1 Korenti 4:2 - UWONBƆR A GBƆNPƆŊ LIKƆƆNL

² Daandaan nan ni kpaa talar le ke ban wee bi ŋa bi yada-n n tun bi toon nbamɔm.

Uwumbɔr aagbaŋ

² Bi yaa di tiwan ŋa unii aaŋaal ni kan, ni ŋan ke u ŋa ni mbamɔm.

1 Korenti 4:2 ပူးပေါင်းရင်းမြစ်များ

Matiu 25:21

“Le u yudaau nmɔn jiin bei u ke, ‘N faan, a ye utoontunn ŋan le! Ki ji tun nbamɔm, ŋaah ŋmag wama nan nbamɔm nan, mambu, n yin ta tiwann takpem a ninkper le ki ŋa a nɔɔn. Npopeen man wee n jɔɔ nan, ni ye min nin fin yaal le.’

Matiu 25:23

“Le u yudaau jiin bei u ke, ‘Nfaan, a ye utoontunn ŋan le! Ki ji tun nbamɔm, ŋaah ŋmag wama nan nbamɔm nan, mambu n yin ta tiwann takpem le ki ŋa a nɔɔn. Npopeen man wee n jɔɔ nan, ni ye min nin fin yaal le.’

Tibɔnyaan ti Luk ŋmee ti na 12:42

Le Uyudaan jiin ke, “Utoontunn u la baa jɔɔ nlam ki tun ke u baa kaah ke u tum man naa? U ma ye wan wee u baa yin che u ŋa bitoontum nmɔn a ninkpelu, wee ki li lig u toontum ban biɛn be u niin nmɔn, ki li tenn bi tijiir n-yonn man kpaan nin bin ji.

1 Korenti 4:1

Man bu ni ŋan bininfob li nyi ke ti ye Masiya a toontum le, Uwonbɔr ta U bɔwoonkaar ki ŋa ti nɔɔn ke ti ta pag ki bei bininfob.

1 Korenti 4:17

Mambu le n tun Timoti, n bija wan wee n ban wee u si ibamɔn Uyudaan a samin ni. U li tiɛr ni maah jɔɔ nbinben man Masiya-n wee ni nɔɔ nan wee n wɔɔn nan yaan biɛn wee n be nin ni tiwonjiɛndirin.

1 Korenti 4:3

N baga kaa be naah ji n bɔr man bee dulinya a ninfob kaah ji n bɔr man ni, maa ji n ba a bɔr gbaa.

1 Korenti 7:25

Daandaan nan, nim ban kaa la nyi bipiib nin ban kaa la nyi bijab nan man, Uyudaan kaa seim nsan ke n bei ni niba, amaa Uyudaan a nyunyunbasanl bu le n ji ni bɔr ke uninfobamɔn nin.

2 Korenti 2:17

Taa ye bininfob takpem ban ŋmag Uwonbɔr a bɔr nmɔn wee ti ye kpoŋkpoŋ ki sei bin ni, amaa Uwonbɔr kaah tun ti n bu le ti jɔɔ ibamɔn a pipagir ki be u nintogil ki pag Yisa a pɔɔm bu.

2 Korenti 4:2

Amaa ti yii tibɔwoonkaar nin ifa a tooi le, taa lar uba, bee ki bii Uwonbɔr a bɔri. Amaa ibamɔn a wɔɔm a poolin le ti ta tiba ki wɔɔn uninfo biɛn a potiɛl kaah wɔɔn u ke un nɔɔ man wee nin gbee Uwonbɔr a num.

Kolosiya 1:7

Ni nan tinn Uwonbɔr a nyunyunbasanl nmɔn ti toontunn kpiɛg Epafarasi wan wee ti ban win ban le, wan sir ti taalin ki ye Yisa a toontunnu wan si bogil liba-n,

Kolosiya 4:17

Ni bei Achipusi ke “Pɔɔn a ba ki diɛ litoonl lan wee Uyudaan nan ta seiŋ ke a tun nin na.”

Kolosiya 4:7

Tachikusi li bei ni n bɔr biɛn, u ye ki na big jiɛkaag le wan si bogil liba u toon yin ki ye ti toontunn kpiɛg Uyudaan a toon yin,