1 Korenti 3:13 - UWONBƆR A GBƆNPƆŊ LIKƆƆNL

¹³ u toonl nmɔn li wɔɔn liba la ye lan, nan bu-n Yisa a jirin daal nŋmi li na yin kpiir li ki mag uninfo biɛn a toonl ki lig li ŋam kaah ye man.

Uwumbɔr aagbaŋ

¹³ Binib mɔmɔk aatuln ga nan nya mpaan pu. Bundaln Uwumbɔr ga ji binib tibɔr na, liyaadaal ngbaan ga mɔk baatuln aah ye pu na. Liyaadaal ngbaan mmii aataak daal le na. Mmii ngbaan ga tɔŋ lik binib mɔmɔk aatuln aah bi pu na.

1 Korenti 3:13 ပူးပေါင်းရင်းမြစ်များ

Matiu 10:15

N bei ni ibamɔn le, lidaal lan wee Uwonbɔr nan yin ji bininfob tibɔrin, kitiŋ nmɔn yaab a tudaril na li jo Sodom nin Gomoriya yaab yaal.

Matiu 16:27

Nan bu-n uninfosaal a Big na li jirin nin u Baa a pag, nin u malakam iyaayoo nmɔn, u na li yɔ uninfo biɛn nin u toon kaah ye man.

Tibɔnyaan ti Luk ŋmee ti na 2:35

ni ma le li kpiir naah tiɛr man ni sufu ni nan n nya npaan ni. (Amaa a sufu li bii ke takoobi kaaŋ kaah li jiiŋ man ni.)

Rom Yaab 2:16

Ni niɛ nan na yin tun lidaal lan wee Uwonbɔr na yin ji bininfob a bɔwoonkaar Yisa Masiya bu, ke n bɔŋann nin kaah wɔɔn man nin.

Rom Yaab 2:5

Amaa ni tukangbiril nin naah kaa ban ni kpenn ni sufu-n bu, le ni kpiɛg U ŋuufiiŋ lan yab ki tenn ni ba lidaal man wee Uwonbɔr a ŋuufiiŋ nin U buchin bɔjilin na yin degirin nin.

1 Korenti 1:8

U li ŋmag ni nbamɔm hali nin ndiɛm, wee ni laa nan jɔɔ igalin ti Yudaau Yisa Masiya a jirin daali.

1 Korenti 3:12

Ni ye uba yin maa tɔɔn lifiɛl nmɔn bu wee ki jɔɔ salima, bee tikur ninann bee itangbag pɔɔr bee tidaar bee timɔɔr bee ikikag ke,

1 Korenti 4:5

Ni bu ni laa ji uba tibɔr daandaan nan wee n-yonn kaa la foo, ni li guu n-yonn man wee Uyudaan na li foon. U ma na li nyan nan be libunbɔnlin nween ni, ki kpiir tibir tan be uninfo a sufu-n npaan ni, iyaayoo bininfob biɛn na li kan bi pɔg Uwonbɔr ban.

2 Timoti 1:12

Ni ma che n ji fala ke maah ji man nan. Nin ni ma biɛn ni, ifa kaa jɔɔmi, nan bu-n n nyi wan wee n ŋa u yada-n, le n nyi ke u sin li guurim ki nan kpaa u jirin daal.

2 Timoti 1:18

Ti yudaau n san u kunyunyunbaag u jirin daal! A baantɔɔl nyi waah nan terim Efesusi a tiŋin man.

2 Timoti 3:9

Amaa baa li fir lar bininfob ki chaari, nan bu-n bininfob nmɔn biɛn li biɛ ke bi ye tijɔri le, ke baah nan biɛ Janesi nin Jambiresi bu man ni.

2 Timoti 4:8

Daandaan nan n buchin yuchigirig ŋa sili ki dɔ guum, kan wee Ubuchin yudaan wan ye ubɔjirin na yin ta ki yɔm lidaal nmɔn, naa yin ye n yaa binba, amaa u na li yɔ ban guu waah na yin degirin lidaal lan nin tɔɔl.

Hiibru Yaab 10:25

Ni laa che ti ta tab ban a lagim ki jiɛn ni, a li ke bibam kaah ŋaan man nin ni, amaa ni che ti li mann pɔɔg tab a gbanann, a li ke naah kan Uyudaan a dan daalin kaah fɔɔr maligin man nin.

1 Piita 1:7

I niɛ nan dan le, ke ni yada kan ŋan jon salima kan burin, hali nŋmi kaah le mann salima kan li fir bii-n gbaa, yada nmɔn li wɔɔn ke ni ye ibamɔn le, ki ta kupag nin jilima dan ni joorimin, ni ye Yisa Masiya nan kpiirin ke.

1 Piita 4:12

N jɔtiib, ni laa che nin gar ni nin naah ji limagil a nanwi a fala-n ni, a li ke ni ye tiwanchann le ni ban ni.

2 Piita 3:10

Amaa ti Yudaan a dam nmɔn na yin nann unaayig a dann le. Papaab na li fɔɔr nin tifur takpenn; le nŋmi na li gaa tiwann tan be papaabin, le tum nin tiwann tan be tum nmɔn na li dɔɔn yɔli.

2 Piita 3:7

Uwonbɔr a mɔleen iba nmɔn le U ji ta guu papaab nin tum kan be daandaan nan ke nŋmi n nan gaa, ni si le ki guu tibɔr a ji daal nin ban kaa ye biwonjiɛmin a biim.

Tibɔkpiirkaan 20:12

Le n kan bitakpiib, ban gbee bitakpiib nin ban kaa gbee bitakpiib kaah si kunaangbɔŋin a nintogil, le tigbann kpaar. Le kugbɔŋ kuba mu ji kpaar, ki ma ye limiɛfol a gbɔŋ. Le bi jin bi tibɔr baah tun nan wee Uwonbɔr sɔb ŋa tigbann nmɔn yaan nin.