1 Piita 1:3 - UWONBƆR A GBƆNPƆŊ LIKƆƆNL

³ Ipoor ye Uwonbɔr wan ye ti Yudaau Yisa Masiya a Baa-n yaal le! U nyunyunbasanl takpenlin bu ti kan nmaal pɔɔn man be tama kan fo-n, waah nan fiin Yisa Masiya nkumin,

Uwumbɔr aagbaŋ

³ Cha ti pak Uwumbɔr u ye Tidindaan Yesu Kristo Aate na; ba pu? u san timi kinimbaak sakpen a, ki gir ma timi lelee, ki di timi ŋa waabim. U nan fikr Yesu Kristo nkun ni. Nima le ti kpa limakl li bi n‑yoonn mɔmɔk na.

1 Piita 1:3 ပူးပေါင်းရင်းမြစ်များ

Jɔnn 1:13

Bi yin ye nbuwaab ban kaa nan ye ncham a maaŋ, bee tigbanann a bam, bee uja a bami, amaa Uwonbɔr a bam.

Rom Yaab 12:12

Ni che ni li mɔ na ni tama ni, ki li jɔɔ limɔril ni bɔr mugkaarin, ki li jɔɔ yada ni wonmiɛlin.

Rom Yaab 15:13

Che tama a Wonbɔru win gbeen ni nmɔn biɛn nin nposɔɔn naah ga U jin nin bu, wee ni li jɔɔ tama kan yab ki tan lagir, Kasi a Naaŋin a pɔɔm bu.

Rom Yaab 4:25

Ti toon bir bu le Uwonbɔr nan ta Masiya sei nkum amaa le U fiin u nkumin ke Un ŋa ti bininfoŋam Uwonbɔr ban.

Rom Yaab 5:10

Taah nan ye Uwonbɔr a duntiibin, le U bija a kumin bu tim nin U ma jir ki mɔŋ nin tab, nan jon man le ye taah jir mɔŋ nin Uwonbɔr nan, U bija a miɛfolin bu ti li kan fee gab.

Rom Yaab 8:11

Ni ye wan a Naaŋ fiin Yisa nkumin nin be ni ni ke, wan nan fiin Masiya nkumin nin mu li sei ni gbanann tan kpegin limiɛfol u Naaŋin a pɔɔm man be ni nin bu.

Rom Yaab 8:24

Tama nan bu le ti kan feegab. Amaa tama kan wee ti ga-n kaa ye tama kolibi. Ŋma a tama be niwann nan wee u pii jɔɔ-n buu?

1 Korenti 13:13

Daandaan nan tiwann titaa nan le be, ti ma ye Yada, Tama nin Njiɛm, amaa njiɛm mu le jon ni biɛn.

1 Korenti 15:20

Amaa ni ye ibamɔn le, Masiya sin nan fii nkumin na, u ma ye chinchinn a ninfou wan fii nkumin.

2 Korenti 1:3

N pagir Uwonbɔr wan ye Yisa Masiya a baa-n; ti Baa wan san ti kunyunyunbaag ki jɔɔ nposɔɔn biɛn.

Galantiya 6:16

Uwonbɔr a posɔɔm nin u nyunyunbasanl li be ban nɔɔ nwɔɔm nan bu, hali nin ban ŋa Uwonbɔr a bɔŋann nin yada-n ban ye Juu yaab nin ban kaa ye Juu yaabin biɛn.

Efesusi 1:17

N le miɛ ti Baa wan ye ti Yudaau Yisa Masiya a Wonbɔru, ki ye ti Baa wan ye jilimadaan nin ke, Un sei ni Kinaaŋ a lam nin kpiir wɔɔn, wee ni mann biɛ U nbamɔm.

Efesusi 1:3

Pagim Uwonbɔr wan ye ti Yudaau Yisa Masiya a Baa, wan ŋa tikaar jaa ti bu, tikaar tan biɛn nyan papaab ki ye Kinaaŋ a kaar tan be nin Masiya nan.

Efesusi 1:7

Yisa a chamin bu le ti kan nkpenim a manug, ni ma ye tibir a jiɛn per, Uwonbɔr a nyunyunbasanl takpenlin bu

Efesusi 2:4

Amaa Uwonbɔr a jiɛm kaah yab ki sei ti-n bu, wan a nyunyunbasanl yab,

Efesusi 3:20

Uwonbɔr a pɔɔm kaah tun nin ti nbu, u li fir ki tun niwann biɛn ki sei ti ke nin jo taah tiɛr nan bu ki miɛ win,

Kolosiya 1:23

ni ye ni yin gbaa be nin ni yada ke, ki si chib, kaa fɔɔr tama kan wee tibɔŋann nin ŋmagin ke, ti ma ye tibɔŋann tan wee ni gbirin, wee bi mɔɔn ti sei kuwonaaŋ biɛn dulinya nan yaan, tan bu wee min Pɔɔl kpann utoontunn.

Kolosiya 1:27

Bininfogannkaab nmɔn le Uwonbɔr nan gann ke bin kpiir liwool a bɔrin ki wɔɔn ban kaa ye Juu yaabin, liwool a pag kan yabin, ni ma ye Masiya wan be nin ni-n, ki ye kupag a tama-n.

