1 Korenti 14:3 - UWONBƆR A GBƆNPƆŊ LIKƆƆNL

³ Amaa wan pag ilinlen leen ke u pag tenn bininfob le npɔɔn, ki pɔɔgir bi gbanann nin ibalin.

Uwumbɔr aagbaŋ

³ Unii u nabr Uwumbɔr aah len pu na, u len binib chee, ki ter bi ke bi dii Uwumbɔr aasan mbamɔm, ki pɔɔk bitaakpab, ki sɔŋni bisui.

1 Korenti 14:3 ပူးပေါင်းရင်းမြစ်များ

Tibɔnyaan ti Luk ŋmee ti na 3:18

Jɔnn nan ta imɔbon le takpem ki mɔɔn tibɔŋann nin ki kpaan bininfob.

Lituln 13:15

Baah karin Moziz a siim nin Uwonbɔr a linlem a sɔbim n-yaan a bɔɔn bu, le kuwonjiɛndiig nmɔn a ninkpeeb bei Pɔɔl nin Banabasi ke, “Ti na a bum, ni ye ke ni jɔɔ tibɔŋann tan wee ni yin pag pɔɔg ti gbanann ke, ni paga.”

Lituln 14:22

ki pɔɔgir bi bɔɔnɔɔbin a gbanann nin bi sufu ke bi mann sir bi yada bu nin ibamɔn na. “Ni kpaa le nin ti kɔɔ tibɔmug kaarin takpem wee ki nin nan kɔɔ Uwonbɔr a naamin.”

Lituln 15:32

Judasi nin Silasi ban mu nan ye bilinlemin, nan pag takpem le ki pɔɔg biwonjiɛm nmɔn a gbanann nin bi sufu.

Lituln 4:36

Uja uba nan be niin le u yinl ye Josef, u nan ye Liifai yaab a bol a ninfou le, wan wee bi ma u Saipuru a tiŋin nan, itoon nin yi u ke Banabasi (ni taai ye pɔɔninba daan a bija),

Lituln 9:31

Judiya nin Galilii nin Samariya a wonjiɛm a laguŋ kan nposɔɔn n-yonn nmɔn. Kasi a Naaŋ a teril bu le bi kan ngbanann pɔɔn, le bi kanl kpiɛ, le ki be ki san Uyudaan.

Rom Yaab 12:8

ni ye wan a piin ye u li pɔɔgir u tab a gbanann ke, che u li pɔɔgira; ni ye wan a piin ye u li chaar tijiir ki ter bitab bi bɔr mugkaarin ke, che u li pu man na; ni ye wan a piin ye un ŋa usanliir le ke, che u li jɔɔ nsaliibinben nbamɔm; ni ye wan a piin ye u li san bininfob kunyunyunbaag le ke, che u li ŋaan man nin npopeen na.

Rom Yaab 14:19

Mambu ni che ti pɔɔn ti ba ki tun nan li ta nposɔɔn dan nin nan li pɔɔg tab a sufu ti yada-n.

Rom Yaab 15:2

Che ti biɛn nan ntun nan li gbee a kunkɔɔn tab a num u tɔɔl a ŋann bu, wee u yada n mann yabig.

1 Korenti 10:23

Ni ni biba len ke, “Niwann biɛn kaa kɔ” amaa naa ye niwann biɛn le jɔɔ tinyɔɔri. “Niwann biɛn kaa kɔ” amaa naa ye niwann biɛn le jɔɔ literili.

1 Korenti 14:12

Ni ye man le. Ni sufu kaah ban Kasi a Naaŋ a piini nbu-n, ni che ni sufu mu li be ipiin yan li ter biwonjiɛm ma.

1 Korenti 14:17

Nba ke a wonpagil nmɔn ŋan amaa naa ye nan pɔɔg uba a sufu.

1 Korenti 14:26

N nabum, ti ji yin len ke baa? Ni lagin tab ni jiɛn Uwonbɔr ke, uba jɔɔ ilan, bee nwɔɔnim, le utɔ mu jɔɔ tibɔkpiirikaar, le uba mu pag ileen pɔɔn a booli, le uba mu jɔɔ karwɔɔn. Ni niɛ nan biɛn ye nin tun le ki sei biwonjiɛm npɔɔn.

1 Korenti 14:31

Ni biɛn li fir pag ilinlen leen ki tenn tab wee nin che ni biɛn n kan ntinnim ki ji pɔɔg ni gbanann.

1 Korenti 8:1

Ki jiin tibawojiir paam: Ti nyi ke ti biɛn jɔɔ nbiɛm. Nbiɛm mu che uninfo far ligbingbanl le, amaa njiɛm ma pɔɔgir uninfo le.

2 Korenti 1:4

Ti Baa wan sɔŋir ti sufu a bɔmugkaar biɛn ni, wee ti mu li fir sɔŋir ban be limugilin a sufu, lisufusɔŋil lan wee ti nan gaa Uwonbɔr ban ni.

2 Korenti 2:7

Amaa daandaan nan ni ŋan nin ni jiɛn per u, amaa wee ki sɔŋir u sufu, wee ki laa che npoobiim n kɔɔ ki tan lagiri.

Efesusi 4:29

Ni laa che tibɔbir nyann ni mɔn ni, amaa ni li pag nan li fir ter ni kpiɛtiib, wee nin ŋa tinyɔɔr ki sei ban peligin.

