1 Korenti 7:34 - UWONBƆR A GBƆNPƆŊ LIKƆƆNL

³⁴ ni bu u potiɛl bɔgir le, upii wan kaa kun uja bee usapɔɔn wan kaa nyi uja mu a baga be Uyudaan a toon ni le, nin waah li ŋa man ki ta u gbanann nin u naaŋ ki sei Uyudaan nbamɔm. Amaa wan jɔɔ chal ma lig dulinya nan a wan yɔɔr le, nin waah li ŋa man wee nin gbee u chal a num.

Uwumbɔr aagbaŋ

³⁴ le waalandak yakr mfum mulee. Upii u kaa kpa chal na, bee usapɔɔn u kaa nyi uja na, utafal bi Tidindaan aabɔr ni la; u ban ke uwon ni waawiin li bi chain. Upii u kpa chal na, utafal bi dulnyaa wee ni aabɔr ni la, u dakl waah ga ŋa pu ki piir uchal aasui na la.

1 Korenti 7:34 ပူးပေါင်းရင်းမြစ်များ

Jɔnn 10:13

Nan bu wee u guun nin, u ye wan kpaa ki gaan tiyɔr le mambu u poobil kaa wii ipee-n bu.

Rom Yaab 6:13

Laa ta a gbanann a bɔgi ki sei tibir ke npooton a toontunn tiɛri, amaa ta a baa ki sei Uwonbɔr, ki li be ke bininfob ban nyan nkumin ki be limiɛfolin nin; wee ki nin ta a gbanann a bɔgi ki sei Uwonbɔr ke tibuchinn a toontunn tiɛrin.

1 Korenti 6:20

Uwonbɔr le daa ni kudaapɔɔrug, ni ma bu ni che ni gbanann le jɔɔ jilima ki tenn Uwonbɔr a.

1 Korenti 7:33

Amaa upiidaan ma a baga be dulinya a wan yɔɔrin le, waah li ŋa man wee nin gbee u poo a num,

1 Korenti 7:35

N pag ni niɛ nan ni yaa ŋam bu le, naa ye n ban n mug ni le amaa naah li ŋa man wee ni laa jɔɔ nbɔgirim Uyudaan ban ni.

2 Korenti 11:28

Naa ye nima a binba le n nan kan ni, biwonjiɛmin a laginn biɛn a mugil bu le che n baga be bi bu.

2 Korenti 8:16

Uwonbɔr n gaa kunɔɔpoog nin waah che Tatusi a baga be ni ban, ke n baga kaah be ni ban man ni.

Filipi 1:20

N nunman nin n tama ye le ke, n laa ji ifa, amaa wee ki li jɔɔ lipoobil daandaan nan nin iyoo biɛn, hali ni ye n kpo le bee n fo ke ni, n che Masiya a yinl nkan ndom n gbanann nin.

1 Tesalonika 5:23

Che Uwonbɔr tɔɔl, wan ye nposɔɔn a Uwonbɔr win n ŋa ni kasi niwann biɛn nin. Ki che ni naaŋ nin ni sufu nin ni gbanann biɛn n laa nan jɔɔ igbarig ti Yudaau Yisa Masiya a dan daali.

1 Timoti 3:5

(Ni ye wan kaa nyi waah li ŋa man ki ŋmag u niin yaab ke, u yin ŋa nii wee ki ŋmag Uwonbɔr a ninfobaa?)

1 Timoti 5:5

Lipukɔɔl lan sin ban nterimin wee kaa jɔɔ wan li ter win, u tama be Uwonbɔr ban le, le u miɛ Uwonbɔr ki ban nterim nween nin kunyiɛg.

Taitus 3:8

Tibɔr nan ye ibamɔn le. Le n ban ni li jɔɔ ti ki wɔɔn bi iyoo biɛn wee nin che ban ŋa Uwonbɔr yada-n n choo biba ki ta bi saŋi ki tun itoon ŋan. Ni ma ye nan ŋan ki jɔɔ tinyɔɔr ki sei uninfo biɛn.