1 Korenti 9:24 - UWONBƆR A GBƆNPƆŊ LIKƆƆNL

²⁴ Naa nyi ke bitaaguum gu ke, utaaguun uba kpeŋileŋ le yin guun ki ji ki gaa tiyɔraa? Ni bu, ni li gu nin inunman na wee ki gaa tiyɔr.

Uwumbɔr aagbaŋ

²⁴ Ni nyi ke binib yaa kpak ki san litaasaln kan, bi mɔmɔk san; le unibaan u ji na, uma le kani ipiin. Kina pu na, ni mɔmɔk li san ke unii u ji na aah san pu na, aan ki kan ipiin ngbaan.

1 Korenti 9:24 ပူးပေါင်းရင်းမြစ်များ

Rom Yaab 6:16

Naa nyi ke a ta a baa ki sei uninfo uba ki ye u yomu ki cheel u mɔb ke, a sin ye uyom le ki sei wan a mɔb wee a cheel nmɔn, ni ye a chee sei titoonbir le ke a ye titoonbir a yomu le, le ni joorim nan ye nkum le, bee a mu ji jɔɔ limɔcheel ke, ni ma yin che a ŋa uninfo buchin naa?.

1 Korenti 9:13

Naa nyi ke ban tun Uwonbɔr a wonjiɛn niin n-yaan, bi jiir nya niin lee, le ban mu mann kumanug Uwonbɔr a binbinl bu-n mu por nan wee bi mann libinbinl bu-n lee?

1 Korenti 9:23

Tibɔŋann nbu le n tun ni niɛ nan biɛn, ke n nan ji ni nyɔɔr.

1 Korenti 9:26

Mambu min kaa be ke uninfo wan gu yɔli yɔli n ni, n mu kaa be ke unɔɔkufaar wan far ki lan nni.

Galantiya 2:2

Uwonbɔr le nan kpiir wɔɔnim ke n jo, ki tan bei bi tibɔŋann tan wee n ti mɔɔn ban kaa ye Juu yaab ban nin. Amaa n nan yin biwonjiɛn sanliibin a binba le ki wɔɔn bi, nan bu-n, n nan san le kaa ban maah tun nan nin bee nan wee n la yin tun nin n gab yɔli.

Galantiya 5:7

Ni nan ti tun nbamɔm le. Ke ŋma ŋɔɔr ni ke ni laa ji nɔɔ ibamɔn nmɔn naa?

Filipi 2:16

ke naah ta limiɛfol a bɔr wɔɔn bi man nin, naah li ŋa man wee n li fir fa ligbingbanl Masiya a jirin daal ke n taguunl nin n baginn kaa gab yɔli.

Filipi 3:12

Naa wɔɔn ke min nyaŋ ni niɛ biɛn le, bee min yaa binbem ŋan ki tan diɛ, amaa n pɔɔn nba le ki gbaar n choo nan bu wee Masiya nan choo min.

Filipi 3:14

n jɔɔ inunman le ki gu chaa n num kaah paa nan bu-n ban ke n tan pii tiyɔr tan bu wee Uwonbɔr yim papaab Masiya bu-n.

Kolosiya 2:18

Ni laa che uba n ta tibɔkar a jiininba nin malakam a jiɛnim ki lar ni wee ni lann ni yɔri. U yaa daan nɔɔ waah ga nan biɛn tininforin nin le, naa ye kinaaŋin ni, u donn uba u potiɛlin le naa jɔɔ bu.

Hiibru Yaab 12:1

Mambu taah jɔɔ siɛradam takpem ban gɔɔn jin ti nan, ni che ti ta nan biɛn li legin ti samin ki gab nin tibir tan fir chor ti-n, ni che ti nyigin ki guun ti taguunl lan dɔ guu ti nan.

Jemisi 1:12

Tikaar be wan jɔɔ limɔril limagil a poolin nin bu, nan bu-n ni ye u nyaŋ limagil ki diɛ ke u li kan u naan yuchigirig kan ye limiɛfol wee Uwonbɔr nan siin limɔsiinl ke u li ta sei ban ban win.

Tibɔkpiirkaan 3:11

N chaan le daandaan nan. Ni li ŋmag nan wee ni jɔɔ nna, wee uba laa nan fee ni naam a yuchigirigi.