1 Korenti 5:11 - UWONBƆR A GBƆNPƆŊ LIKƆƆNL

¹¹ Amaa n sɔb ki bei ni ke ni laa jɔɔ nɔɔ nin tab nin ban yi biba ke biwonjiɛm wee ki sin chon tun iwanchɔgin toon lipiibanl bee lijabanl, bee kujaŋuuŋ bee libawomanil bee kutingbiig bee bidanyub bee ban ji bitab dulim. Ni laa lagin ki ka nin u yaadaan ki ji tijiiri.

Uwumbɔr aagbaŋ

¹¹ Maah len pu na le ye ke unii u len ke u dii Kristo aasan na, u yaa ye udagoor, bee unimandaan, bee uwaadaan, bee ŋisiibil daan, bee udagbiir, bee unii u ji binib pempem na kan, ni ni udaan ngbaan taa kpaan. Hali ni taa ji u chee tijikaar.

1 Korenti 5:11 ပူးပေါင်းရင်းမြစ်များ

Matiu 18:17

Ni ye ke waa chee un gbir ki sei bi ke, a wɔɔn biwonjiɛm a laguŋ; ni ye ke waa ji chee un gbir ki sei biwonjiɛm a laguŋin ke, ni nin jiɛn waah wee u li be ke naah bi li be nin ban kaa ye Juu yaab man ni, bee ulanpogaarin.

Matiu 23:25

“Woo, nim ban wɔɔnn nsiim nin Farasii yaab nan, nim bilinlarib nan! Ni nir tiyiinyɔr nin nsam a bɔɔn le, amaa le ni poolin gbeen nin nnaayigim nin kujaŋuuŋ.

Tibɔnyaan ti Luk ŋmee ti na 18:11

Le Farasii nmɔn sir ki miɛ u tɔɔl a miɛm ke: ‘Uwonbɔr, n pooriŋ, maah kaa nann n tab ban ye, ban feen, ban ŋaan tibir, ban tun iwanchɔgin toon, bee ulanpogaar nan ni.

Tibɔnyaan ti Luk ŋmee ti na 21:34

Ni choom ni bau, naa ye man ke lidanyugbeel ni ipotiɛ bir li piin ni sufu bu, le ni nan ka kaa nyi le lidaal nmɔn nan piin ni bu ke kukurug pen kaagin.

Lituln 1:15

Iyaayoo nmɔn le Piita nan fii sir biwonjiɛm ban nan lagin a sisiigin, (bi na li foo bininfob kobig nin pilee paam)

Lituln 9:17

Le Ananiɛsi nan jon ki tan kɔɔ iniin nmɔn yaan, ki ta u nɔɔi ki paan Sɔɔl bu, le ki bei u ke, “N nabig Sɔɔl, n Yudaau Yisa wan degir a bu nsan n-yonn man wee a nan chaan do nan ni, u ma tunim ke n nan ligir a num wee a gbee nin Kasi a Naaŋ.”

Rom Yaab 13:13

Ni che ti binbem li ween na, a li ke ti be nweehn le-n, ki laa ye ban nyu ndaam a booli biɛn bee bidanyugbeebi, ki laa tun iwanchɔgin toon ti piibanlin bee ti jabanlin nin iwanjaab toon a boolin yi, ki laa jɔɔ imɔkpel nin lipiiponli.

Rom Yaab 16:17

N nabum, n balin ni le, ni li dibir bininfob ban jɔɔ nbɔgirim chaan ki nan legin ni samin wee naa chee sei nwɔɔm man wee ni tinn nin. Ni li lɔg ba.

1 Korenti 10:14

Man bu n jɔtiib, ni nyan ni ba libawol manilin na.

1 Korenti 11:21

naah be ji n-yonn man ni, ni ji mɔnn tab le, uba kaa guu u kpiɛgi. Uba mɔɔr nkom le, le uba mu nyun ki gbee.

1 Korenti 5:13

Uwonbɔr le yin ji ban kaa ye biwonjiɛmin tibɔr. “Ni ŋɔɔr bipootondamin ni ban na.”

1 Korenti 6:10

bee binaayigib, bee kujaŋuuŋ, bee bidanyub bee bitingbiib, bee ban ji tab dulim bi niɛ nan biɛn kaa na yin kɔɔ Uwonbɔr a naamin ni.

1 Korenti 6:6

Le ni tug tab ki chaa bibɔjib ban, hali nin ban kaa ye biwonjiɛmin, le bi ji ni bɔr!

1 Korenti 6:9

Naa nyi ke bipootondam kaa na li kɔɔ Uwonbɔr a naamin naa? Ni laa lar niba: Bininfob ban tun iwanchɔgin toon lipiibanl bee lijabanl bee bibawomanib, bee iwanchɔgin toon bee bijab ban chon tun iwanjaab toon bee bijab ban taar bijatab ki kpann bipiibin,

1 Korenti 7:12

Nim ban gurin mu le n bei nan, (Min le ke, naa ye Uyudaan ni): Ni ye ni ni uba kɔɔn upii wan kaa ye uwonjiɛn ni, wee ki fir be nin u chal ke, u la yii wi.

