1 Piita 1:22 - UWONBƆR A GBƆNPƆŊ LIKƆƆNL

²² Naah mann niba kasi wee ki jɔɔ ibamɔn a mɔcheelin wee ki jiɛ ni nabum ibamɔn ni, ni li jiɛ tab nin ni sufu biɛn na.

Uwumbɔr aagbaŋ

²² Ni kii Uwumbɔr aabɔr ti gbii na la. Nima le cha nimi aabimbin bi chain. Le ni sil gee ninaabitiib. Nima pu na, ni li beenin gee tɔb mbamɔm.

1 Piita 1:22 ပူးပေါင်းရင်းမြစ်များ

Jɔnn 15:17

N siim sɔ: Ni li jiɛ taba.

Jɔnn 15:3

Nim pii be le chasi, nan bu-n maah nan bei ni imɔbon yan nin bu.

Jɔnn 17:17

Ŋa bi kasi ibamɔn nin buu; A mɔleen yin ye ibamɔn le.

Jɔnn 17:19

Bi ma bu le n ŋa nba kasi, ke ni che bi mu n ŋa kasi ibamɔn.

Lituln 15:9

Waa wiɛr tim nin bima, nan bu-n U ŋunn bi sufu le bi yada bu.

Lituln 6:7

Le bi mann mɔɔn Uwonbɔr a bɔrin. Le Yisa a bɔɔnɔɔb ban be Jerusalam nan a kanl nan kpiɛ weem weem, le Uwonbɔr a minmanib takpem chee Yisa a bɔŋann nin ki ŋa u yada.

Rom Yaab 1:5

U ma nin U yinlin bu, le Uwonbɔr san ti kunyunyunbaag, le ki ŋa ti itoon ke ti yin bininfob ban kaa ye Juu yaabin a booli biɛn ke bi li jɔɔ limɔcheel bi yada kan wee bi jɔɔ-n bu.

Rom Yaab 2:8

Amaa ban ban niwann biɛn li ye bi yaan, wee ki yii ibamɔn wee ki nɔɔ titoonbir a samin, Uwonbɔr a ŋuul yin fii bi bu le.

Rom Yaab 8:13

Ni ye ni nɔɔ tigbanann a bamin kaah wɔɔn ni man nin ke, ni li kpo; amaa ni che Uwonbɔr a Naaŋin ku tigbanann a bam a toon yin ke, ni li fo,

2 Korenti 6:6

ti ye bipopendam le, ki jɔɔ nnyinyin, limɔril nin nbinben ŋan ki gbee nin Kasi a Naaŋ nin njiɛm,

Galantiya 3:1

Nim Galantiya yaab, tijɔri nan! Unyɔgdaan u la baa ŋmarin ni sufuu? Yisa Masiya a kum lidapunpunlin bu a bɔr nan kar ki wɔɔn ni npaan nin ni tɔɔl a numin.

Galantiya 5:5

Amaa yada bu, le kinaaŋ sei ti npɔɔn le ti jɔɔ tama ki guu nbuchin binben a yonn.

Galantiya 5:7

Ni nan ti tun nbamɔm le. Ke ŋma ŋɔɔr ni ke ni laa ji nɔɔ ibamɔn nmɔn naa?

Efesusi 4:3

Ni pɔɔn niba ki li ŋmag Kinaaŋ a mɔkpaamin nin nposɔɔn.

Filipi 1:9

N miɛ Uwonbɔr le ke: Ni jiɛm nmɔn n mann ki kpiɛ ki ji kpiɛ ni nlamin nin nbiɛmin,

1 Tesalonika 3:12

Uyudaan n che njiɛm man wee ni jɔɔ ban ni tabin n mann tann ki pii uninfo biɛn, ke ti yaa bamin kaah be nin ni man nin.

2 Tesalonika 1:3

N nabum, ni ye ti poor Uwonbɔr le ni bu, ni ŋan nin ti ŋa man, nan bu-n ni yada-n le mann yabirig le takpem, le njiɛm man wee ni jiɛ tabin mann kpiɛg le.

2 Tesalonika 2:13

Ni ye ti le li poor Uwonbɔr le iyoo biɛn ni bu, n nabum, nim ban wee Uyudaan jiɛ, nan bu-n npiinimin Uwonbɔr nan gann ni le ke ni kan nŋmarim Kinaaŋin a pɔɔmin ki ŋa ni u kasi a ninfob nin naah ŋa ibamɔn nin yada-n.

1 Timoti 1:3

Ke maah pii nan beiŋ man n-yonn man wee n nan jon Masedoniya-n, li be Efesusi wee ki che bininfob bibam nlaa ji wɔɔn tibɔkari,

1 Timoti 1:5

Nwɔɔnim nan a num kaah paa nan bu ye njiɛm le, man nyan kasi a sufu-n nin ipotiɛ ŋan nin ibamɔn a yada-n.

1 Timoti 4:12

Laa che bin lig ki ziɛŋ ŋaah ye kibipɔliŋ nbu, amaa ŋa limagil ki wɔɔn yadadam a pipagirin, a miɛfolin, a bamin, a yada-n nin a kasi a toon yin.

1 Timoti 5:2

ki li ŋmag bipiininkpeeb ke a namin, ki ji li ŋmag nbisiɛm ke a ninsiɛbin nin kasi a binbem.

2 Timoti 1:14

Li ŋmag tinyɔɔŋann tan wee bi nan ta wɔɔniŋ nna, Kasi a Naaŋ kan be ti ni-n li teriŋ wee a fir ŋmag ti nbamɔm.

