1 Korenti 6:20 - UWONBƆR A GBƆNPƆŊ LIKƆƆNL

²⁰ Uwonbɔr le daa ni kudaapɔɔrug, ni ma bu ni che ni gbanann le jɔɔ jilima ki tenn Uwonbɔr a.

Uwumbɔr aagbaŋ

²⁰ Uwumbɔr daa nimi le ki pan. Naa yeh nibaa, Uwumbɔr le yeh nimi. Nima pu na, ni di nimi aawon tun lituln li ga nyuŋ Uwumbɔr na.

1 Korenti 6:20 ပူးပေါင်းရင်းမြစ်များ

Matiu 5:16

Ni mu li ŋaan man na, ni che ni wonweem li ween bininfob ban na, wee bi li ga ni ŋaar kaah ŋan wee ki don ni Baa wan be paab nan a yinl.

Lituln 20:28

Ni li ŋmag niba nbamɔm nin ipee yan biɛn wee Kasi a Naaŋ ta ŋubin ni nɔɔn ke ni li guu-n. Ni li guu Uwonbɔr a ninfobin na, ban wee U ta U cham ki daa-n.

Rom Yaab 12:1

Mambu, n balin ni le n nabum, Uwonbɔr a nyunyunbasanl bu, ni ta ni gbanann ki ŋa liwanfol a manug, kan be kasi ki gbee Uwonbɔr a num, ni ma ye liwonjiɛnl a toonl kinaaŋin.

Rom Yaab 6:19

N ta bininfosaalib a binbem le ki pag nan bu-n ni tɔɔl a won naaŋin ni jɔɔ idaburig le. A li ke naah nan jɔɔ ni gbanann a bɔgi ki ŋaan tijaginn a toon a yomirin, nin npooton man mann kpiɛgin, daandaan nan ni ta ni gbanann ki ŋa nbuchin binben a yomirin na wee ki li be kasi.

1 Korenti 10:31

Ni ye ni jin, bee ni nyun bee ni ŋa nan biɛn ke, ni che nin don Uwonbɔr a yinl.

1 Korenti 7:23

Uwonbɔr daa ni le ki yɔn; Mambu ni laa ji ŋa bininfob a yomi yi.

Galantiya 3:13

Masiya nan ta u ba le ki mann nkpenim a manug ki fee ti nyan nsiim a mɔpool lan nan nɔɔ ti-n ki jaa, waah nan gaa ti a sisibol ki sir ki che limɔpool nmɔn jin u nbu, nan bu-n ni sɔb Uwonbɔr a gbɔŋin ke: “Limɔpool be wan biɛn bi jɔn u busub bu.”

Filipi 1:20

N nunman nin n tama ye le ke, n laa ji ifa, amaa wee ki li jɔɔ lipoobil daandaan nan nin iyoo biɛn, hali ni ye n kpo le bee n fo ke ni, n che Masiya a yinl nkan ndom n gbanann nin.

Hiibru Yaab 9:12

Waa nan ŋmag iŋɔɔb nin nnaabum a cham le ki kɔɔ nin yaan ni; amaa nba bu le u nan kɔɔ kasi mu a kasi a bolin ki ta u tɔɔl a cham ki mann kumanug kan ye nkpenim a manug kan kaa jɔɔ diɛm Uwonbɔr ban ki sei ti.

1 Piita 1:18

Nan bu-n ni nyi ke naa ye tiwann tan boon ke tikurninann bee salima le Uwonbɔr nan ta mann nkpenim a manug ki fee ni ki nyan nbinben man kaa jɔɔ bu wee ni yaajam nan ta sei ni-n ni,

1 Piita 2:9

Amaa nim ye bininfob gannkaab le, ki ye bininfob ban ye ibɔrniin a minmanib, ki ye kasi a bol, ki ye Uwonbɔr yaab, ke ni pag Uma wan yin ni ki nyan ni libunbɔnlin ki ta ni ŋa ligaril a wonweem n-yaan nin.

2 Piita 2:1

Amaa tibɔkar a linlem mu nan be bininfob nmɔn ban, ke ban wɔɔnn tibɔkar kaah na li be ni mu ban man nin. Bi na li woon ki ta nan kaa ye ibamɔn ki wɔɔn ni, hali ki yii Uyudaan wan jɔɔ npɔɔn biɛn wee ki nan daa bin, ki ban nbiin man yin dan weem ki jaar biba bu.

Tibɔkpiirkaan 5:9

Le bi gaah ilan pɔɔn ki ke, “Fin le kpaan nin a yuur kugbɔŋ nmɔn ki loor ndaagimin, nan bu-n fin le bi nan kɔr, le a ta a cham ki da bininfob ki sei Uwonbɔr ki nyan imaal biɛn nin ileen biɛn, nin bininfob biɛn nin ibol biɛn ni.