1 Korenti 4:5 - UWONBƆR A GBƆNPƆŊ LIKƆƆNL

⁵ Ni bu ni laa ji uba tibɔr daandaan nan wee n-yonn kaa la foo, ni li guu n-yonn man wee Uyudaan na li foon. U ma na li nyan nan be libunbɔnlin nween ni, ki kpiir tibir tan be uninfo a sufu-n npaan ni, iyaayoo bininfob biɛn na li kan bi pɔg Uwonbɔr ban.

Uwumbɔr aagbaŋ

⁵ Nima pu na, ni yaa kaa kee ŋeer kan, ni taa ji unii ubaa tibɔr, see Tidindaan nan gir ni. Uma le ga kpiir tiwan ni bɔɔ mbɔmbɔɔn ni na, ki kpiir unibɔn mɔmɔk aalandak. Liyaadaal ngbaan kan, Uwumbɔr ga pak binibamɔm mɔmɔk.

1 Korenti 4:5 ပူးပေါင်းရင်းမြစ်များ

Matiu 10:26

“Mambu ni laa san bi bijawaami. Niba li kaa be ki pii wee kaa na li piiri, bee ki woo wee kaa na li nya npaan nin ni.

Matiu 24:30

“N-yonn nmɔn, bi na li kan Uninfosaal a Big a siɛra kitilangbɔŋin, le kutingbɔŋ nan biɛn na li fabin, ki kan Uninfosaal a Big kaah be kitilangbɔŋin ki chaan nin npɔɔn nin kupag takpem.

Matiu 24:46

Ni ye u ninkpelu nan kunn ki miin u tun man ke, npopeen yin ye utoontunn nmɔn yaal le.

Matiu 25:21

“Le u yudaau nmɔn jiin bei u ke, ‘N faan, a ye utoontunn ŋan le! Ki ji tun nbamɔm, ŋaah ŋmag wama nan nbamɔm nan, mambu, n yin ta tiwann takpem a ninkper le ki ŋa a nɔɔn. Npopeen man wee n jɔɔ nan, ni ye min nin fin yaal le.’

Matiu 25:23

“Le u yudaau jiin bei u ke, ‘Nfaan, a ye utoontunn ŋan le! Ki ji tun nbamɔm, ŋaah ŋmag wama nan nbamɔm nan, mambu n yin ta tiwann takpem le ki ŋa a nɔɔn. Npopeen man wee n jɔɔ nan, ni ye min nin fin yaal le.’

Tibɔnyaan ti Luk ŋmee ti na 6:37

“Ni laa ji bininfob tibɔr wee bi nan laa ji ni tibɔri. Ni laa bii bininfobi wee bi mu laa nan bii ni. Jiɛn per bininfoba wee bi mu nan jiɛn per ni.

Jɔnn 21:22

Le Yisa jiin u ke, “Ni ye n ban u li be nin u miɛfol ki nan kpaa n-yonn man wee n li jirin ke, ni ye ba ki sei ŋaa? Ni kpaa le nin a nɔɔm.”

Jɔnn 21:23

Ni niɛ nan bu, le tibɔr nan mɔɔn u bɔɔnɔɔbin a sisiigin ke ubɔɔnɔɔr uniɛ ma kaa yin kpo. Amaa Yisa kaa ke waa yin kpo; u len le ke, “Ni ye n ban u li be nin u miɛfol ki nan kpaa lidaal lan wee n na li jirin ke, ni ye ba ki sei ŋaa?”

Jɔnn 5:44

Ni ye ke ni ban tab a pagim ke, ni yin ŋa niin ki ŋa yadaa, wee kaa sin pɔɔg ni ba ke ni kan kupag kan nyan Uwonbɔr uba-n ban naa?

Rom Yaab 14:4

A ye ŋma wee ki li fir galin uba a toontunnu waa? U tɔɔl a yudaau ban le u sisiim bee u lum yin nya. U li sir, Uyudaan li fir che un sir.

Rom Yaab 2:1

Mambu, fin, wan jin a kpiɛ tibɔr nan, ŋaa jɔɔ nsan man wee a li nɔɔ ki ke ŋaa nyi, ni ma bu ŋaah nɔɔ nsan man bu wee ki jin a kpiɛg tibɔrin, a tɔɔl jɔɔ igalin, nan bu-n fin wan jin a kpiɛg tibɔrin tɔɔl tun man le.

Rom Yaab 2:16

Ni niɛ nan na yin tun lidaal lan wee Uwonbɔr na yin ji bininfob a bɔwoonkaar Yisa Masiya bu, ke n bɔŋann nin kaah wɔɔn man nin.

Rom Yaab 2:29

Aai wan ye Juu a ninfou ke u ye Juu a ninfou u sufu ni le, le lipunjiil bamɔnl mu be sufu ni le, ki ye kinaaŋin, naa ye nan sɔb dɔ kugbɔŋin nin a binba, u yaa daan gaa u pag Uwonbɔr ban le naa ye uninfo ban ni.

Rom Yaab 2:7

Le ban si iyoo biɛn ki tun itoon ŋan ki ban kupag nin jilima a binbem nin limiɛfol lan kaa kpegin, U li sei bi limiɛfol lan kaa jɔɔ ndiɛmin.

1 Korenti 1:7

Ni bu naa lann Uwonbɔr a Naaŋ a piini ke naah ŋa sili ki guu ti Yudaau Yisa Masiya a jirimin.

