1 Korenti 4:6 - UWONBƆR A GBƆNPƆŊ LIKƆƆNL

⁶ Daandaan nan, n nabum, nim a nyɔɔr bu le n bigin ni niɛ ki sei min nin Apolosi, ke ni tinn ti ban n wɔɔm man ke, “Ni la tun ki lagir nan sɔb Uwonbɔr a gbɔŋin nin bu” wee nin che ni laa jɔɔ kalanbaani uba bu ki jon u kpiɛgi.

Uwumbɔr aagbaŋ

⁶ Nnaabitiib, maah len pu na, m len ŋaŋ m ni Apolos aabɔr, ke m ter nimi la. M ban ke ni dii Uwumbɔr Aagbaŋ aah len pu na. Ni taa li kpa kipupuk ubaa pu ki lik uken fam.

1 Korenti 4:6 ပူးပေါင်းရင်းမြစ်များ

Lituln 18:24

Juu a jau uba le nan be, le u yinl ye Apolosi, amaa bi nan ma u Alɛgzandira le, le u nan dan Efesusi. U nan ye ubiɛndaan le, ki nyi Uwonbɔr a gbɔŋ nbamɔm.

Lituln 19:1

Apolosi kaah la na be Korenti nan, le Pɔɔl nan nyan niin ki nɔɔ kisanbig ki jon Efesusi. Nin yaan le u kan biwonjiɛm biba,

Rom Yaab 12:3

Uwonbɔr kaah sam kunyunyunbaag kan nin bu le n bei ni biɛn nan ke: Uba laa tiɛr ke u ye lininfo gbingbemil ki jon waah be man nni, amaa che uninfo biɛn li tiɛr ibamɔn a bɔjil ki tenn u bau, ke yada kan wee Uwonbɔr ta sei win kaah kpaa man nin.

1 Korenti 1:12

Nan wee n pag nmɔn ye nan le: Ni ni uba ke “Min nɔɔ Pɔɔl le”, le uba mu ke “Min nɔɔ Apolosi le”; le uba mu ji ke “Min nɔɔ Piita le”; le utɔ mu ke “Min nɔɔ Masiya le.”

1 Korenti 1:19

Ni sɔb Uwonbɔr a gbɔŋin ke, “N li bii bilandam a lam ki che bibiɛndam a biɛm npaar yɔli.”

1 Korenti 1:31

Ke naah sɔb Uwonbɔr a gbɔŋin man ni, ke, “Wan far u gbingbanl ke, u li far u gbingbanl Uyudaan kaah tun nan nin bu.”

1 Korenti 13:4

Njiɛm ye limɔril le, tininforin le ye njiɛm, maa ye lipiiponli, maa ye ligbingbanl faali, maa ye kalanbaani.

1 Korenti 3:19

Dulinya nan yaab a lam ye ijɔrig le Uwonbɔr ban. Ke naah sɔb Uwonbɔr a gbɔŋin ke, “Uwonbɔr ta bilandam a lam le ki pen choo bi;”

1 Korenti 3:21

Ni bu uba la far u gbingbanl uninfosaal bu! Niwann biɛn ye ni yaal le,

1 Korenti 5:2

Le ni jɔɔ kalanbaani! Naa bi ye ni li mɔr le ki sin nyan uja wan tun iwanjaab toon nmɔn ni gbanann nin naa?

1 Korenti 5:6

Naa ŋan nin ni li far ligbingbanli, naa nyi ke boroboro a nyɔgim wama le che boroboro yom fugir ki do nnaa?

1 Korenti 8:1

Ki jiin tibawojiir paam: Ti nyi ke ti biɛn jɔɔ nbiɛm. Nbiɛm mu che uninfo far ligbingbanl le, amaa njiɛm ma pɔɔgir uninfo le.

1 Korenti 9:23

Tibɔŋann nbu le n tun ni niɛ nan biɛn, ke n nan ji ni nyɔɔr.

2 Korenti 10:12

Taa ban ti ta tiba ki bigin nin ban donn biba. Ni ye bi bigin biba ki jɔɔ biba ki wɔɔn tab ke, baa jɔɔ nlami.

2 Korenti 10:15

Taa far ligbingbanl ki lagir bininfob biba a toon bu. Ti jɔɔ tama ke, ni yada kaah yabirig chaa-n, ti toon kaah ye nan ni sisiigin li yabig takpem,

2 Korenti 10:7

Nim lig nan wee uninfo fir ga nin u numbim a binba nle. Ni ye uba jɔɔ tidindann ke u ye Masiya yaau ke, u li nyi ke ti mu ye Masiya yaab le, ke waah ye man ni.

2 Korenti 11:4

Ni ye uba dan ni ban ki nan bei ni Yisa uba a bɔr wee naa ye Yisa wan a bɔr wee ti nan pagin ke, bee kinaaŋ kan kaa ye Kasi a Naaŋ nke, bee tibɔr tan kaa ye Yisa a bɔŋanni ke, ti ma le ni gaan nbamɔm weem.

2 Korenti 12:19

Ni tiɛr ke ti degin tiba le ni ban naa? Ti be Uwonbɔr a nintogil le ki pag ke ban be Masiya-n ni; n jɔtiib, nan biɛn wee ti tun ni, ni ye nan li sei ni ngbananpɔɔn le.

2 Korenti 12:20

N lam yugir nin n dan wee kaa na yin kan ni maah ban ni li be man nni, wee ni mu kaa yin kam naah ban n li be man ni. N san bijawaam le nba ke limɔkpel na li be, bee lipiiponl, bee lijagaal, bee nbɔgirim bee kutingbiig, bee libɔɔnsul bee kalanbaani chɔgiŋ, nin kuŋmaruŋ.

2 Korenti 12:6

Hali ni ye n gann ki ke n fa ligbingbanl ke, maa li ŋa kujɔrugi, nan bu-n n yin pag ibamɔn le. Amaa maa yin fa ligbingbanli, wee nin che uba npagim ki jo npagim man kpaan nim mi ki jiin maah tun man bee maah pag nan ni.

2 Korenti 4:15

Ni niɛ nan biɛn ye tinyɔɔr le ki sei ni, wee Uwonbɔr a nyunyunbasanl n foo bininfob takpem, wee bin sei Uwonbɔr kunɔɔpoog takpem nin kupag.

Kolosiya 2:18

Ni laa che uba n ta tibɔkar a jiininba nin malakam a jiɛnim ki lar ni wee ni lann ni yɔri. U yaa daan nɔɔ waah ga nan biɛn tininforin nin le, naa ye kinaaŋin ni, u donn uba u potiɛlin le naa jɔɔ bu.

1 Tesalonika 1:5

nan bu-n tibɔŋann tan foon ni ban nin, kaa nan ye imɔleen a binba, amaa ti nan jɔɔ npɔɔn le nin Kasi a Naaŋ. Le ban nan mɔɔn ti-n chee ti nin yada. Taah nan be ni ban nin, ni nan nyi ti binbem kaah ye man nim bu.

2 Timoti 2:10

Mambu le n pɔɔn nba niwann biɛn nin Uwonbɔr a ninfob gannkaab nbu, ke bi mu n kan nŋmarim man be Masiya nin, nin jilima kan kaa jɔɔ ndiɛmin.