1 Tesalonika 1:3

Ti tiɛr ni bu ti Baa Uwonbɔr ban, ni yada a ŋaam nin ni jiɛm a toon nin ni tama kan wee ni jɔɔ nin ti Yudaau Yisa Masiya nbu le che ni si nbamɔm.

1 Tesalonika 4:13

N nabum, taa ban ni li be ki laa nyi ban dɔɔn jiɛn nin bu, bee ki jɔɔ npoobiin ke bininfob ban gur kaa jɔɔ tama-n kaah be man nni.

2 Tesalonika 2:16

Ti Yudaau Yisa Masiya nin ti Baa Uwonbɔr, wan jiɛ ti nin U nyunyunbasanlin bu n kɔɔn ti lipoobil ki sei ti tama ŋaŋ,

1 Timoti 1:14

Ti yudaau nan kpaar u nyunyunbasanl takpem le ki jaa n bu, ki ji kpiɛ yada nin njiɛm man be Masiya nin.

Taitus 2:13

A li ke taah le jɔɔ tama ki guu ti kaar a daalin, le ti lig lidaal lan wee ti Wonbɔr gbingbemilin nin ti feegabdaan Yisa Masiya kaah na yin degirin nin kupag man,

Hiibru Yaab 3:6

Amaa Masiya ma si nba bu le Uwonbɔr a ninfob biɛn bu ki ye U bija, tim le ye Uwonbɔr a niin yaab, ni ye ti li jɔɔ lipoobil le nin tama kan wee ti far ligbingbanl ki bu-n.

Jemisi 1:18

U yaa wiib bu le U ma ti, ibamɔn a mɔleen yin bu, ke nin che ti kpann u bininkpeem waah naan nan biɛn ni.

1 Piita 1:13

Mambu, ni ŋaam ni potiɛl sili ki tun itoon; ni choom niba; ki ta ni tama biɛn ki ŋa linyunyunbasanl lan wee bi na li sei nin, n-yonn man wee Yisa Masiya na yin kpiirin nin.

1 Piita 1:21

Uma bu le ni ŋa Uwonbɔr yada, wan nan fiin Yisa nkumin ki sei u kupag, mambu ni yada a ŋaam nin ni tama be Uwonbɔr ban le.

1 Piita 1:23

Ni ma bu, ni ji kan nmaam jigin na, naa ye biwanboolib ban buri, amaa biwanboolib ban kaa bur, Uwonbɔr a mɔleen yan jɔɔ limiɛfol, ki be iyoo yan kaa jɔɔ diɛmin bu.

1 Piita 2:2

Ni li be ke nbiliɛmin, ki li jiɛ Kinaaŋ a biim man be kasi-n na, wee nin che ni yabig ni feegabin,

1 Piita 3:15

Amaa ni taam Masiya ki ŋa ni sufu ni wee u li ye ni Yudaau. Ki sin li ye ban ŋa sili iyoo biɛn ki guu uninfo wan biɛn li baan ni nan bu wee ni jɔɔ tama. Amaa ni ŋa man nin nbinbem ŋan nin jilima,

1 Piita 3:21

le nnyum nan, nin si Uwonbɔr a nyunfulin lan fee ni mu gabin a taai yin, kaa ye tigbanann a jaginn a funya, amaa tipoor tan wee ti poo ke ti li jɔɔ nbinben ŋan ki jiin Uwonbɔr paamin bu, li fee ni ki gab Yisa Masiya a kum a fiim bu.

1 Piita 3:5

Yaayoo ni, kasi a piib ban nan ŋa Uwonbɔr yada-n, man le bi nan ŋaan ki ŋaŋir biba. Bi nan cheel bi chiɛb a mɔɔŋi le,

1 Jɔnn 2:29

Ni nyi ke u ye ubuchin ke, ni ŋan nin ni li nyi ke wan biɛn tun nan ŋan ke, Yisa le ma udaan.

1 Jɔnn 3:3

Uninfo wan biɛn jɔɔ tama Uwonbɔr ni ke, udaan ŋa uba le kasi ke Yisa kaah be man ni.

1 Jɔnn 3:9

Uwonbɔr kaah ma wan biɛn kaa yin gbaa tun tibiri, nan bu-n Uwonbɔr a nunaŋ be u ni, ni bu waa li fir gbaa tun tibiri, Uwonbɔr kaah ma win bu.

1 Jɔnn 4:7

N jɔtiib, ni che ti li jiɛ taba, nan bu-n njiɛm nyan Uwonbɔr ban le. Uninfo wan biɛn jɔɔ njiɛm ke Uwonbɔr le ma u, le u nyi Uwonbɔr.

1 Jɔnn 5:1

Uninfo wan biɛn ŋa yada ke Yisa le ye Masiya ke, Uwonbɔr le ma u, le uninfo wan biɛn jiɛ Baa-n jiɛ U bigin tɔɔl.

1 Jɔnn 5:18

Ti nyi uninfo wan biɛn wee Uwonbɔr ma win kaa gbaa tun tibiri. Wan wee Uwonbɔr nan ma-n le guu u, le ulinlaril kaa li fir sei u kidaŋi.

1 Jɔnn 5:4

Uwonbɔr kaah ma nan biɛn nyaŋ dulinyau. Nnyaŋim man nyaŋ dulinya sɔ: Hali ti yada-n.