1 Korenti 7:17 - UWONBƆR A GBƆNPƆŊ LIKƆƆNL

¹⁷ Nin ni ma biɛn ni, che uninfo biɛn li ŋmag Uyudaan kaah ban u li be man nin, ke waah pii nan be man wee Uwonbɔr yin win. Nsiim man wee n ta sei biwonjiɛm a laginn biɛn le yen.

Uwumbɔr aagbaŋ

¹⁷ Tɔ, Tidindaan aah tii unii mɔmɔk pu na, u li bi kina. Unii mɔmɔk aah nan bi pu aan Uwumbɔr nan yin u na, u li bi kina. Maah ga tuk nimi pu na, kina le m tuk Yesu aanib bi bi ŋipepel mɔmɔk ni na.

1 Korenti 7:17 ပူးပေါင်းရင်းမြစ်များ

Matiu 19:12

Nan bu-n nbinben nba le che bijab biba kaa kɔɔn bipiibi, bi ti li fir maa biba ki miin baa ye bijabi, biba mu, bininfob li ti faar bi, le biba mu paab a naamin bu le bin yii lipiikɔɔnl, amaa wan li fir ki ŋmag nwɔɔnim nmɔn ke u li ŋmaga.”

1 Korenti 10:32

Ni laa che uba nlu waah ye Juu a ninfou, bee Girig a ninfou, bee uwonjiɛn ni.

1 Korenti 11:16

Amaa ni ye uba ban un fa limɔkpel ki jiin tibɔr nan bu ke, tim nin tiwonjiɛn tab kaa jɔɔ nan wee ti li tun ki kpiɛ ni niɛ bu.

1 Korenti 11:34

Ni ye nkom jɔɔ wan ke un chinn ji u niin na, wee ni lagin tab ke nin laa ta tibɔr a jim foon ni. Tibɔr tan gurin, n nan dan ke n li wɔɔn ni.

1 Korenti 14:33

Uwonbɔr kaa ye kuŋmaruŋ a Wonbɔru wi. Nin tiwann tan ye yɔli, amaa U ye wan tun nin ni sam bu le. Ke naah be man biwonjiɛm biɛn a sisiigin ni,

1 Korenti 16:1

Daandaan nan n ban n pag ki jiin ipiin yan li tenn biwonjiɛmin paam le: Ni ŋaam ke maah wɔɔn Galantiya yaab a wonjiɛm a laginn ke bi li ŋaan man ni.

1 Korenti 4:17

Mambu le n tun Timoti, n bija wan wee n ban wee u si ibamɔn Uyudaan a samin ni. U li tiɛr ni maah jɔɔ nbinben man Masiya-n wee ni nɔɔ nan wee n wɔɔn nan yaan biɛn wee n be nin ni tiwonjiɛndirin.

1 Korenti 7:18

Uja u la ba nan jii u punl wee Uwonbɔr nin yin waa? Ni che u li ŋmag man na wee ki laa ji jiri ye wan kaa jii u punli. Uja ula kaa nan jii u punl wee Uwonbɔr yin waa? Ni che u li ŋmag man na wee ki laa ji jii.

1 Korenti 7:24

N nabum, ni ma bu ni che uninfo biɛn li be nin Uwonbɔr a, ke waah nan be man wee Uwonbɔr yin win.

1 Korenti 7:7

Min bi ban ke uninfo biɛn li be ke maah be man nan le, amaa Uwonbɔr sei uninfo biɛn nin u piini le, uba a piin be iba ki jiɛn utɔyaan.

2 Korenti 11:28

Naa ye nima a binba le n nan kan ni, biwonjiɛmin a laginn biɛn a mugil bu le che n baga be bi bu.

2 Korenti 8:18

Ti li che ti na big kiba nnɔɔ u ki dan ni ban. Ti na a big nmɔn kaah mɔɔn Uwonbɔr a bɔŋann nin man ni bu che biwonjiɛm a laginn biɛn pagir u le.

Galantiya 1:22

N-yonn nmɔn, biwonjiɛm a laginn ban nan be Judiya a tingbɔŋin ki be Masiya ni-n kaa nan nyimi.

1 Tesalonika 2:14

Amaa nim ban ye ti nabum nan, ni toog biwonjiɛm a laginn ban be Judiya wee ki be Masiya ni nle. Ni jin fala ni tɔɔl a bol yaabin le ke biwonjiɛm a laginn nmɔn kaah nan jin fala Juu yaab a nɔɔn man nin,

2 Tesalonika 1:4

Ni ma bu Uwonbɔr a ninfob a laginn nan a sisiigin, ti far ligbingbanl le ni bu nin naah jɔɔ limɔril nin yada limugil nin libiginl biɛn a poolin wee ni la biɛ nin jɔɔ yada n bu.