1 Korenti 15:2 - UWONBƆR A GBƆNPƆŊ LIKƆƆNL

² Tibɔŋann nan bu ni ŋmara, ni ye ni ŋmag tibɔr tan wee n nan mɔɔn sei ni nbamɔm ke. Naa ye man ke ni yada li gab yɔli.

Uwumbɔr aagbaŋ

² Tibɔnyaan ngbaan mu pu le ni ŋmar. Ni yaa joo maah tuk nimi ti na mbamɔm, ki yaa kaa gaa ti ki kii fam kan, ni ŋmar a.

1 Korenti 15:2 ပူးပေါင်းရင်းမြစ်များ

Tibɔnyaan ti Luk ŋmee ti na 8:13

Man mu nan lu kutintiɛg nan bu mu nann bininfob ban gbir n bɔr nin npopeen, wee ta laa jiir bi sufu ni nbamɔm n le; bi ŋa Uwonbɔr yada n-yonn wama nan le, tɔ, le nton pii bi ke, le bi yii n nɔɔm.

Lituln 2:47

ki pag ki don Uwonbɔr a yinl, le uninfo biɛn a sufu sɔɔn bi bu. Le idaa biɛn ke Uyudaan che bininfob mann ga nŋmarim kpiɛg bi bu.

Lituln 8:13

Simɔnn tɔɔl nan ŋa u yadau, le u fun u nnyumin. Le u nɔɔ Filib ki choon nan yaan biɛn wee u chaa ki ga ligaril a siɛra a toon gbingbemin yan wee u ŋaan nin, le ni gar u.

Rom Yaab 1:16

Ifa kaa jɔɔm tibɔŋann nin a mɔɔnim bu, nan bu-n ti ye Uwonbɔr a pɔɔm le ki sei ban biɛn ŋa yada ke bin kan feegab: Juu yaab li yin chinn kan feegab le ban kaa ye Juu yaabin mu nin paan.

Rom Yaab 11:22

Lig Uwonbɔr kaah jɔɔ nbinben ŋan nin inunkoon man: U nunkoon yin tɔɔ ban lu-n bu le, amaa le u binben ŋamin tɔɔ a bu, ni ye a le laa be nin U binben ŋam nmɔn ke. Naa ye man ke U li gaa fin tɔɔl gab.

1 Korenti 1:18

Masiya a kum lidapunpunlin bu-n a bɔr ye ijɔrig le ki sei ban borin, amaa tim ban kan feegabin n ma ni ye Uwonbɔr a pɔɔm le.

1 Korenti 1:21

Uwonbɔr tɔɔl a lamin bu che dulinya nan yaab a lam kaa fir biɛ wi. Ni nan gbee Uwonbɔr a num nin baah nan ke nan ye ijɔr leen nin kaah nan mɔɔn wee bininfob ban nan ŋa yada-n kan feeja-n bu.

1 Korenti 11:2

N pagir ni nin naah tiɛr nbu ki la biɛn nin nɔɔ maah nan wɔɔn ni nan biɛn ni.

1 Korenti 15:14

Masiya kaa nan bi fii nkumin ke, taah mɔɔn tibɔŋann tan ni ye yɔli le, nin ni yada wan wee ni ŋaan.

2 Korenti 2:15

Tim le ye Masiya a tulaali ki sei Uwonbɔr ban kan feegab nin ban kaa kan feegab a sisiigin.

2 Korenti 6:1

Tim ban ye Uwonbɔr a toontunn tab, ti balin ni le, ni laa che u nyunyunbasanlin n gab yɔli.

Galantiya 3:4

Naah jin fala wan takpem nan ye yɔli lee? Ke ni sin ye ke ni ye yɔli ke,

Efesusi 2:8

Uwonbɔr a nyunyunbasanl bu le ni kan nŋmarim, naah ŋa Yisa yada-n bu, naa ye ni tɔɔl a toon ŋan bu, ni ye Uwonbɔr a piini le,

Kolosiya 1:23

ni ye ni yin gbaa be nin ni yada ke, ki si chib, kaa fɔɔr tama kan wee tibɔŋann nin ŋmagin ke, ti ma ye tibɔŋann tan wee ni gbirin, wee bi mɔɔn ti sei kuwonaaŋ biɛn dulinya nan yaan, tan bu wee min Pɔɔl kpann utoontunn.

2 Tesalonika 2:15

Ni ma bu n nabum, ni mann sir nbamɔm ki li ŋmag taah wɔɔn ni man nin, naah ye imɔleen le ti pag bee kugbɔŋ le ti sɔb sei ni ke ni.

2 Timoti 1:9

Uma nan fee ti gab ki yin ti ke ti li be kasi a miɛfolin na, naa ye taah tun nan bu, amaa ni ye u baantɔɔl kaah lol man le nin u nyunyunbasanlin bu. U nan san ti kunyunyunbaag Masiya bu hali n-yonn man nan jon nin,

Hiibru Yaab 10:23

Ni che ti li ŋmag taah jɔɔ tama kan ki pag ki bɔrin wee ki laa yeŋi, nan bu-n wan siin limɔsiinlin nmɔn ye yada daan le.

Hiibru Yaab 2:1

Mambu ni kpaa talar le nin ti li ŋmag ibamɔn yan wee ti nan gbirin, wee niba laa ta ti ki nya ibamɔn nmɔn yaan ni.

Hiibru Yaab 3:14

Nan bu-n ni ye ti ŋmag ti chinchinn a dindann nbamɔm ki tan kpaa ti miɛfol a joorim ke, tim nin Masiya na yin ye nba le.

Hiibru Yaab 3:6

Amaa Masiya ma si nba bu le Uwonbɔr a ninfob biɛn bu ki ye U bija, tim le ye Uwonbɔr a niin yaab, ni ye ti li jɔɔ lipoobil le nin tama kan wee ti far ligbingbanl ki bu-n.

Hiibru Yaab 4:14

Mambu taah jɔɔ biminmanib a yudaau wan ye Uwonbɔr a Bija Yisa wan nan don paabin, ni che ti li ŋmag ti yada kan ti ŋa nan kenken na.

Jemisi 2:14

N nabum, ni ŋam ye baa, ni ye uninfo ke u jɔɔ yada wee u yada nmɔn kaa tun itoon ke, yada nmɔn a bosu li fir fee u jaa?

Jemisi 2:17

Ni ye man le, yada a ŋaam a binba wee yada nin itoon kaa nɔɔ tab ke, yada kpiiŋ le yen.

Jemisi 2:26

A li ke tigbanann tan kaa jɔɔ kinaaŋ kaah ye tigbanann kpiinn man nin, man le yada a ŋaam kan kaa tun itoon mu ye yada kpiiŋ.