1 Korenti 13:4 - UWONBƆR A GBƆNPƆŊ LIKƆƆNL

⁴ Njiɛm ye limɔril le, tininforin le ye njiɛm, maa ye lipiiponli, maa ye ligbingbanl faali, maa ye kalanbaani.

Uwumbɔr aagbaŋ

⁴ Unii u gee binib na, u kpa limɔr bi pu, ki kpa tibulchinn. Waa kpa lipiipoln, kaa kpa kipupuk, kaa kpa kalmbaani,

1 Korenti 13:4 ပူးပေါင်းရင်းမြစ်များ

Matiu 27:18

Nan bu-n Palati nan nyi naah ye linunchɔril bu le bi choo Yisa ki nan ŋa u nɔɔn.

Lituln 7:9

“Jekɔb a naachim nmɔn kaah nan jɔɔ lipiiponl bi waal Josef bu-n, le bi nan choo u kɔɔr sei Ijibir yaab ke uyomin. Amaa Uwonbɔr nan be nin u,

Rom Yaab 1:29

Bi sufu gbee nin npooton a booli le, nin titoonbir nin kujaŋuuŋ nin nan kaa jɔɔ bu. Bi gbee nin linunchɔril le, nin lininfo kul, ki kɔnn nin tab, ki lar tab, ki nan tab. Bi ye bi bɔɔn sub le,

Rom Yaab 13:13

Ni che ti binbem li ween na, a li ke ti be nweehn le-n, ki laa ye ban nyu ndaam a booli biɛn bee bidanyugbeebi, ki laa tun iwanchɔgin toon ti piibanlin bee ti jabanlin nin iwanjaab toon a boolin yi, ki laa jɔɔ imɔkpel nin lipiiponli.

1 Korenti 3:3

Ni le la be le ke dulinya yaabin, ni la jɔɔ lipiiponl le nin limɔkpel ni sisiigin, ni toon kaa be le ke dulinya yaab a toon yaa?

1 Korenti 4:18

Ni ni biba tiɛr ke maa yin dan nan gɔnn ni, ni ma bu le bi jɔɔ kalanbaani.

1 Korenti 4:6

Daandaan nan, n nabum, nim a nyɔɔr bu le n bigin ni niɛ ki sei min nin Apolosi, ke ni tinn ti ban n wɔɔm man ke, “Ni la tun ki lagir nan sɔb Uwonbɔr a gbɔŋin nin bu” wee nin che ni laa jɔɔ kalanbaani uba bu ki jon u kpiɛgi.

1 Korenti 5:2

Le ni jɔɔ kalanbaani! Naa bi ye ni li mɔr le ki sin nyan uja wan tun iwanjaab toon nmɔn ni gbanann nin naa?

1 Korenti 8:1

Ki jiin tibawojiir paam: Ti nyi ke ti biɛn jɔɔ nbiɛm. Nbiɛm mu che uninfo far ligbingbanl le, amaa njiɛm ma pɔɔgir uninfo le.

2 Korenti 12:20

N lam yugir nin n dan wee kaa na yin kan ni maah ban ni li be man nni, wee ni mu kaa yin kam naah ban n li be man ni. N san bijawaam le nba ke limɔkpel na li be, bee lipiiponl, bee lijagaal, bee nbɔgirim bee kutingbiig, bee libɔɔnsul bee kalanbaani chɔgiŋ, nin kuŋmaruŋ.

2 Korenti 6:6

ti ye bipopendam le, ki jɔɔ nnyinyin, limɔril nin nbinben ŋan ki gbee nin Kasi a Naaŋ nin njiɛm,

Galantiya 5:26

Ni laa che ti li jɔɔ kalanbaani nin tab, bee ki fiin tab a ŋuui, bee ki li jɔɔ linunchɔril nin tabi.

Efesusi 4:2

Ni jiin niba, ki li be soon, ki li jɔɔ limɔril nin njiɛm nin tab.

Efesusi 4:32

Ni li ŋaan tab tiŋanna, ki li san tab kunyunyunbaaga, ki li jiɛn tab a bir ki per ke Uwonbɔr kaah jiɛn per ti Masiya bu man nin.

