1 Piita 1:19 - UWONBƆR A GBƆNPƆŊ LIKƆƆNL

¹⁹ amaa ni nan ye Masiya wan a cham ŋan nin le, Masiya wan ye kipeebig kan kaa jɔɔ igalin bee kidaŋi.

Uwumbɔr aagbaŋ

¹⁹ U nan di Kristo aasin mu jer ŋimombil na le gaa nimi lii; uma Yesu nan di ubaa toor kitork ki tii Uwumbɔr, ki bi ke upihbo nyaan u kaa kpa iween ibaa na.

1 Piita 1:19 ပူးပေါင်းရင်းမြစ်များ

Matiu 20:28

Ke Uninfosaal a Big kaah be man nan, waa dan ke bininfob ntun sei wi, amaa u dan ke u nan tun sei bininfob le, ki jin ta u miɛl ki daa bininfob takpem.”

Matiu 26:28

N cham man ye Uwonbɔr a poorin sɔ, ncham man kpaar ki wur bininfob takpem bu, wee bi kan tibir a jiɛnper nan.

Jɔnn 1:29

Ni nan wonn le Jɔnn nan kan Yisa kaah chaan u ban le ki ke, “Lig, Uwonbɔr a Peebig, wan nyann dulinya nan a birin!

Jɔnn 1:36

Waah nan nan kan Yisa jo chaa-n le u ke, “Lig, Uwonbɔr a peebigin!”

Lituln 20:28

Ni li ŋmag niba nbamɔm nin ipee yan biɛn wee Kasi a Naaŋ ta ŋubin ni nɔɔn ke ni li guu-n. Ni li guu Uwonbɔr a ninfobin na, ban wee U ta U cham ki daa-n.

Rom Yaab 3:25

Uwonbɔr nan ta U le ki mann tibir a manug, baah ŋa u chamin yada-n bu. U tun man ki ban un wɔɔn u bamɔn le, nan bu-n, U nan jɔɔ limɔril, kaa dar bininfob ban tun tibir n-yonn man wee Yisa Masiya kaa la nan dan dulinya nan yaan nin a tuli yi,

Efesusi 1:7

Yisa a chamin bu le ti kan nkpenim a manug, ni ma ye tibir a jiɛn per, Uwonbɔr a nyunyunbasanl takpenlin bu

Kolosiya 1:14

U big nmɔn le sei ti nkpenim a manug kan ye tibir a jiɛn per.

1 Piita 1:2

ban wee bi nan gann, wee ti Baa Uwonbɔr pii nan nyi ke bi li gann bin, ŋa bi kasi, Kasi a Naaŋ a toon bu-n, ki che bi chee Yisa a mɔb le u cham n ŋunn bi: Linyunyunbasanl nin nposɔɔn li be ni bu takpem.

1 Piita 3:18

Nan bu-n nba le Masiya nan kpo ki sei tibirdam biɛn, ubuchin nan gaa ban kaa ye bibuchim a kum ki kpo, ke un che ni foo Uwonbɔr ban. Bi nan ku u le tigbanann ni le u ji kan limiɛfol Kinaaŋ bu,

1 Jɔnn 1:7

Amaa ni ye ti choon nwonween nin, a li ke waah be nwonween nin man nin ke, tim nin nim jɔɔ nɔɔnintab, le Yisa wan ye U Bija-n a cham li ŋunn ti biɛn nan a bir.

1 Jɔnn 2:2

Uma ye tibir a manug kan ŋunn ti bir, le naa ye tim a binba a bir bu amaa nin dulinya munl nan biɛn a bir.

Tibɔkpiirkaan 1:5

Linyunyunbasanl nin nposɔɔn lan ji nyan Yisa Masiya, wan ye ibamɔn a siɛradaau win, kibininkpeeg kan chinn fii nkumin, nin wan ye dulinya nan a bɔrtiib biɛn a bɔru win li be ni ban. Wan jiɛ ti wee ki ta u cham ki nyan ti tibirin nin,

Tibɔkpiirkaan 14:1

Le n lig ki kan Kipeebig n nintogil le ki si Zayɔnn a jɔɔl bu, le bininfob turikobig nin turpina nin turina (144,000) kaah si u ban, ban wee bi nan sɔb u yinl nin u Baa a yinl ki tabin bi yutun bu-n.

Tibɔkpiirkaan 14:5

Bi mɔɔŋi kaa nan nyi por tibɔkari; baa nan jɔɔ igalin ni.

Tibɔkpiirkaan 5:6

Le n kan Kipeebig, le ki nann ke bi kɔr ki le-n, le ki si Kunaangbɔŋin a sisiigin, le tiwann naan wann tan fo tina-n nin bininkpeebin gɔɔn u. Kipeebig nmɔn nan jɔɔ iyinh ilile le nin inunbil ilile, ni ma nan ye Uwonbɔr a naam milile ban wee u nan tun bi dulinya nan a logi ina-n yaan biɛn ni.

Tibɔkpiirkaan 5:9

Le bi gaah ilan pɔɔn ki ke, “Fin le kpaan nin a yuur kugbɔŋ nmɔn ki loor ndaagimin, nan bu-n fin le bi nan kɔr, le a ta a cham ki da bininfob ki sei Uwonbɔr ki nyan imaal biɛn nin ileen biɛn, nin bininfob biɛn nin ibol biɛn ni.

Tibɔkpiirkaan 7:14

Le n jiin ke, “N yudaau, fin le nyi.” Le u len ke, “Bi ma ye ban nyann limug takpenl a poolin; ki ye ban wee bi ta Kipeebigin a cham ki ŋunn biwan yɔɔr le ti nin peen.