1 Korenti 13:13 - UWONBƆR A GBƆNPƆŊ LIKƆƆNL

¹³ Daandaan nan tiwann titaa nan le be, ti ma ye Yada, Tama nin Njiɛm, amaa njiɛm mu le jon ni biɛn.

Uwumbɔr aagbaŋ

¹³ Tɔ, naadii, ni limakl, ni ngeehm, ni mɔmɔk nitaa le bi; ngeehm mu le jer ni mɔmɔk.

1 Korenti 13:13 ပူးပေါင်းရင်းမြစ်များ

Tibɔnyaan ti Luk ŋmee ti na 10:27

Le uja nmɔn jiin ke: “ ‘Li jiɛ Uyudaan Uwonbɔr, ki li jiɛ U nin a sufu biɛn, nin a pɔɔm biɛn nin a potiɛm biɛn’; ki ‘li jiɛ a kunkɔɔn tau ke ŋaah jiɛ a ba man nin.’ ”

Tibɔnyaan ti Luk ŋmee ti na 22:32

Amaa n miɛ Uwonbɔr, fin Simɔnn bu, ke a wonjiɛnl laa jiir tumi. Le a jirin n ban ke, a pɔɔg a nabum a gbanann na.”

Rom Yaab 15:13

Che tama a Wonbɔru win gbeen ni nmɔn biɛn nin nposɔɔn naah ga U jin nin bu, wee ni li jɔɔ tama kan yab ki tan lagir, Kasi a Naaŋin a pɔɔm bu.

1 Korenti 14:1

Ni li nɔɔ njiɛm ki sin li ban Kinaaŋ a piini, ni nunman li ye ilinlen leen a piin.

1 Korenti 16:14

Ni li tun niwann biɛn nin njiɛma.

1 Korenti 3:14

Ni ye nŋmi kaa gaa waah maa nan nin ke u li kan u yɔr.

1 Korenti 8:1

Ki jiin tibawojiir paam: Ti nyi ke ti biɛn jɔɔ nbiɛm. Nbiɛm mu che uninfo far ligbingbanl le, amaa njiɛm ma pɔɔgir uninfo le.

1 Korenti 8:3

Amaa uninfo wan ban Uwonbɔrin, u ma le Uwonbɔr nyi.

2 Korenti 5:10

Nan bu-n ti biɛn na li sir Masiya a nintogil tibɔr a ji daal; uninfo biɛn na li gaa u yɔr u toon kaah nan ye man waah nan be tigbanann nan yaan ni, naah ŋan naa, naa kaa ŋan naa u yɔr le yen.

2 Korenti 5:15

Bininfob biɛn bu le u nan kpo, ke ban fo-n la ji be bi ba bu, amaa ki li be ke wan nan gaa bininfob biɛn a kum ki kpo ki ji fiin nkumin ni.

Galantiya 5:6

Ni ma bu Masiya ban, taah jii ti pun bee taah kaa jii kaa kpaa talari. Nan kpaa talar le ye yada kan be npaanin nin njiɛm.

Filipi 1:9

N miɛ Uwonbɔr le ke: Ni jiɛm nmɔn n mann ki kpiɛ ki ji kpiɛ ni nlamin nin nbiɛmin,

Kolosiya 1:27

Bininfogannkaab nmɔn le Uwonbɔr nan gann ke bin kpiir liwool a bɔrin ki wɔɔn ban kaa ye Juu yaabin, liwool a pag kan yabin, ni ma ye Masiya wan be nin ni-n, ki ye kupag a tama-n.

Kolosiya 1:5

yada nin njiɛm man bun ki nya tama kan dɔ papaab ki guu ni, wee ni pii gbir ibamɔn a mɔleen yan ye tibɔŋann nin,

Kolosiya 3:14

Nin tiyeer nan biɛn, nan jon ni biɛn ni ye ni li jiɛ taba, njiɛm li lagin ni biɛn ki ŋmag nin nmɔkpaa man be kasi.

1 Tesalonika 1:3

Ti tiɛr ni bu ti Baa Uwonbɔr ban, ni yada a ŋaam nin ni jiɛm a toon nin ni tama kan wee ni jɔɔ nin ti Yudaau Yisa Masiya nbu le che ni si nbamɔm.

1 Tesalonika 5:8

Amaa tim kaah ye nweehn a ninfobin, ni che ti li chor ti bau, ki li jɔɔ yada nin njiɛm man li guu ti gbanann, ki li jɔɔ nŋmarim a tama man wee ti li ta chig ti yul bu ke kijabig.

1 Timoti 1:5

Nwɔɔnim nan a num kaah paa nan bu ye njiɛm le, man nyan kasi a sufu-n nin ipotiɛ ŋan nin ibamɔn a yada-n.

2 Timoti 1:7

Uwonbɔr kaa ta Kinaaŋ kan li che ti san bijawaam le sei ti, amaa U sei ti Kinaaŋ kan li che ti jɔɔ npɔɔn le, nin njiɛm nin taah li dar tiba a tul man.

Hiibru Yaab 10:35

Mambu ni laa ta ni dindanin ki gabi; nan bu-n ni nyɔɔr na li yab.

Hiibru Yaab 10:39

Amaa tim kaa ye ban sul jir bɔɔn wee ki gab yɔli nni, amaa ti ye ban ŋa yada nin ban kan feegabin le.

Hiibru Yaab 6:11

Ti ban ni biɛn li jɔɔ inunman le hali nin ndiɛm, wee nin che naah jɔɔ tama nan bu-n nin sin ŋa ibamɔn.

Hiibru Yaab 6:19

Tama kan wee ti jɔɔ nmɔn li ŋmag ti sufu le ki baa kenken. Tama nmɔn le jon lagir likinkenl lan gɔɔn nin bu, ki kɔɔ kasi a diig n-yaan ke uninfosaalin,

1 Piita 1:21

Uma bu le ni ŋa Uwonbɔr yada, wan nan fiin Yisa nkumin ki sei u kupag, mambu ni yada a ŋaam nin ni tama be Uwonbɔr ban le.

1 Jɔnn 2:10

Wan jiɛ u nabig ke, udaan be nwonween nin le, le niba kaa be u ban ki li che un gbiɛri.

1 Jɔnn 2:14

N sɔb le ki tenn nim ban ye baam, nan bu-n ni nyi wan nan be npiinimin. N sɔb le ki tenn nim ban ye iwanpɔlin, nan bu-n ni jɔɔ npɔɔn, le Uwonbɔr a mɔleen be nin ni, le ni nyaŋ tibirdaan nin na.

1 Jɔnn 2:24

Ni che naah nan gbir nan npiinimin nin li be ni sufu ni na. Ni ye ni tun man ke ni mu li be Bija-n nin Baa-n ban.

1 Jɔnn 3:3

Uninfo wan biɛn jɔɔ tama Uwonbɔr ni ke, udaan ŋa uba le kasi ke Yisa kaah be man ni.

1 Jɔnn 3:9

Uwonbɔr kaah ma wan biɛn kaa yin gbaa tun tibiri, nan bu-n Uwonbɔr a nunaŋ be u ni, ni bu waa li fir gbaa tun tibiri, Uwonbɔr kaah ma win bu.