Filipi 1:15

Ni ye ibamɔn le ke, biba mɔɔn Masiya a bɔr nmɔn ki jɔɔ linunchɔril le nin lipiiponl, amaa le biba mu mɔɔn ti nin ti ŋam bu.

Kolosiya 1:11

Uma Uwonbɔr wan jɔɔ ipɔɔn biɛn nan n pɔɔg ni gbanann, U pag takpoŋin bu wee ni li jɔɔ pɔɔninba nin limɔril nin nmɔn,

Kolosiya 2:18

Ni laa che uba n ta tibɔkar a jiininba nin malakam a jiɛnim ki lar ni wee ni lann ni yɔri. U yaa daan nɔɔ waah ga nan biɛn tininforin nin le, naa ye kinaaŋin ni, u donn uba u potiɛlin le naa jɔɔ bu.

Kolosiya 3:12

Mambu, naah ye Uwonbɔr a ninfogannkaabin wee u jiɛ ni ki ŋa ni kasi-n, ni ta linyunyunbasanl nin tiŋann, nin jiininba, nin nbinben ŋan nin limɔril ki kpann daala ki yee u.

1 Tesalonika 5:14

Ti balin ni le, n nabum, ni kpaan ban ye bigbanyagdamin na, ki pɔɔg ban san bijawaamin a sufuu, ki ter ban a yada kaa pɔɔ-n, ki li jɔɔ limɔril nin uninfo biɛn na.

1 Timoti 6:4

u ye kalanbaanidaan wan donn uba le kaa sin nyi niba. Ki ji ye wan a mɔsanyum sɔɔn, nin wan a sufu be limɔkpel a famin nin tibɔyɔɔr a pagimin, nin lipiiponl lan jɔɔ nbɔgirim chaan ki che taa nyi ki biɛn tab,

2 Timoti 2:25

Ni kpaa le nin u li be soon ki fir wɔɔn ban yii u bɔrin, ki li jɔɔ tama ke Uwonbɔr li sei bi nkpenim man li wɔɔn bi ibamɔn nin,

2 Timoti 3:10

Amaa fin Timoti, a nyi n wɔɔnimin kaah ye man, nin n binbem, nin n lol, nin n yada, nin n mɔril, nin n bam nin maah pɔɔn nba man,

2 Timoti 4:2

Li mɔɔn tibɔr nmɔn na; ŋaam sili iyoo biɛn, ki li tenn bi ikpaan ki gbeer bi, ki pɔɔgir bi gbanann ki li jɔɔ limɔril nin maaninba a wɔɔnim.

Taitus 3:3

Isaŋ iba ti mu nan ye tijɔri le nin tukangbirdam, le ni lar ti ki ta ti ŋa tiyomir, ki jɔɔ kɔlisa birug nin dulinya nan a wan ŋan. Le ti jɔɔ kininaŋ nin linunchɔril, le bi nan ti le ti mu nan bitab.

Jemisi 4:5

Bee ni tiɛr ke Uwonbɔr a bɔr kaah len man ni kaa jɔɔ bu lee? Ke Kinaaŋ kan wee Uwonbɔr ta ŋa ti ban nin ki jɔɔ linunchɔril takpem maa?

1 Piita 2:1

Mambu, ni jiɛn niwann nan ye kininaŋ nin kularug, nin bilinlarib a toon nin linunchɔril nin kutingbiig a booli biɛn na.

1 Piita 3:8

Nan joor, ni biɛn li jɔɔ nmɔkpaau wee ni baga li be tabin na; ni li jogir taba, ki li jiɛ tab ke nnabumin, ki li san tab kunyunyunbaag nin jiininba.

1 Piita 4:8

Nan jon niwann biɛn ye ni li jiɛ tab le nbamɔm, nan bu-n njiɛm deginn tibir takpem bu le.

2 Piita 1:7

ki ta kunabitiig a ŋann ki kpiɛ nwonjiɛn binben nin, ki ta njiɛm ki kpiɛ kunabitiig a ŋann nin.

1 Jɔnn 4:11

N jɔtiib, Uwonbɔr kaah jiɛ ti kagin, ni ye ti mu li jiɛ tab le.