1 Piita 1:21 - UWONBƆR A GBƆNPƆŊ LIKƆƆNL

²¹ Uma bu le ni ŋa Uwonbɔr yada, wan nan fiin Yisa nkumin ki sei u kupag, mambu ni yada a ŋaam nin ni tama be Uwonbɔr ban le.

Uwumbɔr aagbaŋ

²¹ U pu, le ni gaa Uwumbɔr ki kii. U nan fikr u nkun ni ki nyuŋ u. Nima pu le ni gaa Uwumbɔr ki kii ki kpa limakl.

1 Piita 1:21 ပူးပေါင်းရင်းမြစ်များ

Matiu 28:18

Le Yisa fɔɔr mal bi, ki len ke, “Uwonbɔr seim paab nin tum a ninkpera.

Jɔnn 12:44

Le Yisa tiɛn paab ke, “Uninfo ŋa min yada ke, waa ŋa n binba le yada, amaa u ŋa wan nan tunimin le yada.

Jɔnn 14:1

“Ni laa che ni mug ni sufu. Ni gaa Uwonbɔr jiu; ki gaa n mu jiu.

Jɔnn 14:6

Le Yisa jiin ke, “Min le ye nsan nin ibamɔn nin limiɛfol. Uba kaa chaan Baa-n ban ni wee naa ye min bu.

Jɔnn 17:1

Yisa kaah nan len man nmɔn, ni bɔɔn bu le U yaar lig paab le ki miɛ Uwonbɔr ke: “N baa, n-yonn nmɔn foo u. Che A bija n kan kupag wee A bija mu n pagiŋ.

Jɔnn 17:24

“N Baa, n ban bininfob ban wee A ta seimin na li be n ban le maah na yin be nan yaan nin. Wee bin kan npagim, kupag kan wee A nan ta seimin, nan bu-n Ŋaah jiɛm n-yonn man wee dulinya kaa la nan naan nin.

Jɔnn 17:5

Le daandaan nan, n Baa, seim kupag A nintogil ni, kupag kan wee n nan kan A ban n-yonn man wee dulinya kaa la nan naan nin.

Jɔnn 3:34

Nan bu-n wan wee Uwonbɔr nan tun nin pag Uwonbɔr a mɔbonl le, nan bu-n Uwonbɔr gbeen u Kinaaŋ le.

Lituln 2:24

Amaa, le Uwonbɔr fiin u nkumin ki nyan u nkum a nan wii ni, nan bu-n nkum kaa jɔɔ npɔɔn man li fir ŋmag wi.

Lituln 3:13

Uwonbɔr wan nan ye Abiraham nin Azig nin Jekɔb nin ti yaajam a Wonbɔru nan, U ma ye wan don U toon tun, Yisa le ni ta u ki ŋubin bi yudam a nɔɔn ke bin ku u, le Palati nan bigin un jaa u, le ni ji yii u Palati a nintogil.

Lituln 3:15

Nim le ku limiɛfol daan nmɔn, amaa le Uwonbɔr fiin u nkumin. Le tim le ye ni siɛradam.

Lituln 4:10

ni ŋan nin nim Iziral yaab biɛn mu biɛ ke: Yisa Masiya wan ye Nazarif a ninfou win a yinl bu, le uja wan si ni numin nan kan kutebug. Yisa nmɔn le ni nan che bi kpaa u lidapunpunl bu-n, amaa le Uwonbɔr fiin u nkumin.

Rom Yaab 10:9

Ke ni ye a yaar a mɔb ki len ke, “Yisa le ye Uyudaan,” wee ki ŋa yada a sufu ni ke Uwonbɔr fiin U nkumin ke, a li kan feegab.

Rom Yaab 4:24

amaa tim tɔɔl, ban wee Uwonbɔr li kan kpiɛ ban jɔɔ nbuchin binben nin. Taah ŋa yada nin U ma Uwonbɔr wan fiin ti yudaau Yisa nkumin nin bu.

2 Korenti 6:15

Yisa nin Sintani li fir lagin tab baa? Uwonjiɛn nin wan kaa ye uwonjiɛn li fir jɔɔ nmɔkpaa?

Efesusi 1:15

Mambu n-yonn man wee n nan gbir naah ŋa ti Yudaau Yisa yada nin naah jiɛ Uwonbɔr a ninfogannkaab a bɔr man nin,

Kolosiya 1:27

Bininfogannkaab nmɔn le Uwonbɔr nan gann ke bin kpiir liwool a bɔrin ki wɔɔn ban kaa ye Juu yaabin, liwool a pag kan yabin, ni ma ye Masiya wan be nin ni-n, ki ye kupag a tama-n.

1 Timoti 1:1

Min Pɔɔl wan wee Uwonbɔr ŋaam Masiya a toomin, wan ye ti feeru nin Masiya wan bu wee ti jɔɔ tama-n,

1 Timoti 3:16

Ti biɛn chee tibɔwoonkaarin kaah polig man ti wonjiɛnlin na: U nan degirin nin tigbanann na, Kinaaŋ nan wɔɔn waah kan nnyaŋim man na, Malakam nan kan wa, Bi nan mɔɔn u bɔr ki sei ibol biɛn na, Bi nan ŋa u yada dulinya nan yaan na, U nan ta u don paab nin jilimau.

Hiibru Yaab 2:9

Amaa ti kan Yisa, wan wee Uwonbɔr nan jiin u tum wama malakam ban nin, daandaan nan, u chig kupag nin jilima a yuchigirig le waah jin nkum a fala-n bu, wee Uwonbɔr a nyunyunbasanl bu u nan che u kpo uninfo biɛn bu-n.

Hiibru Yaab 6:1

Mambu ni che ti jiɛn Masiya a bɔr tan ye npiinim a wɔɔnimin, wee ki ta nninkpelam ki wɔɔn ki jo nintogil, naa ji kpaa talar nin ti ji mann bil lifiɛl a bɔr tan wɔɔn ke ni jiɛn titoonbir tan ye nkum a samin a nɔɔma, amaa wee ki ŋa Uwonbɔr yada,

Hiibru Yaab 7:25

Mambu u li fir fee ban dan Uwonbɔr ban u ma bu-n iyoo biɛn ki gab, nan bu-n iyoo biɛn u be le ki miɛ ter bi.

1 Piita 1:11

ke bin kan iyoo yan nin naah li ŋa man wee Masiya a Naaŋ kan be bi ni nan chinn kan le ki wɔɔn bi Masiya a fala a jim nin kupag kan li ŋɔɔrin.

1 Piita 1:3

Ipoor ye Uwonbɔr wan ye ti Yudaau Yisa Masiya a Baa-n yaal le! U nyunyunbasanl takpenlin bu ti kan nmaal pɔɔn man be tama kan fo-n, waah nan fiin Yisa Masiya nkumin,

1 Piita 3:22

Yisa wan nan don paab ki be Uwonbɔr a nɔɔjiim paam nin Malakam nin tininkper a pɔɔm nin ipɔɔn biɛn yan cheel u mɔbin.