1 Korenti 4:12 - UWONBƆR A GBƆNPƆŊ LIKƆƆNL

¹² Ti nɔɔi le ti jɔɔ tun itoon nin inunman. Bi poo imɔɔŋ ŋa ti ke, ti mu kaab ikaab ŋan le ki tenn bi, bi mugir ti le amaa le ti mu chee sei bi.

Uwumbɔr aagbaŋ

¹² Ti tun lituln linimaln, ki joo timi aaŋaal imina le ki tun. Binib seei timi la, le ti bui bi ke, “Uwumbɔr ŋa tinyoor ŋa ni pu.” Bi ŋani timi falaa la, le ti ji limɔr.

1 Korenti 4:12 ပူးပေါင်းရင်းမြစ်များ

Matiu 5:11

“Tikaar be nim ban wee bininfob sugir, ki mugir, ki por tibɔkar tan bir biɛn ki tenn ni-n bu.

Matiu 5:44

Amaa n bei ni le, ni li jiɛ ni dataama, ki li miɛ Nween ki tenn ban mugir ni nan na,

Tibɔnyaan ti Luk ŋmee ti na 23:34

Le Yisa ke, “N Baa, jiɛn bi bir ki per ba, nan bu-n baa nyi baah tun nan ni.” Le bi nan tɔn inaa ki por u wan yɔɔr.

Tibɔnyaan ti Luk ŋmee ti na 6:28

Kaab ti kaar ki ŋa ban poog imɔɔŋ ki jaar ni bu nan ki li miɛ Uwonbɔr ki tenn ban bii ni.

Jɔnn 15:20

Ni li tiɛr imɔbon yan wee n nan pag ki sei nin na: ‘Utoontunn kaa yab jon u daau wi.’ Ni ye bi nan mugirim ke, bi li mugir ni mu. Ni ye bi chee sei n wɔɔm ke, bi li chee sei ni mu a wɔɔm.

Lituln 18:3

u mu kaah nan ye ugbanjab ke baah pii ti tun man nin, mambu le che u nan paar bi ban ki tun nin bi.

Lituln 20:34

Ni tɔɔl nyi ke min tɔɔl a nɔɔi le n jɔɔ tun, ki lig nba nin n ninɔɔtab.

Lituln 7:60

Le ki gbaan le ki yin nkukɔpɔɔn ke, “Uyudaan, jiɛn bi bir ki per ba.” U len man le ki sin kpo.

Rom Yaab 12:14

Ni li kaab tikaar jaar ban mugir ni buu; ni li kaaba ki laa poog imɔɔŋ ki ŋaan bi.

Rom Yaab 12:20

Amaa: “Ni ye nkom jɔɔ a dataag ke, a jim mu; ni ye nnyunyum jɔɔ u ke, a sei mu nnyum wee un nyu. Ni ye a tun ni niɛ nan ke, a yin jin u ifa le.”

Rom Yaab 8:35

Ŋma li fir bɔgir ti nyan Masiya a jiɛm nan yaan naa? Tibɔmugkaar bee nton bee limugil bee nkom bee nnan bee kidaŋ bee bitɔb a jugaa?

1 Korenti 9:6

Bee ni ye min nin Banabasi a binba le ye ti tun ki jin tibaa?

2 Korenti 11:8

Ni nann ke n nan su biwonjiɛm a laginn biba le ki gaan literil bi ban ke n ter ni.

Efesusi 4:28

Wan nan ti su ke, ni kpaa talar le un jiɛn nnaayigim, amaa wee ki li tun na, ki ta u tɔɔl a nɔɔi ki li ŋaan nan ŋan na, wee ki li fir kan niba ki por sei bilanjiim.

1 Tesalonika 2:9

Ibamɔn buu, n nabum, ni li tiɛr ke taah mɔɔn Uwonbɔr a bɔŋann nin ki tenn nin, ti yaa baginn nin ti pɔɔninba-n; ti tun itoon nin le nween nin kunyiɛg naah li ŋa man wee ti laa ye litugil ki sei ni ni uba.

2 Tesalonika 3:8

bee ki jin uba a jiir yɔli wee kaa yɔn ti bu. Amaa ti pɔɔn tiba le ki tun nween nin kunyiɛg, naah li ŋa man wee ti laa ye litugil ki sei ni ni uba.

1 Timoti 4:10

(Mambu le ti tun nin linunmanl) nan bu-n ti jɔɔ tama Uwonbɔr wan fo-n ban, wan ye bininfob biɛn a feeru win, naah jann tɔɔ ban bu ye ban ŋa u yada n le.

1 Piita 2:23

Baah nan sugir win, waa nan sug bi ki jiin ni; waah nan jin fala-n, waa nan fann uba, amaa u nan ta u ba le ki ŋa Uwonbɔr wan ji bininfob biɛn a bɔr kaah kpaa man nin a nɔɔn,

1 Piita 3:14

Amaa hali ni le ye ni ji fala itoon ŋan bu ke, tikaar be ni bu. “Ni laa san bininfob kaah san nan bijawaamin nni; ni laa che ni lam yugiri.”

1 Piita 3:9

Ni laa jɔɔ tibir ki yɔ tibiri bee ki laa sug ban sug ni ki jiin ni, amaa ni li kaab tikaar ŋan tenn ban kaa ŋaa ni choba, ni niɛ nan bu le Uwonbɔr nan yin ni ke ni nan kan tikaar a faal.

1 Piita 4:19

Mambu, ban ji fala Uwonbɔr a bam bu-n bi le li tun nan ŋan na, ki ta biba ki sei bi yada daan wan naan bin ki le li tun nan ŋan iyoo biɛn na.

Juud 1:9

Amaa hali malakam a ninkpelu Maakil, nin Sintani kaah nan far limɔkpel nin tab ulinlenn Moziz a gbanann bu-n, waa nan chee ki jɔɔ kutingbiig a galin nin Sintani, amaa le ki len ke, “Uyudaan li fuun a bu!”