Hiibru Yaab 11:8

Yada bu, Abiraham nan chee Uwonbɔr a yim ki jon kitiŋ kan wee Uwonbɔr nan siin limɔsiinl ke U li ta kitiŋ kan ki sei win, u nan chee Uwonbɔr a mɔb le ki jon, hali nin waah kaa le nan nyi kitiŋ nmɔn yaan ni, ni biɛn yɔli u nan jon na.

Hiibru Yaab 13:1

Ni li jiɛ ni kpiɛtiib ke ni nabuma.

Hiibru Yaab 5:9

waah nan nan ŋa nan kpaan ki diɛ-n, le u nin ye feegabdaan ki sei ban biɛn chee u mɔbin,

Hiibru Yaab 6:10

Uwonbɔr ye wan ŋan le, Waa li tam ni toon nin naah jiɛ U man ki ter U ninfob ki la biɛ nin ter bin bu.

Hiibru Yaab 9:14

Mambu ke, Masiya ma a chamin tun nan jon man na, uma wan kaa jɔɔ igalin wee kinaaŋ kan be u ni kaa jɔɔ diɛmin nan che u ta uba ki mann kumanug ki sei Uwonbɔr, ki ŋunn ti potiɛri a toon yan yin liin ti kɔɔn nkumin nin, wee nin che ti fir jiɛn Uwonbɔr wan foo-n!

Jemisi 1:21

Mambu, ni nyam niwann nan biɛn ye tijaginn nin nbinben biin nin, wee ki jiin niba tum ki gaa imɔleen yan wee bi ta sei nin, imɔleen nmɔn le li fee ni ki jaa.

Jemisi 4:8

Ni fɔɔr mal Uwonbɔr a, wee Uwonbɔr mu nfɔɔr ki mal ni. Nir ni nɔɔi ya, nim tibirdam nan, ki ŋa ni sufu kasiu, nim ipotiɛ ilelee dam nan.

1 Piita 1:2

ban wee bi nan gann, wee ti Baa Uwonbɔr pii nan nyi ke bi li gann bin, ŋa bi kasi, Kasi a Naaŋ a toon bu-n, ki che bi chee Yisa a mɔb le u cham n ŋunn bi: Linyunyunbasanl nin nposɔɔn li be ni bu takpem.

1 Piita 2:17

Ni sei uninfo biɛn jilima kan kpaan u: Ni li jiɛ ni wonjiɛn tab a linlaginn na, ni li san Uwonbɔr ki li tenn ubɔr yudaan jilimau.

1 Piita 3:1

Nim biniinpiib, man mu le ye ni, ni li cheel ni chiɛb a mɔɔŋi ya, ni ye bi ni uba kaa ŋa Uwonbɔr a bɔr yada ke, ni binbem bu bi li ŋa yada, ke naa kpaa talar nin ni pag niba gbaa,

1 Piita 3:20

ban nan jɔɔ limɔyiil iyaayoo yan nan jon nin wee Uwonbɔr nan jin limɔril ki guu bi Nowa a yonn, wee Nowa nan be kpee kuŋaluŋin. Kuŋaluŋ nmɔn yaan bininfob wama le nan kɔɔ ki ye bininfob biniin, bi man nan kan nŋmarim nnyum nmɔn yaan,

1 Piita 3:8

Nan joor, ni biɛn li jɔɔ nmɔkpaau wee ni baga li be tabin na; ni li jogir taba, ki li jiɛ tab ke nnabumin, ki li san tab kunyunyunbaag nin jiininba.

1 Piita 4:17

Ni ma bu isaŋ foou nin Uwonbɔr npiin ki ji U niin yaab tibɔra; ke ni ye ni yin piin nin tim ke, ke ban kaa chee Uwonbɔr a bɔŋann nin yaal na li be nii?

1 Piita 4:8

Nan jon niwann biɛn ye ni li jiɛ tab le nbamɔm, nan bu-n njiɛm deginn tibir takpem bu le.

2 Piita 1:7

ki ta kunabitiig a ŋann ki kpiɛ nwonjiɛn binben nin, ki ta njiɛm ki kpiɛ kunabitiig a ŋann nin.

1 Jɔnn 3:11

Tibɔr tan wee ni gbir npiinimin nin sɔ: Ke ti li jiɛ taba.

1 Jɔnn 3:23

U siim sɔ: Ke ti ŋaam U bija Yisa Masiya a yinl yada, wee ki li jiɛ tab ke waah siin ti man nin.

1 Jɔnn 4:12

Uba kaa la nyi kan Uwonbɔr i; amaa ni ye ti jiɛ tab ke, Uwonbɔr li be nin ti, le U jiɛm n ŋa dede ti ban.

1 Jɔnn 4:20

Ni ye uba len ke, “N jiɛ Uwonbɔr,” amaa wee ki nan u nabig ke, udaan ye tibɔkardaan le. Nan bu-n wan kaa jiɛ u nabig kan wee u ga win ke, waa li fir jiɛ Uwonbɔr wan wee waa ga win ni.

1 Jɔnn 4:7

N jɔtiib, ni che ti li jiɛ taba, nan bu-n njiɛm nyan Uwonbɔr ban le. Uninfo wan biɛn jɔɔ njiɛm ke Uwonbɔr le ma u, le u nyi Uwonbɔr.

Tibɔkpiirkaan 2:4

Amaa nan bu wee n galin ni sɔ: Ni jiɛ-n ni chinchinn a jiɛmin nna.