1 Korenti 2:1 - UWONBƆR A GBƆNPƆŊ LIKƆƆNL

¹ N nabum, maah nan dan ni ban ni, maa nan mɔɔn Uwonbɔr a bɔr ki tenn ni nin nmɔmɔn bee nbiɛn takpen ni.

Uwumbɔr aagbaŋ

¹ Nnaabitiib, nima pu na, maah nan dan nan tuk nimi Uwumbɔr aabɔr na, maa nan di mmɔmɔɔn ni binib aalan le tuk nimi.

1 Korenti 2:1 ပူးပေါင်းရင်းမြစ်များ

Lituln 20:21

N bei Juu yaab nin Girig yaab biɛn ke bin kpenn bi binbema ki jir Uwonbɔr ban, ki ŋa ti Yudaau Yisa yada.

Lituln 22:18

zii nmɔn yaan le n kan Uyudaan, le u beim ke. ‘Ŋa weema! Nya Jerusalam libol libol nan na, nan bu-n ni ye a bei Jerusalam yaab n bɔr ke, baa yin gaa tibɔr nmɔn ni.’

Rom Yaab 16:18

Bininfob nmɔn a booli kaa tun tenn ti Yudaau Masiya, amaa bi tun bi tɔɔl a kɔlisa bu le. Bi jɔɔ kulandiiŋ nin nmɔmɔm le ki lar bininfob ban a lam par bi-n.

Rom Yaab 16:25

Daandaan nan che ti pag Uwonbɔr wan fir ta ni siin tibɔŋann nin bu nin maah mɔɔn Yisa Masiya wan nin bu, ki ta jiin tibɔkpiirikaar tan nan woo hali yaayoo-n nin,

1 Korenti 1:17

Nan bu-n Masiya kaa tum ke n na li fu bininfob le, amaa u tum ke n nan mɔɔn u bɔŋann nle. Tan kaa ye uninfosaal a biɛmi, ni ye man ke Masiya a kum lidapunpunl bu li ŋa yɔli.

1 Korenti 1:6

Masiya a bɔr tan wee ti nan wɔɔn ni-n, ni gaa ti nbamɔma.

1 Korenti 2:13

Taah pag imɔleen yan nmɔn kaa nyan Uninfosaal a wɔɔnim a lamin ni, amaa imɔleen nmɔn nyan Kinaaŋin le, yan ye kinaaŋ a mɔleen ki wɔɔn ibamɔn ni.

1 Korenti 2:4

Naa ye bininfosaalib a biɛm le n jɔɔ mɔɔn Uwonbɔr a bɔrin ki tenn ni, amaa ni nyan Kasi a Naaŋin le nin u pɔɔmin

1 Korenti 2:7

Aai, ti pag Uwonbɔr a lam man woo n-yaa bɔr le, amaa le Uwonbɔr pii nan chinn ŋa nlam man li sei ti jilima nmɔn a sili ki guun ti le mi saŋi nin foo.

2 Korenti 10:10

Bininfob biba ke, “Pɔɔl a gbann ni nann le ke upɔɔndaan uba-n, amaa le u nan foon ti ban n-yonn man ke, u ye ulanjiin le, le u mɔboi kaa ji jɔɔ npɔɔn ni.”

2 Korenti 11:6

Nba ke maa ye wan kan ntinnim wee ki li pag tibɔri, amaa n jɔɔ nbiɛm. Ti che ni niɛ le won ni num kasi niwann biɛn ni.

2 Tesalonika 1:10

lidaal lan wee u nan dan un nan gaa u pag kasi a ninfob nin u jilima ban biɛn ŋa u yada-n ban nin. Ni tɔɔl kpiɛ niin na, ni ŋa tibɔr tan wee ti pag sei nin yadau.

1 Timoti 1:11

ni niɛ nan le ye jilima a bɔŋann tan nyan tikaar a Wonbɔru ban, le u ta ŋa n nɔɔn ke n li mɔɔn na.

2 Timoti 1:8

Mambu laa san ifa nin a ji ti Yudaau a siɛra bee min wan ye u loondikɔɔru win a siɛra, amaa Uwonbɔr a pɔɔm bu che min nin fin nlagin ki ji fala tibɔŋann nan bu,

1 Jɔnn 4:14

Le ti kan ki jin siɛra ke ti Baa-n le nan tunn U Bija ke un nan ŋa dulinya nan a feeru.

Tibɔkpiirkaan 1:2

le Jɔnn nan jin siɛra waah kan nan biɛn nin bu, ti ma ye, Uwonbɔr a mɔleen nin Yisa Masiya a siɛra.

Tibɔkpiirkaan 1:9

Min, Jɔnn wan ye ni nabig, wee ki ye ni kpiɛg ti fala-n nin ti naamin nin ti mɔril a nyiginimin nan ye ti yaan Yisa bu-n, wee ki nan be ligungonl lan be nnyum a sisiigin Patmosi-n Uwonbɔr a mɔleen bu nin maah ye Yisa a siɛra bu-n.

Tibɔkpiirkaan 19:10

Iyaayoo le n lu u taatum ki jiɛn u. Amaa le u beim ke, “Laa ŋa man ni! N ye a toontum kpiɛg le nin a nabum ban ŋmag Yisa a siɛra-n. Li jiɛn Uwonbɔr a! Nan bu-n Yisa a siɛra ye Kinaaŋ a linlen leen le.”