1 Piita 1:13 - UWONBƆR A GBƆNPƆŊ LIKƆƆNL

¹³ Mambu, ni ŋaam ni potiɛl sili ki tun itoon; ni choom niba; ki ta ni tama biɛn ki ŋa linyunyunbasanl lan wee bi na li sei nin, n-yonn man wee Yisa Masiya na yin kpiirin nin.

Uwumbɔr aagbaŋ

¹³ Nima pu na, ni li dak ilandak i ŋan na, ki li chur nibaa, ki li kpa limakl n‑yoonn mɔmɔk; ba pu? Yesu Kristo yaa nyan ubaa mpaan pu kan, u ga ŋa tinyoor ŋa ni pu la.

1 Piita 1:13 ပူးပေါင်းရင်းမြစ်များ

Matiu 20:4

Le u bei bi ke, ‘Ni li chaa n kpaabin ki ta li kou, wee n yɔ ni nan kpaan ni.’

Tibɔnyaan ti Luk ŋmee ti na 12:35

“Ni yeem ni wan yɔɔr ki ŋa sili nin itoon na, ki che ni filaam li gaan na,

Tibɔnyaan ti Luk ŋmee ti na 17:30

“Lidaal lan wee min Uninfosaal a Big na li kpiirin ni, ni na yin ye man le.

Tibɔnyaan ti Luk ŋmee ti na 17:8

Naa ye u yin len le ke, ‘ŋa n nyiɛg a jiir a, ŋa sili ki li guum maah ji ki nyu n-yonn man ni na; ni bɔɔn bu a ban ke a mu li ji ki nyuu’?

Rom Yaab 13:13

Ni che ti binbem li ween na, a li ke ti be nweehn le-n, ki laa ye ban nyu ndaam a booli biɛn bee bidanyugbeebi, ki laa tun iwanchɔgin toon ti piibanlin bee ti jabanlin nin iwanjaab toon a boolin yi, ki laa jɔɔ imɔkpel nin lipiiponli.

Rom Yaab 8:19

Niwann nan wee Uwonbɔr naan nan biɛn le guu le bi sufu ŋa sili ki lig lidaal lan wee Uwonbɔr na yin kpiir U naachimin ni.

1 Korenti 1:7

Ni bu naa lann Uwonbɔr a Naaŋ a piini ke naah ŋa sili ki guu ti Yudaau Yisa Masiya a jirimin.

1 Korenti 13:13

Daandaan nan tiwann titaa nan le be, ti ma ye Yada, Tama nin Njiɛm, amaa njiɛm mu le jon ni biɛn.

Efesusi 6:14

Ni mann ki baan sir nbamɔm, ki ta ibamɔn a changbam ki lol ni cham, ki li jɔɔ nbuchin binben man be ke tukur tan wee bi jɔɔ piig ligbingbanl bu-n,

Kolosiya 3:4

Masiya wan ye ni miɛfolin nan degirin ke, iyaayoo nim nin uma na li degirin nin kupag.

2 Tesalonika 1:7

ki sei nim ban wee bi mugir ni-n lifooril, nin ti biɛn. Ni na yin ŋa n-yonn man wee Uyudaan Yisa nan kpiir ki nyan papaab nin nŋmipeen nin u malakam ban jɔɔ npɔɔn nin.

2 Timoti 4:5

Amaa fin ma, li ŋmag a ba n-yonn biɛn, ki li pɔɔn a ba a fala a jimin; ki wɔɔn bininfob tibɔŋann nan, ki li tun litoonl lan wee Uwonbɔr ta seiŋin biɛn na.

2 Timoti 4:8

Daandaan nan n buchin yuchigirig ŋa sili ki dɔ guum, kan wee Ubuchin yudaan wan ye ubɔjirin na yin ta ki yɔm lidaal nmɔn, naa yin ye n yaa binba, amaa u na li yɔ ban guu waah na yin degirin lidaal lan nin tɔɔl.

Hiibru Yaab 10:35

Mambu ni laa ta ni dindanin ki gabi; nan bu-n ni nyɔɔr na li yab.

Hiibru Yaab 3:6

Amaa Masiya ma si nba bu le Uwonbɔr a ninfob biɛn bu ki ye U bija, tim le ye Uwonbɔr a niin yaab, ni ye ti li jɔɔ lipoobil le nin tama kan wee ti far ligbingbanl ki bu-n.

Hiibru Yaab 6:19

Tama kan wee ti jɔɔ nmɔn li ŋmag ti sufu le ki baa kenken. Tama nmɔn le jon lagir likinkenl lan gɔɔn nin bu, ki kɔɔ kasi a diig n-yaan ke uninfosaalin,

Hiibru Yaab 9:28

man mu le Masiya a manugin nan mann nba bu ki nyan bininfob takpem a bir; le u ji li jirin, kaa ye u nan ji tibir a fala, amaa u li ŋmag feegab ki nan sei ban guu win.

1 Piita 1:10

Ki ta jiin feegab nan paam, bilinlem ban nan pag ke linyunyunbasanl li foon ni ban nin, bi nan feen le nin linunmanl le bi baga be niin takpem,

1 Piita 3:15

Amaa ni taam Masiya ki ŋa ni sufu ni wee u li ye ni Yudaau. Ki sin li ye ban ŋa sili iyoo biɛn ki guu uninfo wan biɛn li baan ni nan bu wee ni jɔɔ tama. Amaa ni ŋa man nin nbinbem ŋan nin jilima,

1 Piita 4:7

Tiwann biɛn a diɛm mala. Mambu ni che ni potiɛri li ween na wee ki li chor ni ba wee ni li fir miɛ Uwonbɔr.

1 Piita 5:12

Silasi wan wee n nyi ke u ye uwonjiɛn ibamɔn nin, li terim le n sɔb kugbɔŋ nan wama, ke n pɔɔg ni gbanann wee nin jin siɛra ke nan be nan ye Uwonbɔr a nyunyunbasanl le ibamɔn. Mambu ni li ŋmag ni nin nbamɔma.

1 Piita 5:8

Ni choom niba ki li nyi niba bu. Ni dataag ulinlaril le choon le jin ke ugbegin wan ŋuun ki ban uninfo un choo niɛ-n.

1 Jɔnn 3:3

Uninfo wan biɛn jɔɔ tama Uwonbɔr ni ke, udaan ŋa uba le kasi ke Yisa kaah be man ni.