1 Piita 1:4 - UWONBƆR A GBƆNPƆŊ LIKƆƆNL

⁴ ki sei ti lifaal lan kaa li nyi buri, bee ki bii bee ki wiiri. Le li be paab ki guu nim,

Uwumbɔr aagbaŋ

⁴ Ti mak ke ti ga sil kan tinyoor ti Uwumbɔr di siin paacham kiir timi na. Tinyoor ngbaan aan ŋmaa bii, kaan ŋmaa wɔŋ, kaan doo.

1 Piita 1:4 ပူးပေါင်းရင်းမြစ်များ

Matiu 25:34

“Le ubɔrin na li bei ban si u nɔɔjiim paamin ke, ‘Ni dan, nim ban wee n Baa kaab tikaar ki jaa ni bu nan, ni gaam ni faal, nnaam man wee Uwonbɔr nan ŋa mi sili ki guu ni dulinya a piinimin ni.

Tibɔnyaan ti Mak ŋmee ti na 10:17

Yisa kaah nan nyan ni yaan ki chaa nmɔn, le uja uba guun kenn u ki gbaan u nintogil, le ki baan u ke, “Wan wɔɔn ŋan, n yin ŋa nii wee ki nan kan limiɛfol lan kaa jɔɔ ndiɛm aa?”

Lituln 20:32

“Daandaan nan, n jɔɔ ni ki ŋubin Uwonbɔr a nɔɔn nin U nyunyunbasanl a mɔleen yin bu, U bɔr nmɔn le li fir che ni nɔɔ nbamɔm, ki li fir sei nim ban biɛn wee u ŋa ni u kasi a ninfobin lifaal.

Lituln 26:18

a tan ligir bi num ki nyan bi libunbɔnlin ki kpenn bi ŋa nwonween ni na, ki nyan bi Sintani a pɔɔmin ki sei bi Uwonbɔr a pɔɔm, wee bin kan tibir a jiɛn per, nin npaan n ban wee Uwonbɔr n ta bi ŋa U yaab ban be kasi-n a sisiigin baah ŋaam yada n bu.’

Rom Yaab 8:17

Daandaan nan ni ye ti sin ye Uwonbɔr a buwaab ke, man ke ti ye U faajib le, tim nin Masiya le lagin ki ye Uwonbɔr a faajib, ni ye tim nin Masiya lagin ki jin U fala-n ke tim nin U ma ji na yin lagin kan U pag.

1 Korenti 9:25

Bitaaguum biɛn ŋmag biba le ntinnim biɛn ni. Bi ŋaan man ki ban bin gaa tiyɔr tan kaa yuur le, amaa tim ŋaan man ki ban ti ga tiyɔr tan yuur kaa jɔɔ ndiɛm le.

Galantiya 3:18

Ni ye nsiim a ŋmagim bu le Uwonbɔr tenn bininfob U faal ke, mambu ke waa bi li sei uba lifaal U mɔsiinlin bu, amaa ni nan ye Uwonbɔr a nyunyunbasanl bu le U sei Abiraham U faal nmɔn limɔsiinlin bu.

Efesusi 1:11

Masiya ni le Uwonbɔr nan gann ti mu, ki ta ti kpann U tɔɔl a ninfob nin waah ban niwann biɛn ntun man U bamin,

Efesusi 1:14

Kasi a naaŋ nmɔn li ye lifaal nmɔn a siɛra hali nin n-yonn man wee ti na li kan nkpenim a manug tim ban ye U ninfobin, tim li pagir U ki tenn U kupag.

Efesusi 1:18

N ji miɛ Uwonbɔr le ke Un ligir ni sufu wee ni biɛ tama kan bu wee U yin ni-n, ki ji biɛ U jilima takpenl a faal lan wee U nan siin limɔsiinl ki sei U ninfogannkaabin,

Kolosiya 1:12

wee ni li tenn ti Baa Uwonbɔr kunɔɔpoog, wan sei ni npaan ke nim nin uninfo gannkaabin nan por lifaal lan be nwonween a naam a yerin nin yaan nin.

Kolosiya 1:5

yada nin njiɛm man bun ki nya tama kan dɔ papaab ki guu ni, wee ni pii gbir ibamɔn a mɔleen yan ye tibɔŋann nin,

Kolosiya 3:24

naah nyi ke ni na li gaa lifaal Uyudaan ban nin wee ni ye tiyɔrin. Ni ma bu Uyudaan Masiya le ni tun ki tenn.

2 Timoti 4:8

Daandaan nan n buchin yuchigirig ŋa sili ki dɔ guum, kan wee Ubuchin yudaan wan ye ubɔjirin na yin ta ki yɔm lidaal nmɔn, naa yin ye n yaa binba, amaa u na li yɔ ban guu waah na yin degirin lidaal lan nin tɔɔl.

Hiibru Yaab 10:34

Ni nan jogir biloondiikɔɔbin le, le ki chee sei ban yug ni wan yɔɔrin nin nmɔn, nan bu-n ni tɔɔl nyi naah jɔɔ nan nin kaah ŋan kaa jɔɔ diɛmi.

Hiibru Yaab 9:15

Ni ma bu le Masiya ye ti sandanfaaru tipoopɔnn n-yaan, ke nin che ban wee Uwonbɔr yin bin kan Uwonbɔr a mɔsiinl lan ye lifaal lan kaa jɔɔ diɛmi. Nan bu-n Masiya pii nan kpo ke un da ban nan tun tibir n-yonn man wee tipookpegirin la nan si-n le, ki nyan bi tibir nmɔn a tudarilin.

Jemisi 1:11

Babu nween pɔɔ wee ntuton nin fa kisiigin ke, npuumin koor le ki lu le mi ŋamin bii. Man mu le ni ye ki sei uwandaan, n-yonn man wee u tiɛr ke u toon li jo nintogilin, iyaayoo le u kpeg.

1 Piita 3:9

Ni laa jɔɔ tibir ki yɔ tibiri bee ki laa sug ban sug ni ki jiin ni, amaa ni li kaab tikaar ŋan tenn ban kaa ŋaa ni choba, ni niɛ nan bu le Uwonbɔr nan yin ni ke ni nan kan tikaar a faal.

1 Piita 5:4

Wee upeekpaabɔr nan degirin ke, a kan kupag a yuchigirig kan kaa wiirin.

Tibɔkpiirkaan 21:27

Le niwann nan biɛn jɔɔ tijaginn bee ban biɛn tun ifa bee kularug a toon kaa na li kɔɔ kitiŋ nmɔn yaan ni, amaa ban a yin sɔb be Kipeebigin a miɛfol a gbɔŋin a binba.