1 Korenti 10:17 - UWONBƆR A GBƆNPƆŊ LIKƆƆNL

¹⁷ Ni ye boroboro konl liba le, amaa tim yaba, le ki lagin ki ŋa gbanann tiba, nan bu-n taah lagin ki ŋman boroboro konl liba n bu.

Uwumbɔr aagbaŋ

¹⁷ Boroboro ngbaan ye boroboro kpiln libaa la. Nima le mɔk ke ti kpaan tiwon tibaa la; ba pu? ti mɔmɔk kpaan ŋman boroboro kpiln libaa la.

1 Korenti 10:17 ပူးပေါင်းရင်းမြစ်များ

Rom Yaab 12:5

man mu le ye ni Masiya ni, ti ninfo gbaluŋ le lagin ki ŋa tigbanann tiba, le ligbanann bɔgil liba ye igbanann bɔg yan gurin yaan le.

1 Korenti 10:21

Naa li fir nyu Uyudaan a yiinyɔɔgin, ki jin nyu nnaanbiim a yiinyɔɔgin ni. Naa li fir ji Uyudaan a jiir wee ki ji nnaanbiim a jiiri.

1 Korenti 12:12

Tigbanann ye nba le, hali nin taah le jɔɔ ibɔg ibɔg takpem nmɔn, hali nin ibɔg nmɔn biɛn kaah le yab nmɔn na ti lagin ye gbanann tiba le, Yisa mu ye man le.

1 Korenti 12:27

Daandaan nan ni ye Masiya a gbanann le, ni biɛn le ye tigbanann nmɔn a bɔgi.

Efesusi 3:6

U bɔwoonkaar nmɔn ye nan le, tibɔŋann nmɔn bu le ban kaa ye Juu yaabin fir ki lagin jin lifaal nin Iziral yaab, ki lagin ye gbanann tiba a ninfob, ki jɔɔ waah nan siin limɔsiinl lan Masiya bu-n ki por nin tab.

Efesusi 4:16

U ma bu le ti gbanann tug ki ŋmag tab, le tigbanann nmɔn tug tab ki maa tab kpiɛg nin njiɛm, le ligbanann bɔgil biɛn tun litoonl.

Efesusi 4:25

Mambu ni laa ji por tibɔkar ki tenn tabi, uninfo biɛn li pag ibamɔn ki tenn u kunkɔɔn taba, ke ti biɛn ye tigbanann tiba a ninfob le.

Efesusi 4:4

Tigbanann tiba nin Kinaaŋ kiba le be, ke baah nan yin ni tama kiba bu a yim man nin,

Kolosiya 2:19

Waa ji tug nin Masiya wan ye ni yulin ni, wan bu wee tigbanann biɛn tugin, uma ŋmag tigbanann le ti ŋmag tab nin tijiin, le ti yabirig ke Uwonbɔr kaah ban ti li yabirig man.

Kolosiya 3:11

Ni ma kaa jɔɔ nbɔgirim ban ye Juu yaab nin Girig yaabin, ban jii bi pun nin ban kaa jii bi pun, ban ye bicham nin bidindamin, nin ban jɔɔ kulɔŋ a binbem nin ban jɔɔ kufɔŋ a binbem, biyom nin ban ye bi ba, amaa Masiya le ye bi biɛn le ki be bi biɛn ni.

Kolosiya 3:15

Ni che Masiya a posɔɔmin li ŋmag ni sufu, ke naah ye tigbanann tiba a ninfob wee u yin nposɔɔn ni. Ni li tenn Uwonbɔr kunɔɔpooga.