1 Korenti 11:16

Amaa ni ye uba ban un fa limɔkpel ki jiin tibɔr nan bu ke, tim nin tiwonjiɛn tab kaa jɔɔ nan wee ti li tun ki kpiɛ ni niɛ bu.

1 Korenti 11:26

Iyoo yan biɛn wee ni ŋman boroboro nan wee ki nyun kiyiinyɔɔg nan yaan ke, ni mɔɔn Uyudaan a kumin le nin waah na li jirin.

1 Korenti 15:23

Uninfo biɛn nin u kum a fii yoo, Masiya le chinn fii, le ban ye u ninfob mu na li fii u jirin daal.

1 Korenti 3:13

u toonl nmɔn li wɔɔn liba la ye lan, nan bu-n Yisa a jirin daal nŋmi li na yin kpiir li ki mag uninfo biɛn a toonl ki lig li ŋam kaah ye man.

1 Korenti 3:14

Ni ye nŋmi kaa gaa waah maa nan nin ke u li kan u yɔr.

1 Korenti 3:8

Wan bun nin wan wur nnyum ye nba le, bi biɛn yin gaa tiyɔr bi toon kaah ye man le.

2 Korenti 10:18

Naa ye uninfo wan pagir uba le bi num gbee, amaa see wan wee Uyudaan a num gbeen.

2 Korenti 10:9

Maa ban n li sɔb n gbann nan ki yugin ni lami.

2 Korenti 4:2

Amaa ti yii tibɔwoonkaar nin ifa a tooi le, taa lar uba, bee ki bii Uwonbɔr a bɔri. Amaa ibamɔn a wɔɔm a poolin le ti ta tiba ki wɔɔn uninfo biɛn a potiɛl kaah wɔɔn u ke un nɔɔ man wee nin gbee Uwonbɔr a num.

2 Korenti 5:10

Nan bu-n ti biɛn na li sir Masiya a nintogil tibɔr a ji daal; uninfo biɛn na li gaa u yɔr u toon kaah nan ye man waah nan be tigbanann nan yaan ni, naah ŋan naa, naa kaa ŋan naa u yɔr le yen.

1 Tesalonika 5:2

nan bu-n ni nyi nbamɔm ke Uyudaan a dan daal na yin be le ke unaayig kaah chaan kunyiɛg man nin.

Hiibru Yaab 4:13

Uwonbɔr kaah naan nan biɛn niba kaa be wee ki woo wee waa ga ni. Niba kaa degi, niwann biɛn dɔ npaan ni le Uwonbɔr a numin, wan wee ti biɛn na yin kpiir ta tun nan ki wɔɔni.

Jemisi 4:11

N nabum, ni laa jɔɔ kutingbiig nin tabi. Wan pag tibɔbir ki sei u nabig bee ki jin u tibɔr ke, u pag galin nsiimin le, ki jin nsiim nmɔn tibɔra. Ni ye a jin nsiim tibɔr ke, ŋaa ŋmag mi le nmɔn, a ye wan jin nsiim nmɔn le tibɔr.

Jemisi 5:7

Mambu n nabum, ni mɔra, hali ki nan kpaa ti Yudaau a jirim. Ni lig ukpaar kaah jɔɔ limɔril man ki guu u kpaab kaah na li ŋa tijiir, naah yuur unalantaal a yonn ki nan kpaa utakotaal a yoo.

Jemisi 5:9

Ni laa ŋulin nin tabi, n nabum, ni ye man ke bi na li ji ni tibɔr. Ubɔjirin si ntimɔsan!

1 Piita 1:7

I niɛ nan dan le, ke ni yada kan ŋan jon salima kan burin, hali nŋmi kaah le mann salima kan li fir bii-n gbaa, yada nmɔn li wɔɔn ke ni ye ibamɔn le, ki ta kupag nin jilima dan ni joorimin, ni ye Yisa Masiya nan kpiirin ke.

1 Piita 5:4

Wee upeekpaabɔr nan degirin ke, a kan kupag a yuchigirig kan kaa wiirin.

2 Piita 3:12

a li ke naah lig Uwonbɔr a daal wee ki ban ke li pii bi foon nin. Lidaal nmɔn le nŋmi na yin gaa ki bii papaab, le nŋmi nmɔn a tuntom na li che tiwann tan be paab ndenn.

2 Piita 3:4

Bi na li len ke, “Waah nan siin limɔsiinl ke u li dan nin, u dam nmɔn be laa? Hali ti baam a kum a bɔɔn ki nan kpaa daandaan nan, niwann biɛn le la be le ke dulinya a naan yonn nin.”

Juud 1:14

Enog wan ye Adam a yaabisagira bilile nan, nan pag ilinlen leen ki jiin bininfob nan paama: “Lig, Uyudaan nin U kasidam tuturil a turil le chaan nin,

Tibɔkpiirkaan 1:7

Lig, u be titalangbann nin ki chaan, le nnumbim biɛn na li kan u; hali nin ban nan ŋu win li kan u; le dulinya yaab biɛn na li mɔɔ u bu. Ni sin li ŋa man! Ibamɔn.

Tibɔkpiirkaan 20:12

Le n kan bitakpiib, ban gbee bitakpiib nin ban kaa gbee bitakpiib kaah si kunaangbɔŋin a nintogil, le tigbann kpaar. Le kugbɔŋ kuba mu ji kpaar, ki ma ye limiɛfol a gbɔŋ. Le bi jin bi tibɔr baah tun nan wee Uwonbɔr sɔb ŋa tigbann nmɔn yaan nin.