1 Korenti 12:18 - UWONBƆR A GBƆNPƆŊ LIKƆƆNL

¹⁸ Amaa Uwonbɔr lagin igbanann bɔg nmɔn biɛn nba le waah ban ti man.

Uwumbɔr aagbaŋ

¹⁸ Naah ye pu na, Uwumbɔr le di tiwon aawan mɔmɔk saŋ tɔb ponn ni, waah ban pu na.

1 Korenti 12:18 ပူးပေါင်းရင်းမြစ်များ

Tibɔnyaan ti Luk ŋmee ti na 10:21

Iyaayoo nmɔn, Kasi a Naaŋ kaah nan gbeen Yisa ni nmɔn ni, le u ke, “N Baa, paab nin tum a yudaau, n pagiŋ, nan bu-n ŋaah ta tibɔr nan ki woon bilandam nin bibiɛndam, amaa le ki sin kpiir wɔɔn nbuwaab finfim. Nn, n Baa, ŋaah ban nin tun man le yen.

Tibɔnyaan ti Luk ŋmee ti na 12:32

“N ninfob ban kaa yab nan, ni laa san bijawaami, ni Baa Uwonbɔr jɔɔ npopeen nin waah yin jin ni nnaam n bu.

Rom Yaab 12:3

Uwonbɔr kaah sam kunyunyunbaag kan nin bu le n bei ni biɛn nan ke: Uba laa tiɛr ke u ye lininfo gbingbemil ki jon waah be man nni, amaa che uninfo biɛn li tiɛr ibamɔn a bɔjil ki tenn u bau, ke yada kan wee Uwonbɔr ta sei win kaah kpaa man nin.

Rom Yaab 12:6

Ti jɔɔ ipiin balbal le, ke Uwonbɔr kaah sei ti U nyunyunbasanl lan nin. Ni ye wan a piin ye ilinlen leen a pagim ke, che un ta tun u yada kaah kpaan man.

1 Korenti 12:11

Ni niɛ nan biɛn ye Kinaaŋ kiba nmɔn a toonl le, le u ta sei uninfo biɛn waah ban man.

1 Korenti 12:17

Tigbanann biɛn bi lagin ki ye nnumbim ke, ni bi yin ŋa niin wee tigbanann li gbiraa? Ke tigbanann bi lagin ki ye litul ke, ni bi yin ŋa niin wee tin gbir nbaamaa?

1 Korenti 12:19

Ni ye igbanann bɔg nmɔn biɛn bi ye ligbanann bɔgil liba ke, tigbanann nmɔn biɛn bi yin be laa?

1 Korenti 12:24

Igbanann bɔg yan ŋan ni, kaa ban nterimi. Amaa Uwonbɔr le ta igbanann bɔg nmɔn, ki tugin tab le ki ta jilima takpem sei ligbanann bɔgil lan kaa jɔɔ jilima nmɔn.

1 Korenti 12:28

Biwonjiɛmin, Uwonbɔr nan gann itoon le chinchinn, le ki paan bilinlem, ban kpiɛ mitaa le u gann ban wɔɔnn, le ki nin paan ban tun ligaril a toon, le ki ji paan ban jɔɔ kutebug a piini, nin ban li fir ter bitab, le ki gann bitoontum sanliib, nin ban pag ileen pɔɔn a booli.

1 Korenti 15:38

Amaa Uwonbɔr le tenn tigbanann waah ban man, le ki tenn biwanboolib biɛn mi tɔɔl a gbanann.

1 Korenti 3:5

Nin ni ma biɛn nan a bɔɔn, ŋma ye Apolosi? Ke ŋma ye Pɔɔl aa? Ti le ye bitoontum le, ban wee Uyudaan nan ta itoon ki ŋa uninfo uba biɛn a nɔɔn wee ni ŋa yada-n.

Efesusi 1:5

U pii nan lol ke U li ta ti ki kpann U buwaab Yisa Masiya bu, U nan lol man le U nungbeelin nin U bam,

Efesusi 1:9

Le U kpiir wɔɔn ti nan wee U nan woon lol U bamin ke un tun nin Masiya, U nungbeel a ŋamin nin,

Tibɔkpiirkaan 4:11

“Ti Yudaau Uwonbɔr, a sin kpaan, a gaa kupag nin jilima nin npɔɔn na nan bu-n fin le nan naan niwann biɛn, a bam bu le bi nan naan niwann biɛn, le ki fo be.”