Efesusi 6:22

Nan bu wee n nan tun u ni ban nin ye un nan wɔɔn ni taah be man, ki pɔɔg ni gbanann.

Kolosiya 4:8

nan bu wee n tun u ni ban ye ni biɛ ti binbem kaah ye man, wee un pɔɔg ni sufu.

1 Tesalonika 2:11

Ni nyi ke ti le ŋmag nim le ke baa kaah ŋmag u baan tɔɔl a buwaab man nin,

1 Tesalonika 2:3

Taah bei ni tibɔr tan nan kaa ye kuŋmaruŋi, kaa ji ye ti jɔɔ lipotiɛbiril liba le, kaa ye kularug mu.

1 Tesalonika 3:2

Ti tun Timoti wan ye ti toon tun kpiɛg Uwonbɔr a toon n-yaan wee ki mɔɔn Masiya a bɔŋann nle ni ban, ke un nan pɔɔg ni gbanann nin ni yada-n,

1 Tesalonika 4:1

N nabum, ni joorimin, ti wɔɔn ni na li ŋa man wee ni binbem li gbeeg Uwonbɔr a num, ke naah pii be man nin. Daandaan nan ti balin ni le ki bei ni ke ni le li gbaa be man na Uyudaan Yisa a yinlin.

1 Tesalonika 4:18

Mambu ni ta imɔbon nan ki pɔɔg tab a gbanann na man.

2 Tesalonika 3:12

Bininfob nmɔn a bol le ti jɔɔ Uyudaan Yisa Masiya a yinl ki kpaan bi ke bin pɔɔn biba wee ki tun ki kan bi tɔɔl a jiir ki ji.

1 Timoti 1:4

ki che bin nyan biba bi yaajam a bɔkpegir tan ye tibɔkar a teeni ki nyan bi yaajam a yiin npaamin. Ni ma che limɔkpel forin kaa ye Uwonbɔr a niin a toonl lan ye yada nbu.

1 Timoti 4:13

Hali nin maah na li dan n-yonn man, a li jɔɔ isaŋ ki karin Uwonbɔr a bɔr nmɔn ki tenn bininfoba, wee ki li mɔɔn ti ki li jɔɔ ti wɔɔn ba.

1 Timoti 6:2

Biyom ban a yudam ye biwonjiɛmin n laa ziɛn bi, nan bu-n bi ye nnabum le nin tab. Amaa ni ye bin mann ter bi le nbamɔm, nan bu-n ban ji bi toon nmɔn a nyɔɔr ye biwonjiɛm le, ban wee biyudamin jiɛ. Ni niɛ le ye nan wee ni li jɔɔ wɔɔn ki pɔɔgir bi gbanann.

2 Timoti 4:2

Li mɔɔn tibɔr nmɔn na; ŋaam sili iyoo biɛn, ki li tenn bi ikpaan ki gbeer bi, ki pɔɔgir bi gbanann ki li jɔɔ limɔril nin maaninba a wɔɔnim.

Taitus 1:9

Ki li ŋmag ibamɔn a bɔr tan wee bi nan wɔɔn win kenken, wee ki fir pɔɔg u kpiɛtiib a gbanann nin ibamɔn a wɔɔmin, wee ki fir nyaŋ ban biɛn kaa cheel tibɔŋann nmɔn nin.

Taitus 2:15

Ni niɛ nan le ye nan wee a li wɔɔn bi. Ki li jɔɔ npɔɔn man wee bi ta seiŋin biɛn ki pɔɔg bi gbanann ki li kpaan bi. Ki laa che uba nlig ziɛŋi.

Taitus 2:6

Man mu jigin, pɔɔg binaachipɔm mu a gbanann wee bi li chor bi ba.

Taitus 2:9

Wɔɔn ban ye biyom wee bi li cheel bi yudam a mɔɔŋi niwann biɛn nin, ki li pɔɔn bi ba ki li be nbinben man li gbee bi yudam a num, ki laa far bi imɔkpeli,

Hiibru Yaab 10:25

Ni laa che ti ta tab ban a lagim ki jiɛn ni, a li ke bibam kaah ŋaan man nin ni, amaa ni che ti li mann pɔɔg tab a gbanann, a li ke naah kan Uyudaan a dan daalin kaah fɔɔr maligin man nin.

Hiibru Yaab 13:22

N nabum, n balin ni le ke, ni li jɔɔ limɔril wee ki gaa n kpaan nan a bɔra, nan bu-n tibɔr wama le n ta sɔb kugbɔŋ nan ki sei ni.

Hiibru Yaab 3:13

Amaa ni li pɔɔgir tab a sufu idaa biɛn na, taah la be Dinan nin, wee ni ni uba laa ye tukangbirdaan tibir a larug bu.

1 Piita 5:12

Silasi wan wee n nyi ke u ye uwonjiɛn ibamɔn nin, li terim le n sɔb kugbɔŋ nan wama, ke n pɔɔg ni gbanann wee nin jin siɛra ke nan be nan ye Uwonbɔr a nyunyunbasanl le ibamɔn. Mambu ni li ŋmag ni nin nbamɔma.

Juud 1:20

Amaa nim, n jɔtiib, ni li kpiɛg ni ba ni kasi a yada wee ki li miɛ Kasi a Naaŋ.