1 Korenti 7:30 - UWONBƆR A GBƆNPƆŊ LIKƆƆNL

³⁰ ban mɔr, li be ke baa mɔr len, le ban jɔɔ npopeen li be ke baa jɔɔ npopeen len, le ban daag tiwann yɔɔr li be ke tiwann yɔɔr nmɔn kaa ye bi yaan len;

Uwumbɔr aagbaŋ

³⁰ binib bi wii na mu li bi ke baah kaa wii le na, binib bi kpa mpopiin na mu, bi li bi ke baah kaa kpa mpopiin le na, binib bi daa ki tiir na mu, bi li bi ke baah kaa kpa nibaa na.

1 Korenti 7:30 ပူးပေါင်းရင်းမြစ်များ

Tibɔnyaan ti Luk ŋmee ti na 16:25

“Amaa le Abiraham nan jiin u ke, ‘N big, li tiɛr ŋaah nan be a miɛfolin ni a nan gaa a wan ŋann na, le Lazarusi mu nan gaa nan kaa ŋan na, amaa daandaan nan u ni be lifooril ni le a mu be limugil ni.

Tibɔnyaan ti Luk ŋmee ti na 6:21

Tikaar be nim ban wee nkom jɔɔ ni daandaan nan, nan bu-n ni na li ji ki gbee. Tikaar be nim ban mɔr daandaan nan, nan bu-n ni na li la.

Tibɔnyaan ti Luk ŋmee ti na 6:25

Woo, nim ban ji ki gbeeg daandaan, nan bu-n nkom na li choo ni. Woo, nim ban laa daandaan nan, nan bu-n ni na li mɔɔ tikpemɔr ki ji mɔɔ tinyinyinn.

Jɔnn 16:22

Man le ni ye ki sei ni: Daandaan nan le ye ni sufu biil a yonni, amaa n ji li kan ni le ni jɔɔ nmɔn, le uba kaa li fir ta ni mɔm nmɔn ki sin jiɛn ni.

1 Korenti 7:29

Maah ban n wɔɔn ni nan sɔ, n nabum, n-yonn kaa ji yabi, naah nyan daandaan nan ki jɔɔ chaa, ban jɔɔ bipiib li be ke ban kaa jɔɔ bipiibin;

1 Korenti 7:31

ban jɔɔ dulinya nan a wan yɔɔr ki jɔɔ tun bi toon yin, bi li be ke bi baga kaa be niin len. Nan bu-n dulinya kaah be man daandaan nan ni, naa li yuuri ni li fɔɔr ki jo.

Tibɔkpiirkaan 18:7

Ni sei mu limugil nin npoobiin takpema, a li ke kupag nin liwanŋanl banl lan wee u ti jɔɔ tenn u baantɔɔlin. U far ligbingbanl le u sufu ni ki ke, ‘N ka le ke upiibɔrin; maa ye lipukɔɔli, le maa li nyi mɔɔ tikpemɔri.’

Tibɔkpiirkaan 7:17

Nan bu-n Kipeebig kan ka kunaangbɔŋ bu ki be bi sisiigin nin, le yin ye bi peekpaaru; u li ta bi ki jo limiɛfol a nyunbuŋin. Le Uwonbɔr li pir bi num a nyinyinn biɛn.”