1 Korenti 6:9 - UWONBƆR A GBƆNPƆŊ LIKƆƆNL

⁹ Naa nyi ke bipootondam kaa na li kɔɔ Uwonbɔr a naamin naa? Ni laa lar niba: Bininfob ban tun iwanchɔgin toon lipiibanl bee lijabanl bee bibawomanib, bee iwanchɔgin toon bee bijab ban chon tun iwanjaab toon bee bijab ban taar bijatab ki kpann bipiibin,

Uwumbɔr aagbaŋ

⁹ Naa nyi ke binib bi aabimbin kaa ŋan na aan kan Uwumbɔr aanaan aa? Ni taa ŋmanni nibaa man; bibɔnbɔnn, ni biwaadam, ni bidagoob, ni bijab bi di biŋeen aatɔtiib kpaln bipiib ki doo bi chee na, ni bijab bi mu di bibaa ŋa bipiib ki cha bijab ŋeen aatɔtiib doo bi chee na,

1 Korenti 6:9 ပူးပေါင်းရင်းမြစ်များ

Matiu 19:29

Le wan biɛn jiɛn u niin, bee u kpetiib, bee u watiib, bee u baa, bee u na, bee u buwaab, bee u kpaann, n yinl bu ke, u na li kan nibooli kobig, ki kan limiɛfol lan kaa jɔɔ ndiɛmi.

Matiu 25:34

“Le ubɔrin na li bei ban si u nɔɔjiim paamin ke, ‘Ni dan, nim ban wee n Baa kaab tikaar ki jaa ni bu nan, ni gaam ni faal, nnaam man wee Uwonbɔr nan ŋa mi sili ki guu ni dulinya a piinimin ni.

Tibɔnyaan ti Luk ŋmee ti na 21:8

Le u jiin ke, “Ni li nyi man, wee uba laa lar ni. Nan bu-n bininfob takpem na li dan n yinl bu, ki len ke, ‘Min sɔ,’ bee ‘Iyonn nmɔn mala.’ Ni laa nɔɔ bi.

Lituln 20:32

“Daandaan nan, n jɔɔ ni ki ŋubin Uwonbɔr a nɔɔn nin U nyunyunbasanl a mɔleen yin bu, U bɔr nmɔn le li fir che ni nɔɔ nbamɔm, ki li fir sei nim ban biɛn wee u ŋa ni u kasi a ninfobin lifaal.

Lituln 24:25

Pɔɔl kaah nan pag ki wɔɔn nbuchin binben nin ba a ŋmagim nin tibɔr a jidaal a yonn kaah yin foon man nin, le bijawaam choo Fɛlisi, le u ke, “Ni li kpaan man daandaan nan! Li chaau. Amaa ni ye n kan isaŋ ke n ji li yiŋ.”

Rom Yaab 1:18

Uwonbɔr a ŋuufiiŋ nyan papaab ki kpiir ban kaa jɔɔ Uwonbɔr nin bipootondam buu, ban jɔɔ bipootom ki deginn ibamɔn nin bu-n,

1 Korenti 15:33

Ni laa che uba nlar ni. “Kujɔtiibirug bii nbinben ŋan le.”

1 Korenti 15:50

N nabum, n bei ni le ke, tigbanann nin ncham kaa li fir kɔɔ Uwonbɔr a naamin ni, le nan bur mu kaa li fir kɔɔ nan kaa bur a naamin ni.

1 Korenti 3:16

Naa nyi ke nim le ye Uwonbɔr a wonjiɛndiig nnaa, le Uwonbɔr a Naaŋ be ni nii?

1 Korenti 5:1

Ni ye ibamɔn le ke iwanjaab toon be ni sisiigin, nan wee ban kaa ye biwonjiɛm kaa li chee tun ni: N gbir ke uba be do ki dɔɔ nin u baa a poo.

1 Korenti 5:10

Naa ye ni nyan niba dulinya nan a ninfob ban tun iwanjaab toon, bee linunchɔril bee ban ji bitab dulim bee ban mann ibawol nle. Ni ye man ke, see ke ni nyan ni ba dulinya nan yaan.