1 Korenti 7:15

Amaa ni ye wan kaa ye uwonjiɛn ban un yii u chal bee u poo ke ni che u li chaau. Naa ye limugil le ke u li be nin wan kaa ye uwonjiɛn nmɔn ni.

1 Korenti 8:11

A biɛm nmɔn bu le che a na big wan a yada kaa pɔɔ-n, wee Masiya nan kpo u bu-n ngab yɔli.

Galantiya 2:12

Bininfob ban nan nyan Jemisi ban ki dan nin kaah kaa la nan foon nin, u nan lagin ki ji tijiir nin ban kaa ye Juu yaabin le. Amaa bijab nmɔn kaah nan nan foon n-yonn man nin, le u jir bɔɔn ki yiɛr kaa ji lagin ji tijiir nin ban kaa ye Juu yaabin ban ni, nan bu-n u nan san bijab ban nan nyan bipunjiib a paabim ki dan nin le.

Efesusi 5:18

Ni laa nyu ndaam ki gbee, ke lidanyulin le nwanchɔgin binben nya, amaa wee ki che Uwonbɔr a Kasi a Naaŋin gbeen ni.

Efesusi 5:5

Ni nyi ni niɛ nan bu: Ke uninfo wan tun iwanchɔgin toon upiibanlin bee ujabanlin, bee tijaginn a toon, bee kujaŋuuŋ ke, u yaa daan ye utingban kɔɔr le, le kaa na yin kan niba Masiya nin Uwonbɔr a naamin ni.

Kolosiya 3:5

Mambu ni ku nan ye dulinya nan a binbem man be nin ni na: Nan ye iwanchɔgin toon, nin ni piibanlin bee ni jabanlin, nin tijaginn a toon, nin nmɔsanyunsɔɔm, nin titoonbir nin kujaŋuuŋ ni ma ye libawol manil.

2 Tesalonika 3:14

Ni ye uba kaa chee ti wɔɔnim man be kugbɔŋ nan yaan nan ke, ni li mann nyi u bu ki laa che ni baga be u ni, wee ifa n choo u.

2 Tesalonika 3:6

Uyudaan Yisa Masiya a yinl bu, le ti bei ni ke, n nabum, ni nyan ni num ki sin jiɛn n nabum man biɛn san ligbanyagil kaa be taah wɔɔn bi ke bi li be man nni.

1 Timoti 3:3

ki laa ye udanyugbeer, ki laa ye ukɔnban ni, amaa ki li ye wan be soon, ki laa ye umɔkpefari bee ulig ban ni.

1 Timoti 6:5

ki far limɔkpel nin bininfob ban tiɛr tipotiɛbir bi sufu-n nin, bi lann bibamɔn le ki nyi ke liwonjiɛnl ye njɔɔm a wan le.

2 Jɔnn 1:10

Ni ye uba dan a ban wee kaa ŋmag Yisa a wɔɔmin ke, laa che un kɔɔ a niin bee a poor wi.

Tibɔkpiirkaan 2:14

Ni biɛn yɔli, n jɔɔ tiwann wama nan che n galin ni: Ni jɔɔ bininfob biba be ni ban ki ŋmag Balaam a wɔɔmin, wan nan tinn Balag waah li ŋa man wee Iziral yaab n tun tibir ki ŋman tibawonann, ki li tun iwanchɔgin toon.

Tibɔkpiirkaan 2:20

Ni biɛn yɔli, Nan wee n jɔɔ ki galin ni sɔ: Ni cheel tenn upii wan wee bi yi u ke Jezebiɛl, wee u yi uba ke ulinlenn nin. Upii nmɔn a wɔɔm che n toontum kɔɔ iwanchɔgin toon nin lipiibanlin nin lijabanlin nin tibawojiir a jimin.

Tibɔkpiirkaan 21:8

Amaa ban kaa jɔɔ lipoobil, nin ban kaa jɔɔ yada, nin bipootondam, nin bininfokub, nin ban tun iwanchɔgin toon lipiibanl nin lijabanl, nin ban ye binyɔgdam, nin bibawomanib, nin tibɔkardam biɛn na yin be lichibil a ŋmiim a mɔgilin yaan. Ni niɛ le ye nkum man kpiɛ milee.”

Tibɔkpiirkaan 22:15

Ban kaa na yin be kitiŋ nmɔn a poolin ye: Ibɔ, nin ban tun inyɔg a toon, nin ban tun iwanchɔgin toon lipiibanl nin lijabanl, nin bininfokub, nin bibawomanib, nin ban jiɛ ki sin tun tibɔkar a toon.