1 Korenti 11:26 - UWONBƆR A GBƆNPƆŊ LIKƆƆNL

²⁶ Iyoo yan biɛn wee ni ŋman boroboro nan wee ki nyun kiyiinyɔɔg nan yaan ke, ni mɔɔn Uyudaan a kumin le nin waah na li jirin.

Uwumbɔr aagbaŋ

²⁶ Ba pu? n‑yoonn mumɔk ni ga ŋmɔ boroboro ngbaan, ki nyu tiwanyukaan ngbaan na, ni mooni ke Tidindaan nan kpo ni pu la, ki ti saa bundaln u ga gir ni na.

1 Korenti 11:26 ပူးပေါင်းရင်းမြစ်များ

Jɔnn 14:3

Ni ye ke n jon tan mann npaan ke, n li jirin ki nan ta ni wee nitɔɔl tan li be n ban nan yaan wee n be-n.

Jɔnn 21:22

Le Yisa jiin u ke, “Ni ye n ban u li be nin u miɛfol ki nan kpaa n-yonn man wee n li jirin ke, ni ye ba ki sei ŋaa? Ni kpaa le nin a nɔɔm.”

Jɔnn 21:23

Ni niɛ nan bu, le tibɔr nan mɔɔn u bɔɔnɔɔbin a sisiigin ke ubɔɔnɔɔr uniɛ ma kaa yin kpo. Amaa Yisa kaa ke waa yin kpo; u len le ke, “Ni ye n ban u li be nin u miɛfol ki nan kpaa lidaal lan wee n na li jirin ke, ni ye ba ki sei ŋaa?”

Lituln 1:11

Ki baan bi ke, “Nim Galilii yaab, ba ŋa wee ni si ki lig papaab man naa? Yisa wan nyan ni ban ki don paabin, u le ji na yin jirin man le ke naah le kan u wee u don paab man nin.”

1 Korenti 15:23

Uninfo biɛn nin u kum a fii yoo, Masiya le chinn fii, le ban ye u ninfob mu na li fii u jirin daal.

1 Korenti 4:5

Ni bu ni laa ji uba tibɔr daandaan nan wee n-yonn kaa la foo, ni li guu n-yonn man wee Uyudaan na li foon. U ma na li nyan nan be libunbɔnlin nween ni, ki kpiir tibir tan be uninfo a sufu-n npaan ni, iyaayoo bininfob biɛn na li kan bi pɔg Uwonbɔr ban.

1 Tesalonika 4:16

Uyudaan baan tɔɔl li nya papaab ki jiirin, ki nan sei bimɔb nin nkukɔ pɔɔn wee ti gbir malakam a ninkpelu a kukɔl nin Uwonbɔr a natun yinkaagin a mɔr, le bininfob ban nan gaa Yisa wee ki nin kpe-n li chinn fii nkumin.

2 Tesalonika 1:10

lidaal lan wee u nan dan un nan gaa u pag kasi a ninfob nin u jilima ban biɛn ŋa u yada-n ban nin. Ni tɔɔl kpiɛ niin na, ni ŋa tibɔr tan wee ti pag sei nin yadau.

Hiibru Yaab 9:28

man mu le Masiya a manugin nan mann nba bu ki nyan bininfob takpem a bir; le u ji li jirin, kaa ye u nan ji tibir a fala, amaa u li ŋmag feegab ki nan sei ban guu win.

2 Piita 3:10

Amaa ti Yudaan a dam nmɔn na yin nann unaayig a dann le. Papaab na li fɔɔr nin tifur takpenn; le nŋmi na li gaa tiwann tan be papaabin, le tum nin tiwann tan be tum nmɔn na li dɔɔn yɔli.

1 Jɔnn 2:28

Tɔ daandaan nan n bijiɛkaam ni li be u ban na, wee u nan degirin ke ti li jɔɔ tidindann ki laa san ifa u jirimin daali.

Juud 1:14

Enog wan ye Adam a yaabisagira bilile nan, nan pag ilinlen leen ki jiin bininfob nan paama: “Lig, Uyudaan nin U kasidam tuturil a turil le chaan nin,

Tibɔkpiirkaan 1:7

Lig, u be titalangbann nin ki chaan, le nnumbim biɛn na li kan u; hali nin ban nan ŋu win li kan u; le dulinya yaab biɛn na li mɔɔ u bu. Ni sin li ŋa man! Ibamɔn.

Tibɔkpiirkaan 22:20

Wan jin ni niɛ nan biɛn a siɛra len ke, “Nn, n chaan le daandaan nan.” Ibamɔn. Dan, Uyudaan Yisa.