1 Korenti 5:11

Amaa n sɔb ki bei ni ke ni laa jɔɔ nɔɔ nin tab nin ban yi biba ke biwonjiɛm wee ki sin chon tun iwanchɔgin toon lipiibanl bee lijabanl, bee kujaŋuuŋ bee libawomanil bee kutingbiig bee bidanyub bee ban ji bitab dulim. Ni laa lagin ki ka nin u yaadaan ki ji tijiiri.

1 Korenti 6:10

bee binaayigib, bee kujaŋuuŋ, bee bidanyub bee bitingbiib, bee ban ji tab dulim bi niɛ nan biɛn kaa na yin kɔɔ Uwonbɔr a naamin ni.

1 Korenti 6:18

Ni guun nya iwanjaab toon nin na man. Tibir tan biɛn wee uninfosaal tun kaa be u gbanann ni, amaa wan tun iwanjaab toon ke, u tun ki bii u tɔɔl a gbanann le.

1 Korenti 6:19

Naa nyi ke ni gbanann ye Kasi a Naaŋ a diig lee? Naa ye u ma le Uwonbɔr ta u ki sei ni nnaa? Naa ye niba

1 Korenti 9:24

Naa nyi ke bitaaguum gu ke, utaaguun uba kpeŋileŋ le yin guun ki ji ki gaa tiyɔraa? Ni bu, ni li gu nin inunman na wee ki gaa tiyɔr.

2 Korenti 12:21

N san bijawaam le ni ye n ji jirin ni ban ke Uwonbɔr li seim jiininba ni nintogil, n na li jɔɔ lisufubiil nin ban tun tibir wee kaa la kpenn bi binbemin ki nyan tijaginn nin iwanjaab toon nin nwanchɔgin binben, ni ma nin ye bi tooi.

Galantiya 6:7

Ni laa che bin lar ni: Uwonbɔr kaa ye kuwanlawaŋi. Uninfosaal chiɛ waah bun niwann nan le.

Kolosiya 3:5

Mambu ni ku nan ye dulinya nan a binbem man be nin ni na: Nan ye iwanchɔgin toon, nin ni piibanlin bee ni jabanlin, nin tijaginn a toon, nin nmɔsanyunsɔɔm, nin titoonbir nin kujaŋuuŋ ni ma ye libawol manil.

Hiibru Yaab 12:14

Ni pɔɔn niba ki li jɔɔ nposɔɔn nin bininfob biɛn wee ki li be kasi; naa jɔɔ kasi a binbem ke uba kaa li fir kan Uyudaan ni.

Hiibru Yaab 12:16

Ni laa che ni ni uba n tun iwanchɔgin toon upiibanlin bee ujabanlin ni, bee kaa jɔɔ nwonjiɛn binben ke Esɔɔ, wan nan kɔɔr u ninkper a faal kisaayiig kiba bu nni.

Hiibru Yaab 13:4

Lipiikɔɔnl nin lijakunl ye ti biɛn li tenn li jilima le, lipiikɔɔnl nin lijakunl a didɔɔbol ye ni li be kasi le, nan bu-n Uwonbɔr na li ji ban tun iwanchɔgin toon nin tibɔr bipiib banlin nin bija banlin.

Jemisi 1:16

N nabubankaam, ni laa che bin lar ni.

1 Jɔnn 3:7

N bibankaam, ni laa che uba nlar ni ki kɔɔn kulɔŋi. Wan tun nan ŋan nin uma ye ubuchin, a li ke Yisa kaah ye ubuchin man nin.

Tibɔkpiirkaan 21:8

Amaa ban kaa jɔɔ lipoobil, nin ban kaa jɔɔ yada, nin bipootondam, nin bininfokub, nin ban tun iwanchɔgin toon lipiibanl nin lijabanl, nin ban ye binyɔgdam, nin bibawomanib, nin tibɔkardam biɛn na yin be lichibil a ŋmiim a mɔgilin yaan. Ni niɛ le ye nkum man kpiɛ milee.”

Tibɔkpiirkaan 22:15

Ban kaa na yin be kitiŋ nmɔn a poolin ye: Ibɔ, nin ban tun inyɔg a toon, nin ban tun iwanchɔgin toon lipiibanl nin lijabanl, nin bininfokub, nin bibawomanib, nin ban jiɛ ki sin tun tibɔkar a toon.