1 Korenti 12:8 - UWONBƆR A GBƆNPƆŊ LIKƆƆNL

⁸ Kasi a Naaŋ che biba pag nlam a bɔr, Kasi a Naaŋ nmɔn a piini le che biba pag nin nbiɛm Kinaaŋ kiba nmɔn a pɔɔmin,

Uwumbɔr aagbaŋ

⁸ Mu cha ubaa len nlan aaliin. Muma muchachaan ngbaan cha ubaa mu beer tibɔr ki len.

1 Korenti 12:8 ပူးပေါင်းရင်းမြစ်များ

Matiu 13:11

Le u bei bi ke, “Nim ma, Uwonbɔr ta paab a naamin a bɔr woon kaar ki sei na. Amaa bi ma, waa che bi biɛ.

Lituln 6:3

N nabum, ni lig wee ki gann bijab bilile ni sisiigin, ban wee ni nyi ke bi gbee nin Kinaaŋin nin nlam gɔr kaam, wee ti ta man a toon ki sei bi,

Rom Yaab 15:14

N nabum, min tɔɔl kaa biɛni, ni tɔɔl gbee nin nbinben ŋan, ki jɔɔ nbiɛm takpem, ki li fir wɔɔn tab nbamɔm.

1 Korenti 1:30

U ma Uwonbɔr bu le nim be nin Masiya, le u tenn ti U tɔɔl a lam. U ma ŋa ti bibuchim, ki ŋa ti kasi, le ki sei ti nkpenim a manug.

1 Korenti 1:5

Naah be nin Yisa-n ni ŋa biwandam le niwann biɛn ni, nin ni pipagir nin ni biɛmin,

1 Korenti 13:2

Ni ye n jɔɔ ilinlen leen a piini, ki fin biɛr tibɔwoonkaar biɛn, ki jɔɔ nbiɛm biɛn, hali ki jɔɔ yada kan wee n li fir pag wee ijɔɔ nfii, amaa wee kaa sin jɔɔ njiɛm ke n ye yɔli le.

1 Korenti 13:8

Njiɛm kaa wiiri. Amaa ilinlen leen na li diɛ; le ileen pɔɔn a pagim na li jo, le nbiɛm a tarig na li kpaa.

1 Korenti 14:26

N nabum, ti ji yin len ke baa? Ni lagin tab ni jiɛn Uwonbɔr ke, uba jɔɔ ilan, bee nwɔɔnim, le utɔ mu jɔɔ tibɔkpiirikaar, le uba mu pag ileen pɔɔn a booli, le uba mu jɔɔ karwɔɔn. Ni niɛ nan biɛn ye nin tun le ki sei biwonjiɛm npɔɔn.

1 Korenti 14:6

N nabum, ni ye n dan ni ban ki nan pag ileen pɔɔn ke, ni ye baa a ŋan ki sei naa, wee naa ye n ta tibɔkpiirikaar dan ni ban bee nbiɛm bee ilinlen leen bee nwɔɔnim a mɔbonl laa?

1 Korenti 2:11

Ni ŋma nyi Uninfosaal a potiɛl wee naa ye uninfosaal nmɔn a naaŋ kan be u ni nnaa? Man le ye ni, uba kaa nyi Uwonbɔr a potiɛli see Uwonbɔr a Naaŋin a binba.

1 Korenti 2:16

A li ke naah sɔb Uwonbɔr a gbɔŋin ke, “Ŋma nyi Uwonbɔr a potiɛlaa wee ki li fir wɔɔn waa?” Amaa tim ma jɔɔ Masiya a potiɛl.

2 Korenti 1:12

Daandaan nan taah jɔɔ ligbingbanfaal lan sɔ: Ti potiɛl jin ti siɛra ti binbem dulinya nan a ninfobin, nin ni baantɔɔl a sisiigin, ti kasi a binbem nin ibamɔn nin nya Uwonbɔr ban le. Naa ye dulinya nan a lam le che ti tun man ni, amaa ni ye Uwonbɔr a nyunyunbasanl bu le.

2 Korenti 11:6

Nba ke maa ye wan kan ntinnim wee ki li pag tibɔri, amaa n jɔɔ nbiɛm. Ti che ni niɛ le won ni num kasi niwann biɛn ni.

2 Korenti 2:14

Amaa Uwonbɔr le ye kunɔɔpoog, nan bu-n iyoo biɛn U lii ti sam ki pee nnyaŋim a naatuŋ Masiya a pɔɔm bu. U bɔr mɔ le ke tulaali a baam kaah mɔ man ni, le u che ti mɔɔn ti ilog biɛn.

2 Korenti 4:6

Uwonbɔr kaah nan len ke, “Che nwonween nwonn libunbɔnlin.” U ma che u wonweem ween ti sufu ni, ke un sei ti nbiɛm a weem man li sei Uwonbɔr kupag Masiya a num paam.

2 Korenti 6:6

ti ye bipopendam le, ki jɔɔ nnyinyin, limɔril nin nbinben ŋan ki gbee nin Kasi a Naaŋ nin njiɛm,

2 Korenti 8:7

Amaa naah jɔɔ nan yaba: Ni yada, nin ni pipagir, nin ni nyinyim, nin linunmanl nin njiɛm wee ni jɔɔ nin ti, ni mu che ni nyunyunbasanl a piini li yaba.