1 Korenti 15:32 - UWONBƆR A GBƆNPƆŊ LIKƆƆNL

³² Ke ni ye n kɔn Efesusi a tiŋ a ninfob ban nann kulɔŋ a wankorin bininfob a potiɛri bu ke, ba a nyɔɔr wee n kan naa? Ni ye nkum a fiim kaa be ke, “Ni che ti ji ki nyu, wee won ke ti won kpo.”

Uwumbɔr aagbaŋ

³² Ipeel nan tak mi Efesus aatiŋ ni. M yaa po ye unibɔn u kaan fikr nkun ni kan, m kan tinyoor ni pu uu? Aayii. Binib bi kpo na yaa kaan fikr nkun ni kan, “Cha ti li ji ki li nyu; ba pu? ti ga fe kpo fen.” Tɔ, ni ye mbamɔn, binib bi kpo na ga sil fikr nkun ni.

1 Korenti 15:32 ပူးပေါင်းရင်းမြစ်များ

Tibɔnyaan ti Luk ŋmee ti na 12:19

Le ki nin bei n ba ke, ‘A jɔɔ tijiir tan li kpaan ibin takpem a poolin; li dɔ foora, ki ji ki nyu ki li jɔɔ npopeen.’

Tibɔnyaan ti Luk ŋmee ti na 9:25

Ni ye uninfo kan dulinya nan a wan yɔɔr biɛn wee ki sin lan u miɛl ke, ba a nyɔɔr wee u kan naa?

Lituln 18:19

Le bi nan chaa ki tan foo Efesusi, nan yaan wee Pɔɔl nan jaa Pirisila nin Akula nan, le u tɔɔl jon ki tan kɔɔ Juu yaab a wonjiɛndiigin, ki pag sei Juu yaab nmɔn.

Lituln 18:21

Amaa waah nan chabir bi n-yonn man nin, le u bei bi ke, “Ni ye Uwonbɔr chee ke n ji li jirin ni ban.” Le ki kɔɔ kuŋaluŋ ki nyan Efesusi.

Lituln 19:1

Apolosi kaah la na be Korenti nan, le Pɔɔl nan nyan niin ki nɔɔ kisanbig ki jon Efesusi. Nin yaan le u kan biwonjiɛm biba,

Rom Yaab 3:5

Amaa ni ye ti kaa jɔɔ nbuchin binben bu che Uwonbɔr a buchin binbemin nyan npaan nin ke, ti ji yin len ke baa? Ti li fir len ke Uwonbɔr galin nin waah fiin U ŋuul ti buu? (Uninfosaal a mɔkpel faal le n jɔɔ pag nan.)

Rom Yaab 6:19

N ta bininfosaalib a binbem le ki pag nan bu-n ni tɔɔl a won naaŋin ni jɔɔ idaburig le. A li ke naah nan jɔɔ ni gbanann a bɔgi ki ŋaan tijaginn a toon a yomirin, nin npooton man mann kpiɛgin, daandaan nan ni ta ni gbanann ki ŋa nbuchin binben a yomirin na wee ki li be kasi.

1 Korenti 16:8

N li be Efesusi a tiŋin hali ki tan kpaa Pentikosi a daal,

Galantiya 3:15

N nabum, n ban n ta idaa biɛn a binbem le ki mag wɔɔn ni tibɔr nan. Bininfob kaah lagin ki poo tipoor tan ke, uba kaa li fir bii ti bee ki ta niba kpiɛ ni bu man nin, man le ye ni niɛ mu.

2 Piita 2:12

Amaa bilinlarib nan, bi wɔɔn biba le ki sugir tibɔr tan biɛn wee baa nyi ti taai. Bi nann kulɔŋ a wankor le, tiwann naan wann tan kaa nyi niba, tan be wee bi nan chor tan kɔr, bi na li kpo ke tiwankorin.

Juud 1:10

Amaa bininfob nan ma sugir niwann nan biɛn wee baa biɛ le nin tiwann tan wee bi nyi wee kaa jɔɔ nlamgɔrikaami, ke tiwankor tan kaa jɔɔ potiɛlin, tiwann nmɔn le bii bi.