabum, ni ye nbigim man biɛn dan ni bu ke, ni che ni li ye nmɔn takpen ki sei na,

Jemisi 1:9

Kinabig kan jɔɔ jiininba iyoo biɛn n nan kan ndom ke, ki na li fa ligbingbanl.

Jemisi 4:9

Ni li jɔɔ npoobiin na, ki li mɔr ki kuun na. Kpenn ni laar ŋa timɔra ki che ni mɔm nlabir lisufubiila.

1 Piita 3:17

Nan bu-n ni ye ni jin fala itoon ŋan a tum bu wee ni ye Uwonbɔr a bam ke, ni sɔ nin ni ji fala titoonbir bu.

1 Piita 4:7

Tiwann biɛn a diɛm mala. Mambu ni che ni potiɛri li ween na wee ki li chor ni ba wee ni li fir miɛ Uwonbɔr.

1 Piita 5:10

Le Uwonbɔr wan ye linyunyunbasanl biɛn daan ni, wan yin ni ke ni kan u pag kan kaa jɔɔ diɛm Masiya nin, naah jin fala wama a bɔɔn nin, Uma tɔɔl le ji li jiin ni siin ni yada-n ki che ni pɔɔg, le ni sir kenken.