1 Korenti 8:9 - UWONBƆR A GBƆNPƆŊ LIKƆƆNL

⁹ Amaa ni li nyi man, wee ki laa che ni wiib a binbem nkpann litangbag gbiɛrikaal ndaburim a samin ni.

Uwumbɔr aagbaŋ

⁹ Aa mu yaa nyi ke ŋiwaa aa ye nibaa kan, li nyi ki taa cha unii u kaa kee nyi Uwumbɔr aasan mbamɔm na tun titunwanbir.

1 Korenti 8:9 ပူးပေါင်းရင်းမြစ်များ

Matiu 18:10

“Ni li nyi man ki laa yin nbuwaab nan a ni uba yɔli; nan bu-n n bei ni le, bi malakam ban be paab nan be n Baa wan be paabin a nintogil le iyoo biɛn.”

Rom Yaab 15:1

Tim ban a yada pɔɔ-n ye ti ter ban a yada kaa pɔɔ-n bi tugi a tumin le, wee ki laa ban ti tun nan li gbee ti tɔɔl a numi.

1 Korenti 10:24

Laa tun ki jiin a baantɔɔl a bam bu, amaa li tun ki jiin a tab a ŋam bu.

1 Korenti 10:28

Amaa ni ye uba beiŋ ke, “N mann libawol le ke,” ni ye man ke a laa ji, nan bu-n uninfo wan beiŋ man nbu nin u potiɛl a mugil bu,

1 Korenti 10:29

uninfo u miɛnin a potiɛl bu le n pag nan, naa ye fin ni. Ni bi yin ŋa nii wee n wiib a binbem nmugir uba a potiɛlaa?

1 Korenti 10:32

Ni laa che uba nlu waah ye Juu a ninfou, bee Girig a ninfou, bee uwonjiɛn ni.

1 Korenti 8:10

Ni ye uninfo wan a yada waar kan fin wan jɔɔ nbiɛm nan be ji tijiir nbawodiin ke, naah li pɔɔg u sufu wee un ji tibawojiiraa?

1 Korenti 8:12

Ni ye a tun man a bir ki sei a nabum ban a yada kaa pɔɔ nan ki che idaburig choo bi ke, Masiya le a ŋa tibir.

1 Korenti 9:22

Maah nan be nin ban a yada waarin, n nan be le ke wan a yada waarin, naah li ŋa man wee bin kan nŋmarim. N che n binbem be le ke bininfob biɛn a binbem kaah be man ni, naah li ŋa man wee n fir fee bininfob bibam ki jaa.

2 Korenti 11:21

Ni ye ifa le ki seim nin ti daburigi kaah kaa nan che ti tun man ni! Uninfo uba kaah jɔɔ lipoobil ki li fir fa ligbingbanlin, min pag le ke kujɔrugin-woo, le ki mu jɔɔ lipoobil ki li fir fa ligbingbanl.

2 Korenti 11:29

Ŋma gbarig, wee min kaa gbarigaa? Ŋma wee bi che u kɔɔ tibirin, wee n sufu kaa gaan nŋmi?

2 Korenti 6:3

Taa ta litangbagil gbiɛrikaal ki bil uba a samin ni, mambu uba kaa li fir kan ti galin ti toon yin ni.

Galantiya 5:13

N nabum, Uwonbɔr le nan yin ni le ni kpann ban ye biba. Amaa ni li nyi ni nɔɔ ye nba nmɔn bu ki tun tigbanann a kɔlisa a toon; amaa ni li tun tenn tab nin njiɛma.

Kolosiya 2:8

Ni laa che uba n ta uninfosaal a biɛm man kaa jɔɔ nyɔɔrin ki lar ni kɔɔn tiyomirin ni, ni ma nyan bininfob a kaalin le nin kutingbɔŋ nan a maabiyiɛrugin, naa nyan Yisa ban ni.

1 Piita 2:16

Ni li be ke ban ye bi ba-n, amaa ni laa jɔɔ ye nba a binbem nmɔn ki tun tibiri; ki li be ke Uwonbɔr a toontum kaah be man nin.

2 Piita 2:19

Bi bei bininfob le ke bi na li kan yemba amaa le bi baantɔɔl ye tibir a yomi, nan bu-n nan nyaŋir uninfo ŋaan u tiyomir le.

Tibɔkpiirkaan 2:14

Ni biɛn yɔli, n jɔɔ tiwann wama nan che n galin ni: Ni jɔɔ bininfob biba be ni ban ki ŋmag Balaam a wɔɔmin, wan nan tinn Balag waah li ŋa man wee Iziral yaab n tun tibir ki ŋman tibawonann, ki li tun iwanchɔgin toon.