1 Korenti 1:5 - UWONBƆR A GBƆNPƆŊ LIKƆƆNL

⁵ Naah be nin Yisa-n ni ŋa biwandam le niwann biɛn ni, nin ni pipagir nin ni biɛmin,

Uwumbɔr aagbaŋ

⁵ U pu, ni kan Uwumbɔr aanyoor tiwan mɔmɔk ponn ni, ki nyi waabɔr, ki ŋmaa len ti mbamɔm.

1 Korenti 1:5 ပူးပေါင်းရင်းမြစ်များ

Lituln 2:4

Le bi biɛn nan gbee nin Kasi a Naaŋ ki piin ki pag ileen pɔɔn kinaaŋin a pɔɔmin.

Rom Yaab 11:12

Amaa ni ye bi burim nmɔn bu le dulinya yaab kan njɔɔm, le baah lann nan nin che ban kaa ye Juu yaabin kan njɔɔm ke, man ke Juu yaab mu nan jiɛn bi bir ki kan nŋmarim ke, dulinya nan yaab li kan njɔɔm nin jo man.

Rom Yaab 15:14

N nabum, min tɔɔl kaa biɛni, ni tɔɔl gbee nin nbinben ŋan, ki jɔɔ nbiɛm takpem, ki li fir wɔɔn tab nbamɔm.

Rom Yaab 15:4

Nan biɛn wee bi nan sɔb bil n-yonn man nan jon nin bi nan sɔb bil ti yaa wɔɔnim bu le, wee ti li jɔɔ limɔril nin ngbananpɔɔn nin tama imɔleen nin bu.

1 Korenti 12:10

Kinaaŋ kiba nmɔn le sei uba ligaril a toon a pɔɔm, ki sei uba ilinlen leen a pagim a piini, ki sei uba npɔɔn le u biɛr nnaam a bɔgirim, ki sei uba mu ileen pɔɔn a booli a pagim, le ki sei uba mu ileen pɔɔn nmɔn a kar wɔɔn a pɔɔm.

1 Korenti 12:8

Kasi a Naaŋ che biba pag nlam a bɔr, Kasi a Naaŋ nmɔn a piini le che biba pag nin nbiɛm Kinaaŋ kiba nmɔn a pɔɔmin,

1 Korenti 13:2

Ni ye n jɔɔ ilinlen leen a piini, ki fin biɛr tibɔwoonkaar biɛn, ki jɔɔ nbiɛm biɛn, hali ki jɔɔ yada kan wee n li fir pag wee ijɔɔ nfii, amaa wee kaa sin jɔɔ njiɛm ke n ye yɔli le.

1 Korenti 13:8

Njiɛm kaa wiiri. Amaa ilinlen leen na li diɛ; le ileen pɔɔn a pagim na li jo, le nbiɛm a tarig na li kpaa.

1 Korenti 14:26

N nabum, ti ji yin len ke baa? Ni lagin tab ni jiɛn Uwonbɔr ke, uba jɔɔ ilan, bee nwɔɔnim, le utɔ mu jɔɔ tibɔkpiirikaar, le uba mu pag ileen pɔɔn a booli, le uba mu jɔɔ karwɔɔn. Ni niɛ nan biɛn ye nin tun le ki sei biwonjiɛm npɔɔn.

1 Korenti 8:11

A biɛm nmɔn bu le che a na big wan a yada kaa pɔɔ-n, wee Masiya nan kpo u bu-n ngab yɔli.

2 Korenti 4:6

Uwonbɔr kaah nan len ke, “Che nwonween nwonn libunbɔnlin.” U ma che u wonweem ween ti sufu ni, ke un sei ti nbiɛm a weem man li sei Uwonbɔr kupag Masiya a num paam.

2 Korenti 6:10

ti jɔɔ npoobiin, amaa le iyoo biɛn ke ni mɔ ti, ti ye faladam le, amaa le ti che bininfob takpem kpann bijɔɔndam; taa jɔɔ niba, amaa le ki sin jɔɔ niwann biɛn.

2 Korenti 8:7

Amaa naah jɔɔ nan yaba: Ni yada, nin ni pipagir, nin ni nyinyim, nin linunmanl nin njiɛm wee ni jɔɔ nin ti, ni mu che ni nyunyunbasanl a piini li yaba.

2 Korenti 9:11

Ni li ŋa biwandam niwann biɛn ni, wee ki li pu kulaguŋin iyoo biɛn, tim bu ni piini nmɔn li kpann kupag ki tenn Uwonbɔr.

Efesusi 1:17

N le miɛ ti Baa wan ye ti Yudaau Yisa Masiya a Wonbɔru, ki ye ti Baa wan ye jilimadaan nin ke, Un sei ni Kinaaŋ a lam nin kpiir wɔɔn, wee ni mann biɛ U nbamɔm.

Efesusi 2:7

U nan tun ni niɛ ke n-yonn man chaan nan u li wɔɔn uninfo biɛn u nyunyunbasanl lan kaa jɔɔ magimin, ki wɔɔn ti u binbenŋam Masiya bu.

Efesusi 3:8

Min le joor kaa yabi Uwonbɔr a ninfob nmɔn biɛn a sisiigin, amaa ni biɛn yɔli, Uwonbɔr a nyunyunbasanl bu le U gannim ki seim nsan ke: N mɔɔn ki wɔɔn ban kaa ye Juu yaabin Masiya a jɔɔm man kaa li fir ban kan ni,

Efesusi 6:19

Ki li miɛ ki tenn n mu ni, wee ni ye n-yonn man n nan yaar n mɔb ke, n fir kan tibɔr ki mɔɔn tibɔwoonkaar nan ki laa san bijawaami,

Filipi 1:9

N miɛ Uwonbɔr le ke: Ni jiɛm nmɔn n mann ki kpiɛ ki ji kpiɛ ni nlamin nin nbiɛmin,

Kolosiya 2:3

uma ban le nlamgɔrikaam nin nnyinyin gbee le ki woo.

Kolosiya 3:10

ki yee nbinben pɔɔn le, nbinbem nmɔn le Uwonbɔr pɔŋir mi nin nyinyimin le mi nann uma wan naan min.

Jemisi 3:13

Ŋma ye ulandaan nin ubiɛndaan ni sisiigin naa? Ni che un wɔɔn ni u binben ŋam a lam a toon yan ye jiininba a toon nmɔn.

2 Piita 3:18

Amaa ni li yabirig nin ti Yudaau nin ti feeru Yisa Masiya a nyunyunbasanl nin u nyinyimin na. Uma kpaan kupag daandaan nan nin isaŋ yan kaa jɔɔ diɛmi! Ibamɔn.