1 Korenti 2:7 - UWONBƆR A GBƆNPƆŊ LIKƆƆNL

⁷ Aai, ti pag Uwonbɔr a lam man woo n-yaa bɔr le, amaa le Uwonbɔr pii nan chinn ŋa nlam man li sei ti jilima nmɔn a sili ki guun ti le mi saŋi nin foo.

Uwumbɔr aagbaŋ

⁷ Ti len Uwumbɔr aabɔbɔrkaan aalan mu nan bɔr na aabɔr la. Uwumbɔr aah kaa nan kee naan dulnyaa wee na, u nan dakl nlan mue, ke ti mu ji waamɔɔn.

1 Korenti 2:7 ပူးပေါင်းရင်းမြစ်များ

Matiu 11:25

Iyaayoo nmɔn le Yisa len ke, “N Baa wan ye paab nin tum a Yudaau nan, n pooriŋ, nan bu-n a ta a bɔrin ki woon bilandam nin bibiɛndam, amaa le ki kpiir ti ki wɔɔn nbuwaab finfim;

Matiu 13:35

Le ni nan gbeen ulinlenn kaah nan pag ki ke: “N li loor n mɔb ki gaa ibɔŋal, n li pag tiwann tan nan woo hali dulinya a naan daal.”

Rom Yaab 11:25

N nabum, maa ban ni li be kaa nyi tibɔwoonkaar nan ni, tan li che ni laa donn niba naah nyi nan bu: Iziral yaab a tupɔɔm man bi ba bu-n kaa yin yuuri, amaa le ni yin be man le hali nin ban kaa ye Iziral yaabin kaah na li dan Uwonbɔr ban.

Rom Yaab 8:29

Ban wee Uwonbɔr pii nan nyi ki bon ke bi na li chee ki kpenn ki li be ke u bija-n kaah be man nin, wee nin che U bija nmɔn nŋa kibininkpeeg u nabum takpem a sisiigin.

Rom Yaab 8:30

Ban wee Uwonbɔr bon bi bu-n, bi ma le u yin; ban wee U yin nmɔn, bi ma le U ke bi bɔr ŋan; ban wee U ke bi bɔr ŋan nin nmɔn, bi ma le u ji che bi kan kupag.

1 Korenti 2:1

N nabum, maah nan dan ni ban ni, maa nan mɔɔn Uwonbɔr a bɔr ki tenn ni nin nmɔmɔn bee nbiɛn takpen ni.

Efesusi 1:4

Uwonbɔr kaah kaa la nan naan dulinya n-yonn man nin, le U nan gann tim ke ti li be kasi ki laa jɔɔ igalin U ban ni. U jiɛm bu,

Efesusi 3:10

Uwonbɔr a boni nan ye le ke daandaan nan, biwonjiɛm a laguŋ bu, Uwonbɔr a lam a booli ye nin ta wɔɔn nnaam a pɔɔm nin tininkper a pɔɔm man be paabin,

2 Timoti 1:9

Uma nan fee ti gab ki yin ti ke ti li be kasi a miɛfolin na, naa ye taah tun nan bu, amaa ni ye u baantɔɔl kaah lol man le nin u nyunyunbasanlin bu. U nan san ti kunyunyunbaag Masiya bu hali n-yonn man nan jon nin,

Hiibru Yaab 1:2

amaa idaa yan joor nan, u che U bija le pag sei ti, wan wee U ŋau niwann biɛn a faajiru win, nin wan bu wee U nan naan dulinya nan nin.

Hiibru Yaab 11:3

Yada bu le ti biɛ ke Imɔleen le Uwonbɔr nan ta naan dulinya, ni bu naa ye nan wee ti ga nan le Uwonbɔr nan ta naan dulinya.

1 Piita 1:11

ke bin kan iyoo yan nin naah li ŋa man wee Masiya a Naaŋ kan be bi ni nan chinn kan le ki wɔɔn bi Masiya a fala a jim nin kupag kan li ŋɔɔrin.

1 Piita 5:1

Nim ban ye bininkpeeb ni sisiigin ni, n balin ni le maah ye ni ninkpekpiɛgin, wan jin siɛra Masiya a fala a jim nin min wan na li kan n tol u pag a kpiirimin nin:

1 Piita 5:10

Le Uwonbɔr wan ye linyunyunbasanl biɛn daan ni, wan yin ni ke ni kan u pag kan kaa jɔɔ diɛm Masiya nin, naah jin fala wama a bɔɔn nin, Uma tɔɔl le ji li jiin ni siin ni yada-n ki che ni pɔɔg, le ni sir kenken.

2 Piita 1:3

Waah jɔɔ Uwonbɔr a pɔɔm man nin bu che ti jɔɔ taah ban nan limiɛfolin biɛn nin nwonjiɛn binben taah biɛ u nbu, wan yin ti u baantɔɔl a pag nin u ŋam bu-n.

Tibɔkpiirkaan 13:8

Bininfob ban biɛn be dulinya nan yaan wee bi yin kaa sɔb ŋa Kipeebig kan wee bi nan ku-n a miɛfol a gbɔŋin yaan dulinya nan a piimin nin, bi biɛn nan yin jiɛn kuwanbiig nmɔn le.