1 Korenti 9:21 - UWONBƆR A GBƆNPƆŊ LIKƆƆNL

²¹ Ni ye n be ban kaa nɔɔ nsiimin ban ke, n ta nba le ŋa wan kaa nɔɔ nsiim, ke bin kan nŋmarim. (Ni niɛ kaa wɔɔn ke maa nɔɔ Uwonbɔr a siimi, amaa n nɔɔ Masiya a siim le).

Uwumbɔr aagbaŋ

²¹ Binib bi kaa dii Moses aakaal na chee, m mu bi ke baah bi pu na, aan ki kan binib bi kaa dii Moses aakaal na, ki tii Kristo. Maa len ke maa dii Uwumbɔr aakaal. M dii Kristo aakaal la.

1 Korenti 9:21 ပူးပေါင်းရင်းမြစ်များ

Lituln 15:28

Ni ŋan ki sei Kasi a Naaŋ nin tim wee ti laa che nin mug ni ki jo nsiim man sɔb nan ni:

Lituln 16:4

Baah nan choon ntimin nin, le bi nan mɔɔn tibɔr tan wee itoon nin bisanliib ban be Jerusalam nan pag choo ki wɔɔn ke bi li nɔɔ-n.

Lituln 21:25

Amaa ban kaa ye Juu yaab wee ki ye biwonjiɛm nan ma, ti pii sɔb kugbɔŋ sei bi ki wɔɔn bi ke, bi laa ji tijiir tan wee bi ta mann libawoli, bee ki ŋman nchami, bee kuwankobug kan wee bi ŋmaan ŋmaan ku, ki laa tun iwanjaab toon lipiibanlin bee lijabanlin ni.”

Rom Yaab 2:12

Ban biɛn kaa jɔɔ Uwonbɔr a siim wee ki tun titoonbirin, bi yin kpo le kaa jɔɔ nsiimi, ban biɛn jɔɔ Uwonbɔr a siimin, amaa wee ki tun titoonbirin, Uwonbɔr yin ta nsiim nmɔn le ki ji bi tibɔr.

Rom Yaab 2:14

(Ibamɔn, ban kaa ye Juu yaab, wee kaa jɔɔ nsiimin ni, amaa ni ye bi tun nsiimin kaah wɔɔn man nin bi tɔɔl a lamin ke, ni wɔɔn ke bi baan tɔɔl jɔɔ nsiim, hali nin baah kaa jɔɔ nsiim nmɔn biɛn na.

Rom Yaab 7:22

Nan bu-n, n potiɛmin ni mɔm le nin Uwonbɔr a siim;

Rom Yaab 7:25

N tenn Uwonbɔr kunɔɔpoog, ti Yudaau Yisa Masiya bu! Ni ma bu, min tɔɔl a potiɛmin n ye Uwonbɔr a siimin a yomu le, amaa le n binben biimin mu ye tibir a siimin a yomu.

Rom Yaab 8:4

na li ŋa man wee nin gbeen ti buchin a binbem kaah ye man nsiimin yaan, nan bu-n taah kaa ji be tigbanann a wiib a bamin wee ki nin be Uwonbɔr a Kasi a naaŋ kaah ye ti man nin.

Galantiya 3:2

N ban n biɛ niwann niba le kpeŋileŋ ni ban: Naah ŋmag Uwonbɔr a siimin bu le che ni gaa Kinaaŋin bee naah gbir tibɔŋannin ki ŋa ti yada-n buu?

Galantiya 6:2

Ni li tug tab a tugi ya man, ni ye ni ŋaan man ke, ni li gbeen Masiya a siimin.

Hiibru Yaab 8:10

N-yonn nmɔn nan jon ke, maah li poo tipoor tan sei Iziral yaab sɔ, Uyudaan le len. N li ta n siim ki ŋa bi potiɛrin le ki sɔb nsiim nmɔn ŋa bi sufu ni. Le n na li ye bi Wonbɔru, le bi mu na li ye n ninfob.