1 Korenti 4:19 - UWONBƆR A GBƆNPƆŊ LIKƆƆNL

¹⁹ Ni ye Uyudaan chee ke, n li gɔnn ni daandaan nan, naa ye kalanbaanidam nan a pipagir a binba bu le n na yin ligi, amaa n ban n kan npɔɔn man wee bi jɔɔ le.

Uwumbɔr aagbaŋ

¹⁹ Tidindaan yaa kii kan, m ga dan ni chee dandana wee, ki nan bee binib bi kpa kalmbaani na aabimbin. Maan lik baaliin. M ga lik ke Uwumbɔr aapɔɔn bi bi chee aan mu aa bi.

1 Korenti 4:19 ပူးပေါင်းရင်းမြစ်များ

Lituln 18:21

Amaa waah nan chabir bi n-yonn man nin, le u bei bi ke, “Ni ye Uwonbɔr chee ke n ji li jirin ni ban.” Le ki kɔɔ kuŋaluŋ ki nyan Efesusi.

Lituln 19:21

Ni niɛ nan biɛn kaah tun jon a bɔɔn, le Pɔɔl lol ke un nɔɔ Masedoniya nin Akaya ki jo Jerusalam. Waah nan be niin nmɔn a bɔɔn bu, le Pɔɔl bei u ba ke, “See ke n gɔnn Rom mu.”

Lituln 20:2

U nan chonn ntim man be niin nmɔn le, ki wɔɔn biwonjiɛm ban be niin nmɔn Uwonbɔr a bɔr takpem, ki pɔɔg bi sufu, ni joorimin le u tan foo Giresi,

Rom Yaab 15:32

wee Uwonbɔr a bam bu n fir dan ni ban nin nmɔn wee min nin nim n mann pɔŋ.

1 Korenti 11:34

Ni ye nkom jɔɔ wan ke un chinn ji u niin na, wee ni lagin tab ke nin laa ta tibɔr a jim foon ni. Tibɔr tan gurin, n nan dan ke n li wɔɔn ni.

1 Korenti 14:5

N bi ban ni biɛn li pag ileen pɔɔn, amaa n jann ban ni pag ilinlen leen le. Wan pag ilinlen leen jon wan pag ileen pɔɔn na, see u kar wɔɔn le nin ter biwonjiɛm.

1 Korenti 16:5

Ni ye n jon Masedoniya ke, ni bɔɔn bu n li dan ni ban n yin nɔɔ Masedoniya paam le.

1 Korenti 16:7

Maa ban n dan nan kan ni daandaan nan wee ni li ye paab a gɔnni yi, n jɔɔ tama nin n nan ji isaŋ ni ban ni ye Uyudaan chee ke.

1 Korenti 2:6

Ti pag nlam a bɔr ki tenn binunwondam ban chegir Uwonbɔr a samin nin le, amaa naa ye dulinya nan a lam man wee bi jɔɔ wɔɔn nni bee dulinya nan a bɔrtiib ban kaa na yin jɔɔ tinyɔɔr kaah ŋmag nlam man n ni.

1 Korenti 4:18

Ni ni biba tiɛr ke maa yin dan nan gɔnn ni, ni ma bu le bi jɔɔ kalanbaani.

1 Korenti 4:6

Daandaan nan, n nabum, nim a nyɔɔr bu le n bigin ni niɛ ki sei min nin Apolosi, ke ni tinn ti ban n wɔɔm man ke, “Ni la tun ki lagir nan sɔb Uwonbɔr a gbɔŋin nin bu” wee nin che ni laa jɔɔ kalanbaani uba bu ki jon u kpiɛgi.

2 Korenti 1:23

Uwonbɔr le ye n siɛradaan ke nin nan ŋan nin n ŋmiɛ ni maah kaa ji nan jirin Korenti a tiŋin ni.

2 Korenti 10:9

Maa ban n li sɔb n gbann nan ki yugin ni lami.

Hiibru Yaab 6:3

Ni ye Uwonbɔr chee ke, ti li ŋa man.

Jemisi 4:15

Amaa naah ye ni pag man ye nan le, “Ni ye Uyudaan a bam ke, ti li be ki tun ni niɛ bee ni niɛ.”