1 Piita 1:1 - UWONBƆR A GBƆNPƆŊ LIKƆƆNL

¹ Min Piita wan ye Yisa Masiya a toomin, Le sɔb kugbɔŋ nan ki tenn Uwonbɔr a ninfogannkaab ban ye bicham ki be dulinya ni, ki yal kɔɔ ntimin ki be Pɔntusi nin Galantiya nin Kapadosiya nin Asiya nin Batiniya,

Uwumbɔr aagbaŋ

¹ Min Piita u ye Yesu Kristo aakpambal na le ŋmee kigbaŋ kee m tii Uwumbɔr aanib bi ye biwɔwɔm dulnyaa wee ni, ki yaa ki bi Pontus aatiŋ ni, ni Galasia aatiŋ ni, ni Kapadosia aatiŋ ni, ni Asia aatiŋ ni, ni Bitinia aatiŋ ni na.

1 Piita 1:1 ပူးပေါင်းရင်းမြစ်များ

Matiu 10:2

U tooi piig nin bilee nmɔn a yin sɔ: Chinchinn le ye Simɔnn, (wan a yinl ji ye Piita nan), nin u waal Anduru, ki kpiɛ Jemisi nin Jɔnn ban nan ye Zebedi a naachim nan,

Matiu 24:22

Naa ye Uwonbɔr tɔɔl li nan war limugil lan chaan nmɔn a weehn ke, uba kaa yin ŋmari. U ninfogannkaab a nyunyunbasanl bu le u li war limugil nmɔn a weehn.

Matiu 4:18

Yisa kaah nan chonn Galilii a mɔgil a gbaamin, le u nan kan nnabum milee, bi ma nan ye Simɔnn wan wee bi nan yi u ke Piita, nin u waal Anduru. Bi nan ye bijanchoob le ki be jaar kujanlaaŋ limɔgilin.

Tibɔnyaan ti Luk ŋmee ti na 18:7

Ke Uwonbɔr kaa li sei u ninfogann kaab ban miɛ u nween nin kunyiɛgin ibamɔn naa? U li yii baa?

Jɔnn 11:52

le naa ye bi bol a binba bu, amaa Uwonbɔr a bum ban yaalin, ke un lagin bi bogil liba wee bi ŋa ninfo uba.

Jɔnn 7:35

Le Juu yaabin nin baan tab ke, “Uja nan yin jo laa wee taa li fir ban kan waa? U li jo nan yaan wee ti yaa ninfob yaal ki be Girig yaabin ni, ki tan li wɔɔn Girig yaabaa?

Lituln 18:2

Nin yaan le u nan kan Juu yaab a ninfo uba, le u yinl ye Akula, amaa le bi nan ma u Pɔntusi, le u ma nin u poo Pirisila la nyan Itali ki dan Korenti, nan bu-n ubɔr yudaan Kuladiyasi le nan sei bi bimɔb ke Juu yaab biɛn nya Rom a tiŋin na. Le Pɔɔl jon ke un tan kan bi,

Lituln 18:23

Waah jin n-yonn wama Antiɛg nmɔn a bɔɔn bu, le Pɔɔl ji nan nyan nin yaan ki choon ntim ntim Galantiya nin Ferijiya a tinbumin ki pɔɔgir bi bɔɔnɔɔbin a sufu.

Lituln 19:10

Ni nan ye man le ki tan kpaa ibin ilee, mambu che Juu yaab nin Girig yaab ban biɛn nan be Asiya a tingbɔŋin nan gbir Uyudaan a bɔr nmɔn na.

Lituln 6:9

Le bininfob biba nan fii ki yii Sitifin a bɔr, bi nan ye ‘Yemba’ le ki nyan ban nan kan nŋmarim ki be Juu yaab a wonjiɛn bolin (ke baah yi bi man ni) bi nan nyan Sarene nin Alɛgzandira nin Silisiya, nin Asiya le. Le bi biɛn nan piin ki far limɔkpel nin Sitifin.

Lituln 8:4

Biwonjiɛmin kaah nan yalin, bi ni nan mɔɔn tibɔŋann nin le nan yaan biɛn wee bi jon.

1 Korenti 16:19

Biwonjiɛm a laginn ban be Asiya a yerin nin poor ni. Akula nin Pirisila nin biwonjiɛm ban lagin ki jiɛn Uwonbɔr bi niin yin ni poor ni pam Uyudaan a yinlin.

2 Korenti 1:8

N nabum, maa ban ni laa nyi fala wan wee ti jin Asiya a yerin paamin ni. Ti nan kan limugil takpenl lan yab ki jon ti pɔɔm a tariga, ki che ti jaa tama ti tɔɔl a miɛfol bu.

Galantiya 1:2

nin n nabum ban biɛn be n ban, Le sɔb kugbɔŋ nan ki poor nim biwonjiɛm a laginn tan be Galantiya a timin:

Efesusi 2:12

Ni li tiɛr ke iyaayoo nmɔn ni nan bɔgir nin Yisa u, baa nan kaan ni kpiɛg Uwonbɔr a ninfogannkaabin ni, ni nan ye bicham le, kaa ji kpiɛ limɔsiinl a poorin yaan ni, kaa jɔɔ tama, kaa jɔɔ Uwonbɔr dulinya nan yaan ni.

Efesusi 2:19

Mambu, nim ban kaa ye Juu yaabin kaa ji ye ibol iba yaab bee bichami, amaa nim nin Uwonbɔr a ninfogannkaabin nin ye kitiŋ kiba a buwaab le, ki ye Uwonbɔr a niin yaab,

2 Timoti 1:15

A nyi ke ban biɛn nan be Asiya a yerin n nan labir bi bɔɔn kpaa ma, bi ni bibam le ye Faajɛlusi nin Hɛrimojɛnesi.

Hiibru Yaab 11:13

Bininfob nan biɛn la nan be nin bi yada le ki kpo. Baa nan gaa tiwann tan wee Uwonbɔr nan siin limɔsiinlin ni; amaa bi nan kan tiwann nmɔn dindanl le ki jɔɔ npopeen. Bi nan chee ke bi ye kitiŋ kiba a ninfob le ki ye bicham dulinya nan yaan.

Jemisi 1:1

Min Jemisi wan ye Uwonbɔr nin Uyudaan Yisa Masiya a yomu-n: N poor Uwonbɔr a ninfob ibol piig nin ilee yan yal be dulinya nan a logi ina nan biɛn nin.

1 Piita 2:11

N jɔtiib, n balin ni le, naah kaa ye dulinya nan yaab wee ki sin be dulinya nan ki ye bichamin, ni jiɛn titoonbir a kɔlisau, tan kɔnn nin ni naamin.

2 Piita 1:1

Min Simɔnn Piita wan ye Yisa Masiya a toontunnu nin u toomin, Le sɔb kugbɔŋ nan ki tenn ban wee Uwonbɔr nin ti Yudaau Yisa Masiya a buchin binbem bu che bi kan yada kan ŋan ke ti yaagin:

Tibɔkpiirkaan 1:11

ki len ke, “Sɔb nan wee a kan nan ki ŋa kugbɔŋ kpabkaagin ki ta tan sei biwonjiɛm a laginn a kerim milile-n na: Ti ma ye Efesusi, nin Simarina, nin Pagamum, nin Tayatira, nin Sadusi, nin Filadelifiya nin Laodisiya.”