1 Korenti 2:6 - UWONBƆR A GBƆNPƆŊ LIKƆƆNL

⁶ Ti pag nlam a bɔr ki tenn binunwondam ban chegir Uwonbɔr a samin nin le, amaa naa ye dulinya nan a lam man wee bi jɔɔ wɔɔn nni bee dulinya nan a bɔrtiib ban kaa na yin jɔɔ tinyɔɔr kaah ŋmag nlam man n ni.

Uwumbɔr aagbaŋ

⁶ Tɔ, ti len nlan aabɔr ki tuk binib bi chikr Uwumbɔr aabɔr wɔb na. Nlan ngbaan mu aa ye dulnyaa aalan, ki mu aa ye dulnyaa wee ni aabɔrb aalan. Dulnyaa wee ni aabɔrb aapɔɔn bi bar la.

1 Korenti 2:6 ပူးပေါင်းရင်းမြစ်များ

Matiu 13:22

Ndibim man lu ikunkon nin nan mu le ye wan gbir Uwonbɔr a bɔr, amaa le dulinya nan a mugil nin njɔɔm a bam lu ki nyagin i bu, le taa li fir naan ni.

Matiu 19:21

Le Yisa bei u ke, “Ni ye a ban a binbem li be chasi ke, a li chaa ki tan kɔɔr ŋaah jɔɔ nan biɛn, ki ta iligin ki sei faladama, wee ki li jɔɔ njɔɔm Uwonbɔr a niin, ki li nɔɔm ni.”

Matiu 5:48

Mambu, ni li be nbamɔm ke ni paab a Baa kaah be man ni.

Tibɔnyaan ti Luk ŋmee ti na 16:8

“Le utoontunn ninkpelin a yudaau pag u, ki ke u jɔɔ nlam. Nan bu-n Uwonbɔr a ninfob kaa jɔɔ nlam nin bin ter tab Uwonbɔr a toon yin ke dulinya yaab kaah jɔɔ nlam nin bin ter tab man ni.

1 Korenti 1:28

U gann nim ban kaa ye nnaam a ninfob dulinya nan yaan nin nim ban kaa nan ye niba-n, amaa le ki ŋa nan wee dulinya yaab tiɛr ke ni ye niba-n yɔli.

1 Korenti 12:8

Kasi a Naaŋ che biba pag nlam a bɔr, Kasi a Naaŋ nmɔn a piini le che biba pag nin nbiɛm Kinaaŋ kiba nmɔn a pɔɔmin,

1 Korenti 14:20

N nabum, ni laa tiɛr ke nbuwaabi. Amaa tibir ma paam ke ni li be ke nbiliɛmin, amaa ni potiɛlin ni li be ke binunwondama.

1 Korenti 2:1

N nabum, maah nan dan ni ban ni, maa nan mɔɔn Uwonbɔr a bɔr ki tenn ni nin nmɔmɔn bee nbiɛn takpen ni.

1 Korenti 2:13

Taah pag imɔleen yan nmɔn kaa nyan Uninfosaal a wɔɔnim a lamin ni, amaa imɔleen nmɔn nyan Kinaaŋin le, yan ye kinaaŋ a mɔleen ki wɔɔn ibamɔn ni.

1 Korenti 2:8

Dulinya nan a a bɔrtiib, uba kaa be ki nyi nlam nmɔn ni. Bi bi nyi mi ke, baah nan bi li kpaa ti Yudaau, wan ye jilimadaan nni.

1 Korenti 3:1

N nabum, maa li fir pag ki sei ni ke maah bi li pag ki sei kinaaŋ a ninfob man nni, amaa n yin pag ki sei ni ke maah bi li pag ki sei dulinya nan yaab man nle, ke bininfob ban nann nbuwaab finfim ban la biɛn nwonjiɛn binben nle.

2 Korenti 1:12

Daandaan nan taah jɔɔ ligbingbanfaal lan sɔ: Ti potiɛl jin ti siɛra ti binbem dulinya nan a ninfobin, nin ni baantɔɔl a sisiigin, ti kasi a binbem nin ibamɔn nin nya Uwonbɔr ban le. Naa ye dulinya nan a lam le che ti tun man ni, amaa ni ye Uwonbɔr a nyunyunbasanl bu le.

2 Korenti 13:11

Ni joorimin n nabum, n chabir ni le, ni li ban nbinben ŋan na, ni gbirim maah len nan nan, ni li jɔɔ lipotiɛl libau, ki li be nin nposɔɔn, le Uwonbɔr wan jɔɔ njiɛm nin nposɔɔni li be nin ni.

2 Korenti 4:3

Nibu, ni ye Uwonbɔr a bɔŋann nin pag ki woon ke, ni pag woon ban bor Uwonbɔr a samin nin le.

2 Korenti 4:4

Dulinya nan a weem jɔɔn ban kaa ye biwonjiɛm a potiɛriya, ni bu baa ga Masiya a bɔŋann nin a wonweemi, u ma ye Uwonbɔr a nunaŋ.

Efesusi 2:2

Naah nan be nsiim a biim nin ni toonbirin ki nɔɔ dulinya nan a sam nin kutingbɔŋ nan a yudaau a naamin, nin kinaaŋ kan tun nin bininfob ban kaa jɔɔ limɔcheelin.

Kolosiya 1:28

Yisa nmɔn le ti mɔɔn, ki kpaan bininfob ki wɔɔn bi nlam a booli biɛn, naah li ŋa man wee ti ŋa uninfob biɛn kasi ki sei Uwonbɔr, Masiya ni.

Kolosiya 4:12

Epafarasi, wan ye ni ni uba wee ki ji ye ni toontunn kpiɛg Masiya a toon nin mu poor ni. U miɛ Uwonbɔr le nin linunmanl iyoo biɛn ki tenn ni, ke ni sir kenken ki li ye bininfob chegirikaab ban tun Uwonbɔr a bam.

Hiibru Yaab 5:14

Amaa ban chegir le kpaan nin tijiir tan kpiɛg, bi ma ye ban nan gbaa tinn ki biɛ nan ŋan nin nan bir a bɔgirim.

Hiibru Yaab 6:1

Mambu ni che ti jiɛn Masiya a bɔr tan ye npiinim a wɔɔnimin, wee ki ta nninkpelam ki wɔɔn ki jo nintogil, naa ji kpaa talar nin ti ji mann bil lifiɛl a bɔr tan wɔɔn ke ni jiɛn titoonbir tan ye nkum a samin a nɔɔma, amaa wee ki ŋa Uwonbɔr yada,

Jemisi 3:15

“Nlam nmɔn a bosu kaa nyan paab a naamin ni amaa mi ye dulinya nan a lam man kaa gbee nin Kinaaŋ ki ye ulinlaril yaamin le.

Jemisi 3:2

Tiwann takpemin, ti biɛn tun ki bura. Ni ye uba kaa nyi ki pag burin u pipagirin ke, u yaadaan ye kasi daan le, ki li fir ŋmag u gbanann nbamɔm.

1 Piita 5:10

Le Uwonbɔr wan ye linyunyunbasanl biɛn daan ni, wan yin ni ke ni kan u pag kan kaa jɔɔ diɛm Masiya nin, naah jin fala wama a bɔɔn nin, Uma tɔɔl le ji li jiin ni siin ni yada-n ki che ni pɔɔg, le ni sir kenken.