1 Korenti 2:14 - UWONBƆR A GBƆNPƆŊ LIKƆƆNL

¹⁴ Wan kaa jɔɔ Kinaaŋ nmɔn kaa cheel tibɔr tan nya Uwonbɔr a Naaŋin ban ni, tibɔr nmɔn ye ijɔr leen le ki sei u, le waa li fir biɛ ti taai yi, nan bu-n ti ye kinaaŋ a leen le.

Uwumbɔr aagbaŋ

¹⁴ Unii u kaa kpa Uwumbɔr Aafuur Nyaan na, u yii Nfuur Nyaan aabɔr, ki dak ke Nfuur Nyaan aabɔr ye kijɔrk aabɔr la. Uwumbɔr Aafuur Nyaan le cha binib bee mu aabɔr. Nima pu na, unii u kaa kpa Uwumbɔr Aafuur Nyaan na aa ŋmaa bee mu aabɔr.

1 Korenti 2:14 ပူးပေါင်းရင်းမြစ်များ

Matiu 16:23

Le Yisa gbiɛ lig Piita ki bei u ke, “Sintani nan, fɔɔr n ban na! A ye litangbag gbiɛrikaal le n samin, nan bu-n ŋaa tiɛr nan ye Uwonbɔr yaan bu, le ki tiɛr nan ye uninfosaal yaan.”

Jɔnn 10:20

Bi pam nan ke, “Kinaanbiig li jɔɔ u le u waar. Ba ŋa ni pelig u bɔraa?”

Jɔnn 12:37

Hali nin Yisa kaah nan ŋa ligaril a siɛram bi nintogil a bɔɔn, baa le la nan ŋa u yada.

Jɔnn 14:17

Ni ma ye ibamɔn a Naaŋin. Dulinya nan a ninfob kaa li fir gaa wi, nan bu-n baa nyi kan wi, laa baan bin biɛ wi. Amaa ni nyi u, nan bu-n u be nin ni le ki li be ni ni.

Jɔnn 14:26

Amaa Utiter, Kasi a Naaŋ, wan wee Baa-n yin tun u n yinl bu-n, li wɔɔn ni niwann biɛn ki tiɛr ni niwann nan biɛn wee n nan bei ni.

Jɔnn 15:26

“Utiter, wan wee n yin tun u wee un nyann Baa-n ban nin, ki ye ibamɔn a naaŋ kan nyann Baa-n ban nin dan ke, u li ji n siɛra.

Jɔnn 5:44

Ni ye ke ni ban tab a pagim ke, ni yin ŋa niin ki ŋa yadaa, wee kaa sin pɔɔg ni ba ke ni kan kupag kan nyan Uwonbɔr uba-n ban naa?

Jɔnn 8:43

Ni ŋa wee naa biɛr n mɔboi yaa? Nan bu-n naa gbir maah len man ni.

Lituln 16:14

Bipiib ban nan ka pelig tibɔr nmɔn, bi ni u ba a yinl le nan ye Lidiya, u nan nyan Tayatira le, ki choon kɔɔr ikinken man yan a daag pɔɔ, ki jiɛn Uwonbɔr. Le Uyudaan loor u sufu le u chee tibɔr tan wee Pɔɔl pagin.

Lituln 17:18

Le ban wɔɔnn wee bi yi biba ke Epikurusi, ki yi biba mu Sitoog nan, mu nan dan ki nan far limɔkpel nin Pɔɔl. Le bi ni biba nan pag nin tab ke, “Wan be jabin nan mu ke baa?” Le biba jiin ke, “Ni nann ke u pag iweenchaan iba a bɔr le-n.” Bi nan len man babu, Pɔɔl nan mɔɔn Yisa a bɔŋann nin le nin u kum a fiim.

Lituln 17:32

Baah gbir Pɔɔl pag nkum a fiim a bɔrin, le biba sɔɔl u, amaa le biba mu ke, “Ti ban ti mann gbir nan wee a wɔɔn nan le jigin.”

