1 Korenti 7:9 - UWONBƆR A GBƆNPƆŊ LIKƆƆNL

⁹ Amaa ni ye baa li fir choo biba ke, ni ŋan nin bin kɔɔn bipiib bee bin kun bijab, nin bi li jɔɔ nmɔsanyunsɔɔm wee bi sufu gaan nŋmi.

Uwumbɔr aagbaŋ

⁹ Ni mu yaa kaa ŋmaa chuu nibaa kan, cha bijab din bipiib, bipiib mu mɔn. Bijab ni bipiib yaa yoor tɔb kan, ni soor ni binimbil li man tɔb pu, kaa kan.

1 Korenti 7:9 ပူးပေါင်းရင်းမြစ်များ

Lituln 19:36

Nima bu uba kaa be ki li fir niɛ ni nan a bamɔn bu. Ni ŋan nin ni mɔr ki laa ban jegjegi.

1 Korenti 7:2

Amaa iwanjaab toon kaah yab nbu, ni ŋan nin uja biɛn li jɔɔ u poo, le upii biɛn mu li jɔɔ u chal.

1 Korenti 7:28

Amaa ni ye a kɔɔn upii ke naa ye tibiri, usapɔɔn wan kaa la nyi uja mu kun uja ke, naa ye tibiri, amaa ban jɔɔ bipiib bee chiɛb li kan tibɔmugkaar bi binbemin, le n ban nnyan bi tibɔmugkaar nmɔn yaan.

1 Korenti 7:36

Ni ye uja jɔɔ kijakpeŋ wee u nan gbee upii, wee uja nmɔn jɔɔ lipotiɛl u bu kaa li fir choo uba ke, che un tun waah ban man, ni ŋan nin bin kɔɔn tab, waa tun tibiri.

1 Korenti 7:39

Upii jɔɔ u chal wee u la be u miɛfolin ke, u chal nmɔn le ye u. Amaa ni ye u chal nmɔn kpo ke, u li fir kun uja wan wee u ban, amaa waah yin kun wan nmɔn li ye wan nɔɔ Uyudaan.

1 Tesalonika 4:4

ke ni biɛn n tinn ki biɛ naah li ŋa man ki fir ŋmag ni baan tɔɔl a gbanann kasi nin jilima a binbemin,

1 Timoti 5:11

Amaa bipiisapɔm ban ye ipukɔɔ n ma, laa ta bi yin ki kpiɛ nin yaan ni. Nan bu-n ni ye bi kɔlisa nan jir tigbanann a bam paam ke, bi yiin Yisa le ki ban bin kun tichar.

1 Timoti 5:14

Ni bu n kpaan bipiisapɔm ban ye ipukɔɔ nbiɛn le ke bin kum bijab, ki maa nbuwaab, ki li lig bi niin nbamɔm wee ki laa che kidataagin n kan npaan ki ŋa kutingbiigin.