1 Korenti 14:4 - UWONBƆR A GBƆNPƆŊ LIKƆƆNL

⁴ Wan pag ileen pɔɔn ke, u pag pɔɔgir uba le, amaa wan pag ilinlen leen ke u pag ter biwonjiɛm le.

Uwumbɔr aagbaŋ

⁴ Unii u len iliin yayan na, u ter ubaa ke u dii Uwumbɔr aasan mbamɔm la. Unii u nabr Uwumbɔr aah len pu na, u ter Yesu aanib ke bi dii Uwumbɔr aasan mbamɔm la.

1 Korenti 14:4 ပူးပေါင်းရင်းမြစ်များ

Tibɔnyaan ti Mak ŋmee ti na 16:17

Amaa ban ŋaam yada nan li tun ligaril a toon; bi na li yin n yinl ki nyan nnaanbiim bininfobin, ki ji pag ileen pɔɔn,

Rom Yaab 14:19

Mambu ni che ti pɔɔn ti ba ki tun nan li ta nposɔɔn dan nin nan li pɔɔg tab a sufu ti yada-n.

1 Korenti 12:10

Kinaaŋ kiba nmɔn le sei uba ligaril a toon a pɔɔm, ki sei uba ilinlen leen a pagim a piini, ki sei uba npɔɔn le u biɛr nnaam a bɔgirim, ki sei uba mu ileen pɔɔn a booli a pagim, le ki sei uba mu ileen pɔɔn nmɔn a kar wɔɔn a pɔɔm.

1 Korenti 12:28

Biwonjiɛmin, Uwonbɔr nan gann itoon le chinchinn, le ki paan bilinlem, ban kpiɛ mitaa le u gann ban wɔɔnn, le ki nin paan ban tun ligaril a toon, le ki ji paan ban jɔɔ kutebug a piini, nin ban li fir ter bitab, le ki gann bitoontum sanliib, nin ban pag ileen pɔɔn a booli.

1 Korenti 13:1

Ni ye n pag bininfosaalib a leen nin Malakam a leen, amaa wee kaa jɔɔ njiɛm ke, n nann kileŋ le bee libulonl ki mɔr yɔli.

1 Korenti 13:2

Ni ye n jɔɔ ilinlen leen a piini, ki fin biɛr tibɔwoonkaar biɛn, ki jɔɔ nbiɛm biɛn, hali ki jɔɔ yada kan wee n li fir pag wee ijɔɔ nfii, amaa wee kaa sin jɔɔ njiɛm ke n ye yɔli le.

1 Korenti 14:12

Ni ye man le. Ni sufu kaah ban Kasi a Naaŋ a piini nbu-n, ni che ni sufu mu li be ipiin yan li ter biwonjiɛm ma.

1 Korenti 14:22

Ileen pɔɔn ye siɛra le ki sei ban kaa ŋa yada-n amaa naa ye yadadami; ilinlen leen ma pag tenn yadadam le naa ye ban kaa ŋa yada nni.

1 Korenti 14:26

N nabum, ti ji yin len ke baa? Ni lagin tab ni jiɛn Uwonbɔr ke, uba jɔɔ ilan, bee nwɔɔnim, le utɔ mu jɔɔ tibɔkpiirikaar, le uba mu pag ileen pɔɔn a booli, le uba mu jɔɔ karwɔɔn. Ni niɛ nan biɛn ye nin tun le ki sei biwonjiɛm npɔɔn.

1 Korenti 14:3

Amaa wan pag ilinlen leen ke u pag tenn bininfob le npɔɔn, ki pɔɔgir bi gbanann nin ibalin.

1 Korenti 14:5

N bi ban ni biɛn li pag ileen pɔɔn, amaa n jann ban ni pag ilinlen leen le. Wan pag ilinlen leen jon wan pag ileen pɔɔn na, see u kar wɔɔn le nin ter biwonjiɛm.