Lituln 18:15

Amaa naah ye ibinbaan ki jiin ni tɔɔl a mɔleen, nin ni yin, nin ni tɔɔl a siim paam nan ma, ni tɔɔl nmann tibɔr nmɔn na, maa li fir ji tibɔr nmɔn ni.”

Lituln 25:19

Amaa bi le far u limɔkpel le ki jiin bi wonjiɛnl paam, nin utakpiir wan wee bi nan yi u ke Yisa nan, wee Pɔɔl ke u be u miɛfolin nin bu.

1 Korenti 1:18

Masiya a kum lidapunpunlin bu-n a bɔr ye ijɔrig le ki sei ban borin, amaa tim ban kan feegabin n ma ni ye Uwonbɔr a pɔɔm le.

1 Korenti 1:21

Uwonbɔr tɔɔl a lamin bu che dulinya nan yaab a lam kaa fir biɛ wi. Ni nan gbee Uwonbɔr a num nin baah nan ke nan ye ijɔr leen nin kaah nan mɔɔn wee bininfob ban nan ŋa yada-n kan feeja-n bu.

1 Korenti 1:23

amaa ti mɔɔn Masiya a kum lidapunpunl bu nle: Tibɔr nmɔn ye litangbag gbiɛrikaal le Juu yaab ban, le ki ji ye ijɔr leen ban kaa ye Juu yaabin ban.

1 Korenti 1:25

Uwonbɔr a jɔrigi jɔɔ nlam jon uninfosaal a lama, le Uwonbɔr a daburigi mu pɔɔ jon uninfosaal a pɔɔma.

1 Korenti 15:44

Bi pii ti dulinya a gbanann le, amaa le ti fii nin Kinaaŋ a gbanann, dulinya nan a gbanann be ke, kinaaŋ mu a gbanann be.

1 Korenti 15:46

Kinaaŋ kaa nan chinn ki dan ni, dulinya nan a gbanann le nan chinn ki dan, ni bɔɔn bu le Kinaaŋ a gbanann mu ŋɔɔrin ni.

1 Korenti 2:12

Kinaaŋ kan wee ti gaa-n, kaa ye dulinya nan a naaŋi, amaa ki ye Kinaaŋ kan nyan Uwonbɔr ban le. U li che U naaŋin ter ti wee ti biɛ u piini nmɔn.

1 Korenti 3:1

N nabum, maa li fir pag ki sei ni ke maah bi li pag ki sei kinaaŋ a ninfob man nni, amaa n yin pag ki sei ni ke maah bi li pag ki sei dulinya nan yaab man nle, ke bininfob ban nann nbuwaab finfim ban la biɛn nwonjiɛn binben nle.

Jemisi 3:15

“Nlam nmɔn a bosu kaa nyan paab a naamin ni amaa mi ye dulinya nan a lam man kaa gbee nin Kinaaŋ ki ye ulinlaril yaamin le.

1 Jɔnn 2:20

Amaa Kasi daan nin kpaar nkpam ki wur ni buu, le ni biɛn nyi ibamɔn nin.

1 Jɔnn 2:27

Nim bu ke naah nan gaa likpanwuril lan nin be ni ban, ni bu naa ji ban uba nwɔɔn ni. Amaa a li ke likpanwuril nmɔn kaah wɔɔn ni niwann biɛn nin, wee likpanwuril nmɔn ye ibamɔn nin, kaa ye kularugin, a li ke likpanwuril nmɔn kaah wɔɔn ni man nin, ni li be u ban na.

1 Jɔnn 5:20

Le ti ji nyi Uwonbɔr a big kaah dan ki nan sei ti nbiɛm, ke nin che ti biɛ Uma wan ye ibamɔndaan nin. Le ti mu be nin Uma wan ye ibamɔndaan nmɔn, hali nin U big Yisa Masiya. U ye ibamɔn a Wonbɔru le nin limiɛfol lan kaa jɔɔ ndiɛm.

Juud 1:19

Bi ma ye bininfob ban bɔgir ni, ki nɔɔ bi gbanann kaah ban man wee kaa jɔɔ Kinaaŋin.