1 Korenti 6:10 - UWONBƆR A GBƆNPƆŊ LIKƆƆNL

¹⁰ bee binaayigib, bee kujaŋuuŋ, bee bidanyub bee bitingbiib, bee ban ji tab dulim bi niɛ nan biɛn kaa na yin kɔɔ Uwonbɔr a naamin ni.

Uwumbɔr aagbaŋ

¹⁰ ni binaayukb, ni binimandam, ni bidagbiirb, ni ŋisiibildam, ni binib bi ji biken pempem na, aan kan Uwumbɔr aanaan.

1 Korenti 6:10 ပူးပေါင်းရင်းမြစ်များ

Matiu 21:19

Le u kan bikinkam kaah si nsan gbaan, le u jon bi ban, amaa kaa kan niba see tifasɔnn a binba. Le u bei kisiigin ke, “Naah nyan dinan ki chaa, ŋaa ji li lo iloon ni.” Libol nmɔn le kisiigin koor.

Matiu 23:13

“Woo nim ban wɔɔnn nsiimin nin Farasii yaab, bilinlarib nan! Ni loon paab a naam a timansanmɔnn ke bininfobin laa kɔɔ. Ni baantɔɔl kaa kɔɔ, kaa ji che ban ban bin kɔɔ-n kɔɔ.

Matiu 23:33

“Nim iwaalab nan! Nim iwaalab a buwaab nan! Ni yin ŋa nii wee ki ŋmar nŋmi-n a kɔɔm maa?

Jɔnn 12:6

Naa ye u baga le nan be bilanjiim bu le u nan len man ni, amaa u nan ye unaayig le; nan bu-n waah nan gu ilig a pɔgilin, u nan ti nyann nan be niin nin le ki jɔɔ ter u ba.

Lituln 20:32

“Daandaan nan, n jɔɔ ni ki ŋubin Uwonbɔr a nɔɔn nin U nyunyunbasanl a mɔleen yin bu, U bɔr nmɔn le li fir che ni nɔɔ nbamɔm, ki li fir sei nim ban biɛn wee u ŋa ni u kasi a ninfobin lifaal.

1 Korenti 15:50

N nabum, n bei ni le ke, tigbanann nin ncham kaa li fir kɔɔ Uwonbɔr a naamin ni, le nan bur mu kaa li fir kɔɔ nan kaa bur a naamin ni.

1 Korenti 5:11

Amaa n sɔb ki bei ni ke ni laa jɔɔ nɔɔ nin tab nin ban yi biba ke biwonjiɛm wee ki sin chon tun iwanchɔgin toon lipiibanl bee lijabanl, bee kujaŋuuŋ bee libawomanil bee kutingbiig bee bidanyub bee ban ji bitab dulim. Ni laa lagin ki ka nin u yaadaan ki ji tijiiri.

Galantiya 5:21

nin linunchɔril, lidanyugbeel, nin lidanyugbeel a toonbir, nin ban tun man a booli. N bei ni le ke maah pii nan bei ni man nin, ban tun man nmɔn kaa na li kɔɔ Uwonbɔr a naamin ni.

Efesusi 4:28

Wan nan ti su ke, ni kpaa talar le un jiɛn nnaayigim, amaa wee ki li tun na, ki ta u tɔɔl a nɔɔi ki li ŋaan nan ŋan na, wee ki li fir kan niba ki por sei bilanjiim.

Efesusi 5:5

Ni nyi ni niɛ nan bu: Ke uninfo wan tun iwanchɔgin toon upiibanlin bee ujabanlin, bee tijaginn a toon, bee kujaŋuuŋ ke, u yaa daan ye utingban kɔɔr le, le kaa na yin kan niba Masiya nin Uwonbɔr a naamin ni.

1 Tesalonika 4:6

ni ma bu tibɔr nan yaan uba laa tun ki bii u kpiɛg bee ki ji u kpiɛg dulimi. Uyudaan li dar bininfosaalib ban biɛn tun tibir nan a booli a tul, ke taah pii chinn bei ni ki kpaan ni man nin.

1 Piita 4:15

Ni ye ni jin fala ke, nin laa ye ke uninfokur a fala a jimi bee unaayig bee wan tun titoonbir biɛn ni, bee wan tugin bininfobi.