1 Korenti 7:25 - UWONBƆR A GBƆNPƆŊ LIKƆƆNL

²⁵ Daandaan nan, nim ban kaa la nyi bipiib nin ban kaa la nyi bijab nan man, Uyudaan kaa seim nsan ke n bei ni niba, amaa Uyudaan a nyunyunbasanl bu le n ji ni bɔr ke uninfobamɔn nin.

Uwumbɔr aagbaŋ

²⁵ Binachipɔm ni bisapɔm aabɔr kan, Tidindaan aa tuk mi; waanimbaasaln pu, le m ye unibamɔnn, ki ga tuk nimi maah dak pu na.

1 Korenti 7:25 ပူးပေါင်းရင်းမြစ်များ

1 Korenti 15:10

Amaa Uwonbɔr a nyunyunbasanl bu le n ye maah ye wan nan, le u nyunyunbasanl lan be n ni nmɔn kaa ye yɔli. Nan bu-n n tun ki jon itoon nin biɛn na, amaa naa ye min le tun ni Uwonbɔr nyunyunbasanl lan nan be n ban ni-n le tun.

1 Korenti 4:2

Daandaan nan ni kpaa talar le ke ban wee bi ŋa bi yada-n n tun bi toon nbamɔm.

1 Korenti 7:10

Bipiidam nin biniinpiib le n siig nsiim nan ki tenn ni (naa ye min le siig ni, amaa Uwonbɔr le siin): Naa ŋan nin upii nnya ki jiɛn u chali.

1 Korenti 7:12

Nim ban gurin mu le n bei nan, (Min le ke, naa ye Uyudaan ni): Ni ye ni ni uba kɔɔn upii wan kaa ye uwonjiɛn ni, wee ki fir be nin u chal ke, u la yii wi.

1 Korenti 7:28

Amaa ni ye a kɔɔn upii ke naa ye tibiri, usapɔɔn wan kaa la nyi uja mu kun uja ke, naa ye tibiri, amaa ban jɔɔ bipiib bee chiɛb li kan tibɔmugkaar bi binbemin, le n ban nnyan bi tibɔmugkaar nmɔn yaan.

1 Korenti 7:34

ni bu u potiɛl bɔgir le, upii wan kaa kun uja bee usapɔɔn wan kaa nyi uja mu a baga be Uyudaan a toon ni le, nin waah li ŋa man ki ta u gbanann nin u naaŋ ki sei Uyudaan nbamɔm. Amaa wan jɔɔ chal ma lig dulinya nan a wan yɔɔr le, nin waah li ŋa man wee nin gbee u chal a num.

1 Korenti 7:40

Amaa min ban ma ke, ni ye u be kaa ji kun uja ke, ni li mɔ u ki jon nin waah li kun ujau, Uwonbɔr a Naaŋ le che n pag man.

1 Korenti 7:6

N bei ni ni niɛ le, amaa naa ye nsiimi.

2 Korenti 11:17

Maah far ligbingbanl nan bu-n maa pag ke Uyudaan ni, amaa n pag le ke kujɔrugin.

2 Korenti 2:17

Taa ye bininfob takpem ban ŋmag Uwonbɔr a bɔr nmɔn wee ti ye kpoŋkpoŋ ki sei bin ni, amaa Uwonbɔr kaah tun ti n bu le ti jɔɔ ibamɔn a pipagir ki be u nintogil ki pag Yisa a pɔɔm bu.